سؤال محتاجة استفسار لصديقتي

[عمدة فرجينيا]

السلام عليكم

صديقتي مقدمة على اي او ام من 2008 هية وزوجهة واولادهة وهسة هية مخلصة كلشي وحتى خابروهة ان تحظر نفسهة لانها على جدولة السفر قبل 7 اشهر تقريبا وهسة زوجها مدايريد يسافر وياهم لوجود متعلقات خاصة بيهم فشون تكدر تفصل زوجها عن القضية وتسافر اذا اجاهم موعد سفر وبهالحالة زوجهة ياخذ رقم كيس جديد لو شنو راح يكون وضعه لان هو ايريد بعدين وراهم يلحكهم , علما هية صاحبة القضية وبهالحالة تحتاج وصاية على الاولاد من تسافر لو لا لان حسب ما اعرفة الوصاية مطلوبة بس في حالة الانفصال لا سامح الله .


اختكم
الملاك الحائر

[كوكي 2004]

حبيبتي الملاك الحائر

بس حبيت اوضح شغلة وهي

الوصاية تمنحها المحكمة فقط في حالة وفاة الزوج لا سامح الله .. واذا الزوج عنده والده عايش يعني جد الأولاد بهذه الحالة الجد يكون الوصي واذا الجد متوفي يكون عم الأولاد هو الوصي .. أما أذا كانوا الأولاد ماعدهم جد ولا عم معناها أم الأولاد هي تكون الوصية يعني ( الوصاية فقط في حالة الوفاة )

أما في حالة الطلاق الأم من حقها فقط تعمل ( حضانة أو أعالة للأطفال )



         تحياتي لحضرتج وبالتوفيق يارب

         أختج كوكي / عمان

[عمدة فرجينيا]

شكرا عزيزتي على التوضيح
اني سؤالي الرئيسي هو هل تكدر تفصل زوجهة عنهة وعن الاولاد ويسافرون همة وهو بعدين يلحكهم علما همة كيس واحد .

[nemro]

اذا همة ممنفصلين
عادي خلي يسافرون سوا
وبعدين هو يرجع
خلال اسبوع يقدر يرجع
كلش عادي وحتى اكو جواز سفر مؤقت هم
اما اذا همة متتفقين على السفر لازم تبلغ المنظمة وكلشي ينعاد من جديد
بس الطريقة الولى هواية احسن

[لاجىء محتار]

اذا همة ممنفصلين
عادي خلي يسافرون سوا
وبعدين هو يرجع
خلال اسبوع يقدر يرجع
كلش عادي وحتى اكو جواز سفر مؤقت هم
اما اذا همة متتفقين على السفر لازم تبلغ المنظمة وكلشي ينعاد من جديد
بس الطريقة الأولى أهواية احسن

+1

[كوكي 2004]

شكرا عزيزتي على التوضيح
اني سؤالي الرئيسي هو هل تكدر تفصل زوجهة عنهة وعن الاولاد ويسافرون همة وهو بعدين يلحكهم علما همة كيس واحد .

حبيبتي بالنسبة للأطفال إذا عمرهم تحت ال 18 لازم موافقة الوالد
بس ما عرفنا صديقتج بأي دولة إذا الأردن تكدر تتصل بل iom وتستفسر منهم وإذا بالعراق خلي تبعثلهم ايميل وتشرحلهم الوضع وتشوف همه شرح يجاوبوها
بس الأحسن والوضع الصحيح للعائلة كلها لازم الزوج يسافر وياها وبعدين يرجع إذا يحب


       تحياتي ياوردة

[The Duke]

الاخت العزيزة صاحبت السؤال: خير الامور اذا الزوج ميريد ايسافر على مود ايصفي الامور هنا ايسافر معاهم وبعدين يرجع وحدة وهذا افضل الامور لان اذا رادوا ايفصلون الزوج هنا راح ايدخلون بدوامة الانتظار مال الاجراءات من جديد لذلك افضل الامور انة ايسافر ويرجع هو وحدة بعد ميوصلون.

[slam hawk]

للرفع والمساعدة

[عمدة فرجينيا]

شكرا اخوان عالتوضيح بس في حالة اذا الزوج سافر وبعدين يرجع شلون يكدر يرجع وما عنده كرين كارد غير لازم ينتظر سنة يلة لان همة اي او ام من بغداد

[dr.marla]

عزيزتي عل ماذكر يوجد ادفانس بارول دوكيومنت يستطيع التقديم عليه لكن دائماً يفضل الحصول عل كرين كارل

[Awsaws]

اختي المحمكه تنطيش وصايا على الاطفال يروح الزوج ويسوي تنازل عائله اصدقائنا سوها بس هسه متندم لان ما راح يسافر وياهم بس راح تنعاد مقابلاتش من جديد وتتاخرين يفضل ان يسافر وياش اسبوع  ويرجع

[اجونة]

الاخت العزيزة صاحبت السؤال: خير الامور اذا الزوج ميريد ايسافر على مود ايصفي الامور هنا ايسافر معاهم وبعدين يرجع وحدة وهذا افضل الامور لان اذا رادوا ايفصلون الزوج هنا راح ايدخلون بدوامة الانتظار مال الاجراءات من جديد لذلك افضل الامور انة ايسافر ويرجع هو وحدة بعد ميوصلون.

