مساء الخير لكل الاعضاء والضيوف
حبيت اليوم اذكرلكم حالة صارت وياية هالاسبوع بعد اكمالي للفحص الطبي من ابن البيطار
الحالة انه بعد ان انهيت الفحص والاشعة طلعت صاحني ابو تكسي واني كنت مناوي ابدا اخذ تكسي من اللي يوقفون امام المستشفى بس اضطريت لان الوضع العائلي والصحي خلاني ان استعجل بتاجير التاكسي ....المهم بعد ان ركبت وانطلقنا الى وجهتنا فوجئت انه ابو التكسي يسالني هذا الفحص مالتك اول مرة لو اعادة ....طبعا لان اكو جماعة قلوبها طيبة تطلع من المستشفى تسولف كلشي حتى الاي زي نمبر مالته كامل ينطو ...فكتله لا اول مرة واني اعادة عندي ثم رد وسالني انته شنو شغلتك !!!!!!!!!!!!!!!!! طبعا شأجاوبه شمرته على شغلة كلش بعيدة عن اختصاصي حتى لا اثير شبهات حولي لان ما اعرف المقابيلي شنو ...فكال اني همين مقدم واشتغل بقناة امريكية وسالته همين يحقلك تقدم ؟ كال اي بس مو جنت بشركة مال حماية القناة ....سالته شنو اسم الشركة كال لا نسيت بس والله هي على طرف لساني !!!!! سوى اصدقاءه كلهم باميركا وكال الطفل ينطوك عليه 2000 دولار بالسنة وحتى شرحلي مقابلة المحلف لازم اعيد القصة بالمقابلة الاولى ودخل بالعمق عن الحياة باميركا .....فبعد ان ملئني الشك من هذا الرجل سالته شكد رقم الملف مالتـــك كال (68) .....؟؟؟؟؟؟؟!!!!!!!!!!!! يرحم والديكم اكو واحد بالعراق ماخذ هيج رقم فالمهم نزلت بالكرادة واخذت تاكسي ثاني بعد ان ابتعد عني يلله وصلت للبيت...بالمناسبة حتى المقابلات يعرفها بساحة النسور .
طبعا ممكن احد راح يكلي هذا يحب يسولف او انته حريص اكثر من الازم او زين سويت او انته ليش سولفت ويا او انته ظالمه للرجل ....
الموضوع يا اخوان رجاءا مع كل احترامي لاهل التكسيات واخاف اكون ظالمه للرجل بس احنا يا جماعة وضعنا خاص ميصير نفضح نفسنا بنفسنا اني اليوم نقطة ضعفي كانت عائلتي وياية فمكدرت انه ارده راسا بقيت اسايسه برد بسيط دون اعطاء اي معلومة لان هو مسترسل بالاكلام الى ان شفت الفرصة ونزلت واكرر هو خطئي لان ماخذت سيارتي وما استاجرة من السيارات المارة ......حرصا مني على سلامتكم حبيت انبه لهذه الحالة
اخوكم النعيمـــــــــــي
