مساء الخير للكل صبايا وشباب
بعد التحية
لاكثر من 3 اشهر وانا اتابع منتدى الهجرة والمهجرين من خلال موقع عنكاوا، وطبعا استفاديت هواي هواي من عنده من خلال المواضيع اللي كان الاعضاء ينزلونها بس ما كان عندي اسم بالمنتديات. بس وصلت مرحلة راح انتحررررر ... فكلت احسن حل: خل افوت واسال جماعة الهجرة على عنكاوة ونشوف يمكن اكو نفس حالتي. فاتمنى اذا كان احد عنده معلومات او يعرف ناس مقدمين مثلي ويعرف معلومات عنهم .. انه يساعدني.
طبعا انا عراقي ومقيم هسه بسوريا ومقدميلي جماعة من كاليفورنيا على فيزا عمل مدتها 5 سنوات، وكان عالساس الفيزا تتاخر 6 شهور حسب ما فهمنا المحامي من البداية (طبعا المحامي هو باميركا ويكون نفسه محامي الجماعه اللي ديسوون شغلتي). وانا يومية كاعد افوت واقرا بهاي المواضيع مال السفر ومال الطيران ههههههه ... وللاسف دخلنا هسه في شهر التاسع وماكو جواب. وما اعرف غير انه تعبببببت من الانتظارررر.
سؤاااااااااااال يا ناس .... اكو هيج شي؟؟ طيب منو سافر بهاي الطريقة ، وهل ناجحة هي؟ او منو مسويها لاقاربه ... او اي واحد عنده معلومات عن الموضوع، اتمنى اتمنى تساعدوووووووووووووني
ولكم مني كل الشكر والتقدير
