موعد سفر وبعد اسبوع تلفون من عمان يبلغون اهلي بالرفض وانتهاء الحلم

[البيروتي]

السلام عليكم

موعد سفر وبعد اسبوع تلفون من عمان يبلغون اهلي بالرفض وانتهاء الحلم

قبل اسبوع تم اعطاء الاهل موعد سفر واليوم خابروهم انت فلان نعم انا فلان تم الغاء سفركم ونعلمكم بانكم غير قادرين على السفر بسبب التقرير الطبي لحالة الوالد بسبب وضعه الصحي مع العلم الحمد لله ميشكي من امراض وصحتة الحمد لله زينه قبل هذا التلفون الاسود بس قبل اربع سنين صار عندة خفقان بالقلب والدكتور انطاه علاج والحمد لله صحته مستقرة بس شنكول حسبي الله ونعم الوكيل من الدكتور الي في مستشفى ابن البيطار الي فحص الوالد
زين ليش من فحصة مكلة انت متكدر تسافر ليش باعوا الغراض ليش اخوية بامريكا واني بلبنان واهلي بالعراق ليش وليش حسبي الله ونعم الوكيل
اذا اكو احد يعرف الدكتور بابن البيطار اسمه الدكتور علي ينقذني رجائا وسعيكم مشكور وانشاء الله السفر للجميع
IZ-112  التقديم 2009 الشهر السابع

[كاري ميرو]

حسبي الله ونعم الوكيل
بس ليش كلكم لغو سفركم !
لان اني اعرف عائله لغو بس الأب
بس الأهل رفضوا وقالو إذا أبونا مي يسافر مراح أنسافر ورجعو سؤالهم تقرير ومشت أمورهم ويمكن سافرو الله اعلم

[ألن في بلاد العجائب]

لا يوجد مرض يمنع السفر او يرفض صاحبه بسبب مرضه ما عدا السل يسافر بعد العلاج و لا يجي رفض

ماكو هيجي سبب المفروض يدزولكم ورقة الرفض و بيها السبب مؤشر

[البيروتي]

هية هاي المخبلتني ماكو شي منطقي مصايرة هيج حالة قبل

[ألن في بلاد العجائب]

هية هاي المخبلتني ماكو شي منطقي مصايرة هيج حالة قبل

اخي العزيز اخاف مشتبه تأجيل و ليس رفض

[abo shams]

لا يوجد مرض يمنع السفر او يرفض صاحبه بسبب مرضه ما عدا السل يسافر بعد العلاج و لا يجي رفض

ماكو هيجي سبب المفروض يدزولكم ورقة الرفض و بيها السبب مؤشر

+ 10000
ابد ما سمعت انه اجه رفض بسبب مرض ..
اخي اتاكد من الاتصال ..
حاول تتصل انته بالاي او ام باجر الصبح

[البيروتي]

اخي اهلي مقدمين من 2009 ومكملين كلشي وقبل اسبوع انطوهم موعد السفر 2 / 12 / 2012 واليوم خابروهم كللولهم انتوا بعد متسافرووووووووووووووووووووووووووون مصاير والله

[ألن في بلاد العجائب]

اخي اهلي مقدمين من 2009 ومكملين كلشي وقبل اسبوع انطوهم موعد السفر 2 / 12 / 2012 واليوم خابروهم كللولهم انتوا بعد متسافرووووووووووووووووووووووووووون مصاير والله

اخي ماكو هيجي شي مو بسبب المرض الرفض صار و اني متأكد من كلامي

[abo shams]

اخي اهلي مقدمين من 2009 ومكملين كلشي وقبل اسبوع انطوهم موعد السفر 2 / 12 / 2012 واليوم خابروهم كللولهم انتوا بعد متسافرووووووووووووووووووووووووووون مصاير والله

اخي المرض همه يخبصون نفسهم .. ان كان يحتاج لمرافق طبي ويا بالسفرة او لا ... صارت مع احد اقاربي قبل فترة
فمال يلغون سفرهم اعتقد اكو خطأ كبير بالموضوع

[(YOOSF)]

غريبة ممكن اهللك كلو احنه هم منسافر اذا الوالد ميسافر وهمه مكلولك اتاكد لانو مستحيل اكو هيج شيلانه اعرف ولد صديقي وعزيز عليه كان ابوه عنده غرغرينه برجليه وكان تحت العلاج والمراقبه الشديده وحتى لمن فحصوا كتبوا بيه تقرير منا من عمان من مستشفى الخالدي وكالو بيه انو ميستطيع السفر الابعد اتمام علاجه كونه كبير بالعمر وحالة اصابته برجلة واصله فوك الركبه بس الله سبحانه وتعالى سهل امرهم والده سافر كبلهم وهمه وراه بسنه  المهم اتصل بيهم واستفسر من المنظمة نفسه

[شايلوك]

