توقف السفر

[breezeabed]

اجاني ايميل و ههذا نصه
Dear Sir,
 
This is to confirm receiving your email. Please note that there will be no Movements to USA starting from now till 07 Jan due to holidays
 

[slam hawk]

اجاني ايميل و ههذا نصه
Dear Sir,
 
This is to confirm receiving your email. Please note that there will be no Movements to USA starting from now till 07 Jan due to holidays
 

بارك الله بيك على نقل الخبر

[اسطنبولي]

لا السفر مستمر واكو رحلات يوم 16+17+18+26+27
هاي الرحلات الي ادري بيهه  اني 

[RANA IQ]

الاخ العزيز
السفر مرح يتوقف الى21-12 والسبب  مو من امريكا بس اسعار التكتات اتزيد خلال هاي الفترة فiom ميحجزون  وره يوم 23-12 وبعد اعياد كرسمس  رح  يرجع السفر اقوى من هسة 
واني من خلال عملي في مطار بغداد الدولي 
يومية اشوف منسق السفر واعرفه معرفة شخصية وكال الطيران رح ايصير يومي خلال هاي الايام
والي اريده انو  منحبط معنويات الناس لان الله اساعهم تعبو من الانتظار ونريد ننقل الهم الاخبار الحلوة الي نتطيهم الامل  وابشركم والله والله السفر هاي الايام رح ايكون يومي  وماكو توقف  التوقف بس قبل اعياد الكرسمس بفترة
شكرا   

[abo shams]

اخي اكو ناس اعرفهم سفرهم من بغداد الاسبوع الجاي ؟؟؟؟
هااا و اكو الاخ nwmro  اللي اجل سفر .. هو تقريبا يوم 17 ؟؟؟

[looseurself]

عيني انته بريز مدري شسمك .. رحمة لوالديك امسح موضوعك لان البينة امكفينة
وانته عبارة عن تناقض اصلا,, لان انته امنزل موضوع وراه ((صدرت الفيزا))
نرجو من كل الاعضاء انو ميجيبون اخبار تافهة المعنى وكئيبة ولاتدعو على التفاؤل
شنو انتو بس كوبي وبيست ... يعني المخ الواحد ميشغله قبل ميكتب الموضوع !!! الواحد منكم ميفكر مثلا من يتكلم بمجالس الناس
ميكول اني مثلا راح اجرح مشاعر الاخر . او رح اؤذيه بخبري هذا ,

[الحـلم الوردي]

الأخ صاحب الموضوع بصراحه وبدون اساءه هبطت معنوياتنه *الأخت رنا رحم الله والديك رفعتي معنوياتنه  الله يجازيكي خير ان شاء الله ويوم سفر الجميع

[rania61]

بايا على كيفكم ويا الولد اني نزلت نفس الخبر قبل اكثر من اسبوع واني ما جبت من جيبي لكن الخبر نقل من قبل منظمة التي تتابع شؤون السفر للاجئين في كاليفورنيا الى اخي وعائلته اللذين هم على جدولة السفر وهم حددوا بالضبط هذه الفترة التي سيتوقف فيها التبليغ بالسفر ,والمقصود به التبليغ  بموعد السفر سيتوقف من الفترة 12-12 الى7-1-2013 وليس معناه توقف السفر، فالاشخاص الذين حصلوا على موعد السفر خلال هذه الفترة راح يسافرون.


يا رب كلكم تسافرون وتتحقق امانيكم على السنة الجديدة, امين.

 

[dr_toffee]

مشكور على نقل الخبر وان شاء الله ما يكون الخبر صحيح
وما اعتقد اكو سبب للتهجم على صاحب الخبر والمفروض من اصحاب الردود تكون اخلاقهم ارقى من هذا الشي (مو الكل طبعا )

[ÐŗệăMÝ]

لا السفر مستمر واكو رحلات يوم 16+17+18+26+27
هاي الرحلات الي ادري بيهه  اني 

+1

[yassino]

اخوان رجاءا التمهل قليلا
الاخ صاحب الموضوع  هو اس اي في .واجراءاتهم تتعلق بالسفارة والدوائر الحكومية الي راح اتكون شبه متوقفة في الفترة الي ذكرها. اما بالنسبة للاي او ام فهي مستمرة بالعمل وذالك لكون القضايا المكتملة والمنتظرة للسفر كثيرة. ما معناه ان الاي او ام لن تتوقف او يتلكاء عملها بسبب توقف الدوائر الحكومية.
دي وجهة نظري في القضية

[Awsaws]

رجاء اذا اكو واحد يعرف اسم دواء يثبت المعنويات ما يخليها تصعد وتنزل لان ترى لعبة نفسنا
الله يكون بعونا ويصبرنا ويفرج همنا(لا اله الا انت سبحانك اني كنت من الضالمين)

[الشبح12]

السفر موجود بس حيتوقف من 18 الى 25 كلام موظفة اي او ام عمان بالدورة التثقيفية 

[steven_siv]

اخوان السفر يمكن للجدد وقفوا لفترة مابعد الاعياد بس للي محدديه موعد ماعلي شي يسافر يعني مامتاجل مثل ماذكر الاخ اسطنبولي الاخوة محدديلهم سفر من قبل وميتاجل
وماكو داعي لهبوط المعنويات  لان فترة اعياد لااكثر ولا اقل

تحياتي

[(YOOSF)]

اخوان والله على كيفكم بالردود يعني مصار شي بس انتوا افهموهه انو ميصير التهجم بالردود على شخص حب يوصل معلومه وحتى لوكانت غير صحيحه  فالافضل ان يكون الرد على كد الموضوع
واني اسف على الاطالة وبالنسبة لردي لا يخص احد ولكن نطالبكم برقي الرد وشكرا

[ابو هفال]

مشكور على نقل الخبر

[Gray wolf]

ان شاء الله ميتوقف السفر ويكون وتيرة تصاعدية والجميع تكون على جدول السفر ياااارب

[rania61]

يابا دنحجي عربي مو ياباني

الخبر منقول من منظمة شؤون الاجئين في سانديكو

السفر موجود دائما ولم يتوقف حتى في فترة الاعياد للذين تم تبليغهم سابقا بموعد السفر .لكن اللذي توقف هو التبليغ بموعد للسفر من يوم 12-12 والى يوم 7-1 لا يوجد تبليغ جديد بالسفر .فاللذين لم يحصلوا لحد الان على موعد راح ينتظرون الى 7-1 وبعدها كلمن وحظه،وانشاء يا ربي الكل تسافر وترتاح من عذاب الانتظار.
انتوا مو تريدون ننقل الاخبار الصحيحة للفائدة حتى لو كانت مزعجة.