   +1

[زهرة الصبار]

عيني ملاك اول شي مثل متفضلو الاخوان احسن شي يسافر ورة شهر يسوي ترفل دوكيومنت ويبصم ويرجع .عود من يطلع الترفل دوكيومنت تكدر زوجته تبعثه اله  وين مكان
ثانيا بالنسبه لزوجته لازم تاخذ وصايه عالاطفال لان ميقبلون بدون وصايه حتى لو كانو ممنفصلين.شنو يعني؟؟
حتى اوضحلج اكثر بالنسبه الي سافرت وحدي بدون زوجي واحنا ممنفصلين بس هوه ميريد يسافر. لهذا طلبو مني ورقة تنازل من الاب وبعدين هوه راح على كاتب عدل بالمحكمة وسوة تنازل وانختم واني وديته بوقتها لل يو ان يالله رفعو ملفي لل اي او ام وقبلو
هذا اللي صار ويايه بالضبط يعني مستحيل يطلعون وياج الاولاد بدون التنازل من ابوهم
تحياتي

[عمدة فرجينيا]

عيني ملاك اول شي مثل متفضلو الاخوان احسن شي يسافر ورة شهر يسوي ترفل دوكيومنت ويبصم ويرجع .عود من يطلع الترفل دوكيومنت تكدر زوجته تبعثه اله  وين مكان
ثانيا بالنسبه لزوجته لازم تاخذ وصايه عالاطفال لان ميقبلون بدون وصايه حتى لو كانو ممنفصلين.شنو يعني؟؟
حتى اوضحلج اكثر بالنسبه الي سافرت وحدي بدون زوجي واحنا ممنفصلين بس هوه ميريد يسافر. لهذا طلبو مني ورقة تنازل من الاب وبعدين هوه راح على كاتب عدل بالمحكمة وسوة تنازل وانختم واني وديته بوقتها لل يو ان يالله رفعو ملفي لل اي او ام وقبلو
هذا اللي صار ويايه بالضبط يعني مستحيل يطلعون وياج الاولاد بدون التنازل من ابوهم
تحياتي

شكرا عزيزتي زهرة الصبار عالتوضيح وكل الشكر لكل الاخوة الي ساهموا بتوضيح الموضوع واني عليه راح ابلغ صديقتي وهية تقرر وية زوجهة شنو يختارون

تحياتي

[looseurself]

يعني ليش زوجها ميريد يسافر!!!! يعني منا تحجون وتغلطون على الاي او ام ؟؟ والمنظمة ومنا الصوج بيكم
شنو هاي الشي ميشبه شي!!!!
اني لو منها احطله 20 حباية فاليوم ابو ال10 واخذه غصبن ماعليه بالجنطة
ولو يجوز وزنه فوك ال46 ههههههههههه
لازم بهاي الحالة تمنعينه من الاكل شهر بلكي يصير وزنه 45 ويعفونه من الخدمة العسكرية
خخخخخخخخ
عمي قنعيه خلي يتوكل ويروح وياج شنو هاي !!! من يمي ضجت
لو تطلكيه ولو ابغض الحلال عند الله الطلاق بس بهيجي حالة اعتقد حلال

[عمدة فرجينيا]

هههههههههههه صدك ضحكتني
عيوني الرجال ما يريد يسافر ويعوف وظيفته ويريد ايرتب جم شغله وبعدين يلحكهم

[حامل المسك]

اذكري الله واستعيذي بالرحمن من الشيطان الرجيم وابعدي عنكم فكرة الطلاق والانفصال وهذه الامور الانانية وكل واحد يفكر بمصلحته ..انتم عدكم اولاد وهم محتاجيكم سوية  وعليكم ان تفكروا بهم قبل ان تفكروا بانفسكم وبمشاعركم ..اعطوا لانفسكم فرصة واذهبوا مع اولادكم واتركوا النعرات والمشاحنات جانبا ومطلوب من احدكم ان يضحي من اجل اولاده ويدوس على مشاعره ..واذا كانت التضحية منكم الاثنين فهو النجاح بلا منازع