سلام عليكم اريد اقدم يو ان بمصر ممكن احد يساعدني

[dafir]

اريد اقدم عال يو ان بمصر ممكن احد يساعدني بس حاب استفسر من اخواني (الي مقيمين بمصر) عن بعض المعلومات .اني حاليا دا ارتب امور سفري و التسهيل من الله مثلا اي منطقه اكدر اسكن بيها حلوه و مناسبه من ناحيه الاسعار س2/اذا قدمت شكد ممكن اتاخر عالمقابله الاولى طبعا بعد حصولي عالاي زي مثل . شهرين ثلاثه .....او اكثر..ولكم كل الشكر و التقديرا

[تيولب]

السلام عليكم

اخوية غير عنوان موضوعك .. وخلي بيه كلمة يو ان مصر .. و ووضح اسئلتك علمود الاخوة بمصر يعرفون يساعدوك

تحياتي

1+

[احمدمالك]

اخي العزيز غير اسم الموظوع وكتب بيه جماع مصر ارجو المساعده
راح يجلبوك الي موجودين اب مصر
تحياتي

[مايكل اندريه85]

اخي اولا هلا بيك ومية هلا  وارجو ان  تضيف كلمة جماعة مصر الى عنوان موضوعك


الامر الثاني  فيزة مصر  شوية صعبة  اول شي  لازم تدبر فيزة لمصر وتكون معاها موافقة امنية لاتنسى 

اعتقد اكو بعض المكاتب تسوويها  مااعرف شكد ياخذون بس لاتنسى تسالهم على الموافقة الامنية مع الفيزة حسب ماسمعت ضرورية هاي
وفيكة جديدة استحدثوها الكدعان بسبب اوضاع مصر


تحياتي

[مهجر وافتخر]

up

[fadimore]

اهلا وسهلا بيك في مصر اخي العزيز اول ما تجي ان شاء الله تقدم على اليو ان راح يعطوك موعد مقابلة واعتقد مو اقل من الشهر 3 بالسنة الجديدة ثانيا السكن ممكن في اكتوبر لان اهدأ من ناحية الزحام وارخص من بقية المدن وكل شي متوفر فيها
لكن كل شي بفلوس المدارس غالية والسوق ايضا غالي مو بالرخص اللي كان ودخول السوريين الى مصر صعد الايجارات الى الضعف ولكن تعال وشوف بنفسك افضل وانته اختار واي شي اني حاضر

[mustafa ahmad]

كل اهلا بيك اخويه
بالنسبه لمصر لبقية كل الدول العربيه تعتبر ارخص بهواي
وأن ارتفعت الاسعار بيها بالقوت الحالي بسبب وفود الاخوه السوريين بكثره
هذا ادى الى ارتفاع اسعار السوق بشكل عام والايجار ايضاً
المدارس للعراقيين ماكو حكومي كله خاص اكو منظمه تدفعلك جزء لابأس بهِ من فلوس المدارس
الكتب والزي المدرسي هاي تدفعها من جيبك الخاص عدا مصاريف المدرسه والباص
بالنسبه للسكن الانسب الك اذا عندك عائله هي اكتوبر اول شي بعيده تقريباً اقل من ساعه عن القاهر
وهذا شي جعلها تتميز بالهدوء واغلب العرب ساكنين بيها ومجمعاتها السكنيه راقيه وحلوه
بيها شقق مفروشه وبيها شقق فارغه وانت تأثثها
من تجي تريد تأجر لازم تدفع تأمين قيمتة بكد قيمة الايجار وأحياناً اكثر بشي قليل
الايجار طبعاً حسب المنطقه والشقه الي حتكعد بيها
اكو ب200 دولار يعني 1200 جنيه مصري حالياً الشقق المفروشه الي يمنه هاي اسعارها
والشقق الفارغه تقريبا 800 جنيه مصري يعني تقريبا ورقه و30 دولار او اكثر بشي قليل
اليو ان يمنه هنا باكتوبر وهذا الشي حيخدمك المواصلات هسه احسن من قبل متوفره بكل مكان
ومن تجي تريد تقدم على اليو ان مجرد متقدم يتصلون عليك خلال فتره اقصاها شهرين
ينطوك موعد على السنه الجديده الجايه وهاي بعد انت ونصيبك
وبالنسبه للفيز اذا قدمت على فيزه شي صعب تحصلها لان هنا كلش مشددين مع الاسف
بس اكو مكاتب بالمنصور ابغداد هواي ناس اعرفهم جوي من خلالها فيزه سياحيه بالف دولار للشخص الواحد
و.. تدلل اخويه

[موزارت]

اخوية اهلا بيك بمصر
والاخوة كفو ووفو بخصوص الايجارات والمعيشة
وبخصوص اليو ان حاول ترتب قصتك بشكل جيد
واذا عندك شخص كبير بالسن او حالة مرضية فاكيد رح تكون الك اولوية
 وحت الموعد يعطوك قريب ورا عشر ايام او اسبوعين
وتساعدك ايضا بالتوطين وهذا الكلام عن تجربة
اتوكل على الله بس ضبط الفيزا ودير بالك من الكلاوجية
لان هواية ناس اجو وبالمطار رجعوهم

[al seef]

حياك الله اخي في مصر والاخوة الاعزاء الي سبقوني ماقصرو بالشرح الوافي للوضع في مصر من ايجار ومعيشة ومثل متفضلو الاخوة مصر قياسا لباقي الدول الاخرى تعتبر ارخص ... المهم اخي تتأكد من موضوع فيزة الدخول الى مصر واذا انت في بغداد وعندك معارف تكدر تحصلها من القنصلية المصرية في المنصور بشارع الاميرات ومن القنصل مباشرة تقدم عليها بطلب وتكون مضمونة كفيزة سياحة الى مصر وايضا بالنسبة لليو ان اهم شيء فيها هي القصة التي ستقدمها مع الوثائق ان وجدت هذا سيعجل بقضيتك ان شاءالله واي شيء احنة حاضرين