اتصال من IOM عمان اني SIV اكو احد مثل حالتي؟؟

[$$$$$]

اخواني اليوم اتصلو بيه بالتلفون IOM عمان وسالتني البنية عن معلوماتي كالتلي بس تاكيد للمعلومات هل زوجتك حامل او عندك طفل تريد تضيفة للكيس مالتك او هل تشكي من امراض وهل عدد افراد الاسرة نفسة وسالتني هل الوجهه مالتك نفسها واكدتلها كل المعلومات وسالتها عن الفيزا كلتلي مو يمنه الموضوع يم السفارة علما اني مقابل شهر 2 سنه 2012 يعني صارلي 10 اشهر وكم يوم
هل هذا يعني الفيزا قريبة؟؟؟ لو شنو وهل احد اجاه نفس الاتصال؟؟

[slam hawk]

طبعا قريبة ان شاء الله

[علي الكحلي]

السلام عليكم هي اسئله كلش طبيعيه ومن جانبك وانشالله خير بس انت خوما اكو شي جديد اب حياتك يعني مثل اجاك مولود جديد  وغير اشياء بعد ونشالله خير انتظر والله كريم

[need justice 1]

الحقيقة انا خابروني قبل 18 شهر تحديدا يعني بعد المقابلة ب 6 اشهر من عمان ونفس الاسئلة تقريبا واكدوا على مسالة وجهتي اذا باقي على نفس الولاية البيها الكفيل او غيرت رايي وهذاك يوم وهذا يوم صار 18 شهر من اتصالهم و24 شهر من يوم المقابلة ولا حس ولا خبر .... مراجعة ادارية اضافية .... ما اريد اكسر واهسك بس هذا الحصل معاي ...
تحياتي وان شاء الله ربي يوفقك

[/size]

[mandonar]

الساغة 3:37  عصرا اتصلوا من منظمة الهجرة العالمية من عمان برقمي  بس تلفوني جان صامت وهسة قريت هذا الاتصال ودا اخابرهم يجاب الالة تكول ماكو احد وخابروا بساعات الدوام غدا ؟ اني مقدمة sivودا انتظر الفيزا اني من بغداد وما ادري منو هاي المنظمة وشنو يعني هذا الاتصال يعني الفيزا قادمة قريبا لو شنو

[mandonar]

الاخوان طلبوا مني اكول شنو صار وياية ..يابة اتصلنا بهم الصبح وردت الالة وبما معناه ماكو احد ؟   واتصلت بيهم 12 ظهر  بعد ما شتلوني تقريبا دقيقتين وكان نفس الشي الالة تجاوب وتكول  انه ماكو احد يكدر يجاوب حاليا ؟   وقبل 5 دقائق خابرت وكان نفس الالة السعيدة باتصالي وهم نفس الجواب ؟
خلص شكلهم ما يجاوبون فراح انتظرهم يخابروني

يارب سهلها على الجميع يالله

[mandonar]

اليوم المصادف 19-12-2012 هو اليوم الي كملت به ال9 شهور بالتمام والكمال وماكو احد خابرني لو دزلي ايميل لامن منظمة الهجرة ولا من السفارة على العموم نتفائل بالخير دائما .........واخونا (دبس وراشي )يكول بعد ماكو سفر لحد بداية الشهر ال1 بالسنةالجديدة 2013 , اكو عندي سؤال للطيبين اني وزوجي صارت عدم المحكومية مالتنة اكسباير من تاريخ 17-5-2012 هي منتهية وما ادري شنسوي نجددها لو لحد ما هم يطلبون مني ؟؟؟شنو رايكم اهل الخبرة بيش تنصحوني؟؟؟