السلام عليكم وتحية طيبة اخواني واخواتي الطيبين الاعزاء ,,,
ظهرت حالة جديدة في الفحص الطبي ويجب اتخاذ الحذر منها وهي في القصة الاتية ,,
صديقي راح للفحص الطبي هو وعائلته وبعد اكمال كل امور الفحص والرجوع الى البيت
يوجد سيارات ( تكسي ) تقف برأس شارع المستشفى ويكولون لرايح والجاي ( تكسي تكسي )
فة صديقي عبر السايد واشر لأحدهم لأن ملكه تكاسي غيرهم وبالنص الطريق ابو التكسي يسأل
صديقي يكلة انت اعادة فحص لو اول فحص الك ( ؟؟؟؟؟؟؟؟؟؟؟؟؟؟ ) زين هذا شمدري
واخذ يسأل انت شكد كيسك وشوكت قدمت ووين جنت تشتغل وصارلك شكد ويا ولاية وما اعرف شنو
ويكلي انتوا قابلتوا بساحة النسور مو ,,, والمفارقة وين
انه ابو التكسي كله لصديقي اي اني هم مقدم وياكم فصديقي كله انت شكد كيسك ابو تكسي كله ( 68 ) هههههههههههههههههه
ههههههههههه ترة ماكو هيج شي وكلة اني قدمت قبل شهرين هههههههههههههههههههههههههه وسكتوا وخلوها اجه صديقي صافن وحاير فأظطر نزل قبل بيته بكم فرع وكضاها مشي,,
زين هذا ابو التكسي منين عرف اكو هيج شي هنا وهيج اجراءات سفر ومنو ذولة الاشخاص الي ديراجعون غير من الي يصعدون وياه ويشرحوله كلشي ميصير هيج يا اخوان انتبهوا انتبهوا لمصلحتكم واكو بعض الاخوة الي التقيت بيهم كتله شكد رقم كيسك بكل رحابة صدر وبصوت عالي اني كيسي هيج وهيج وهيج بحيث يكول الرقم كله عمي ميخالف بس هذا الشي يضركم لأن اكو بعض النفوس الضعيفة بالعراق متريد الخير ومتابعين هيج حالات ,, ويارب متتكرر مثل هيج حالات وية جميع الاخوة والاخوات ,,
وسكتوا وخلوها اجه صديقي صافن وحاير فأظطر نزل قبل بيته بكم فرع وكضاها مشي
فيا اهواني ديروبالكم ديروبالكم اذا عدكم احد يوصلكم بالسيارة ويجيكم بعد كم ساعة يكون افضل واذا ردتوا ميجي احد وياكم
فتشموا ليكدام عن المستشفى او عبروا الى السايد الاخر واخذوا التكسي
مع تمنياتي للجميع بالسفر القريب ان شاء الله وسلامة الكل يارب من كل شر
اخوكم BMW M5
