المفروض اليوم كلها موافقات لأن ما إتصلو عليهم لتغيير موعد الإستلام، هيجي جانت الأمور في شهر 10 الماضي .
صديقي العزيز إستلم الظرف اليوم و الحمد لله
ما شاء الله لا قوة إلا بالله إجته موافقة محلف و من وصفه للمكتوب في الرسالة الظاهر أنه مستلم موافقة امنية وياها بس الموظفين ما بلغوه بهذا الشي، علما أنه هو سوى المقابلة الأولى في 2011 بعد تحويله للتوطين من ال UN في عمّان.
مبارك عليه و الله ييسر أمره و يوفقه لكل خير، و هو فعلا يستاهل كل خير لأن أخ و صديق عزيز و زميل دراستي بالكلية و تخرجنا سوا و قضينا جزء كبير من عمرنا سوا، ما شاء الله عليه و اللهم صلّ على سيدنا محمد و على آل سيدنا محمد .
شغلة الأمنية راح تجنني شلون ناس تحصل على موافقة أمنية بهاي السرعة مبارك و ما شاء الله عليهم ، و ناس مثلي من ال 2009 ينتظرون و يعيدون البصمات و ينتظرون و يعيدون المحلفين لإضافة طفل و يبقون ينتظرون الأمنية مع انها إكتملت قبل إضافة الطفل !! و اللي وراهم بسنوات يكملون كل شيء خلال أشهر مبروك عليهم و الله يوفقهم !!!
شغلة مالها علاقة بالمنطق بس اللي الله كاتبه لازم يصير و كلها قسمة و رزق و الحمد لله على كل حال.
الله يفرج همومنا جميعا و ألف ألف مبروك لكل اللي حصلو على موافقات اليوم و يا رب ما يظل أحد إلا ما يسافر و يستقر سواء من القدامى أو من الجدد.