اخي العزيز انت عندك مشكله بالامنيه واجاكم رفض ماله علاقه المرض بالسفر يمكن ياجلك بس مو يرفضك للتالي لو صاير خطا عدكم واذا الامنيه بيه مشكله احسب فد 4 سنين يله تصلح الشغله وماكول غير الكم الله

[مهجر وافتخر]

اخي صاحب الموضوع الله يشافي والدك اهم شيء الصحة
اما موضوعك المرض سبب الرفض انا اقول لك انت غلطان عندي تجربة
ام زوجتي بلمستشفى بعمان مصابة بعدة جلطات وهي بعربانة سافرت قبل ايام لم يسمحو لها بلسفر مع ابنها ابنها سافر قبلها اما هي سافر معها طبيب خاص وبطيارة اخذو لها قسم خاص ترا هي عمتي مو كلام بلمنتدى فدور الاسباب وصدق راح يسافرون عاجلا ام اجلا ترا الموظفين يخربطون مرا

[البيروتي]

اخواني واعزائي بعد التحية
اليوم الاهل راحوا على مستشفى ابن البيطار وقابلوا الدكتور المسؤل وكاللهم الموضفه الي خابرتكم من عمان كان تعبيرهة غلط وهذا مو رفض ويكول اني كاتب بالتقير الوالد يكدر يسافر بس الضاهر اللجنة مال اطباء بعمان كايلين لازم تستقر حالة وكال همة يتفلسفون وكال راح اتصل بيهم واكولهم حالتة مستقرة بس راح يتاجل السفر الى اشعار اخر وانشاء الله خير
شكرا على تعاونكم وانشاء الله اتواصل وياكم بكل جديد واتصور الاخ روان صارت تقريبا نفس الحالة وية والده وانشاء الله السفر لجميع المنتضرين والله لايخليكم بالحالة الي صرنة بيهة البارحة



اخوكم البيروتي

[مهجر وافتخر]

اخي بيروتي اطمائا وطمن اهلك ترى  مرت بينا الحالة قبل سفر عمتي وابنها بكم يوم اجلو سفرهم بسبب ان العمة اصابة بعدت جلطات قبل السفر وذلك بسبب فراق الاهل وهي امراة كبيرة ومريضة ضغط سكر خفقان ولقو سفرتهم وبعد تقريبا 2 شهرين اتصلو بلابن وقالو لة سافر لوحدك هو خاف على امة قال ليش الوالدة ماتسافر معانا قالو الوالدة راح يسافر معاها دكتور خاص وهسة هي ببوسطن

[Awsaws]

الحمد لله الله فرجها من عنده الله يسرلكم اخي وتسافرون بسلامه

[البيروتي]

الف الحمد لله والشكر ماكو غير الله يفرجهة ويسهل الامور

[هذا عراقي]

راسلوهم وخلي يحاولون من جديد والله يفرج عنكم يارب

[بتر فلاي2]

الحمد لله الله يساعدكم على الهبطة ان شاء الله ينطوهم موعد سفر عن قريب

[البيروتي]

شكرا اخواني الله لا يفوتكم بهيج هبطة صدك كان يوم اسود بحياتي الله يفرجهة عالجميع

[أبو أياد]

هية هاي المخبلتني ماكو شي منطقي مصايرة هيج حالة قبل

اخي العزيز اخاف مشتبه تأجيل و ليس رفض

+1

اخواني واعزائي بعد التحية
اليوم الاهل راحوا على مستشفى ابن البيطار وقابلوا الدكتور المسؤل وكاللهم الموضفه الي خابرتكم من عمان كان تعبيرهة غلط وهذا مو رفض ويكول اني كاتب بالتقير الوالد يكدر يسافر بس الضاهر اللجنة مال اطباء بعمان كايلين لازم تستقر حالة وكال همة يتفلسفون وكال راح اتصل بيهم واكولهم حالتة مستقرة بس راح يتاجل السفر الى اشعار اخر وانشاء الله خير
شكرا على تعاونكم وانشاء الله اتواصل وياكم بكل جديد واتصور الاخ روان صارت تقريبا نفس الحالة وية والده وانشاء الله السفر لجميع المنتضرين والله لايخليكم بالحالة الي صرنة بيهة البارحة



اخوكم البيروتي

السفر القريب باذن الله

[نيوتن]

الصحة والسلامة للوالد  وانشاء الله السفر القريب
نيوتن

[تيولب]

مبروك والله يحفظلك الوالد وانشالله يوصلون بالسلامه

[البيروتي]

شكرا الله يحفظكم انشاء الله السفر للجميع

[اسطنبولي]

لا يوجد مرض يمنع السفر او يرفض صاحبه بسبب مرضه ما عدا السل يسافر بعد العلاج و لا يجي رفض

ماكو هيجي سبب المفروض يدزولكم ورقة الرفض و بيها السبب مؤشر

+1

[ألن في بلاد العجائب]

ألف مبروك شقال بهلول 

[برنسو]

اله يكون بعونكم اخوية وان شاء الله الصحة والسلامة للوالد .... ان شاء الله ينطون لاهلك موعد قريب