محتاج اجابة رحمة لوالديكم مو دخت

[hawk82]

اخوان رحمة لوالديكم عندي استفسار مدوخني وراح اطك وانفجر من التفكير بيه بس اريد واحد يجاوبني لليعرف الاجابة اني كنت مترجم وبمرور الوقت لكيت شغل على حماية المنشات ودارت الدنيا وحولونا على ملاك الداخلية المهم سؤالي اني اذا ردت اسافر خوما اكو اي اشكالية على سفري لان سمعت ان المنتسبين ميخلوهم بالمطار يسافرون رحمة لوالديكم اي واحد عندة اجابة يساعدني لان صارلي ثلاثة سنوات اركض بالقضية مالتي وهسة مامستعد اتخلى عن شغلة السفر مالتي من ورة شغلة تعبانة تمنعني من السفر

[احساس عاشق]

اخي اتوقع ماكو اي اشكال عادي قدم استقاله وبخلال شهر لازم تطلع  استقالتك هذا قرو القرار العام من عدلو رواتب الموظفين

وهم الك حق تاخذ اجازة شهر مثلا عمر او مرضيه

وبهذا الشهر اذا اجه سفرك تسوي ماذكر اعلاه وتسافر

والله يسهل علينا وعليك ونسافر

اتمنى اكون قد افدتك

[دقه قلب]

اخي اتوقع ماكو اي اشكال عادي قدم استقاله وبخلال شهر لازم تطلع  استقالتك هذا قرو القرار العام من عدلو رواتب الموظفين

وهم الك حق تاخذ اجازة شهر مثلا عمر او مرضيه

وبهذا الشهر اذا اجه سفرك تسوي ماذكر اعلاه وتسافر

والله يسهل علينا وعليك ونسافر

اتمنى اكون قد افدتك

صحيح

[فقير وحباب]

اذا تقدم استقالة الك حق تسافر  الا اذا مطلوب للعدالة ...

[hawk82]

زين اخوان اني شلون اقدم استقالة واني بعدني مااعرف شوكت اسافر وانتو تعرفون الوضعية مال الشغل بالعراق تعبانة واني همين عندي عائلة لازم اوفرلها احتياجاتها شلون همين دايخ بهذا الموضوع

[المتوكل على الله]

السلام عليكم اخي ما اعتقداحد الة علاقة بيك الا اذا لاسامح الله عندك جريمة جنائية او مطلوب للسلطات الامنية ؟اني موظف وكنت اسافر بين الدول لحد الشهر3رجعت استقريت....

[hawk82]

وعليكم السلام لا اخي الحمدلله اني لا مسوي جريمة ولا مطلوب ولا اي شي بس سمعت المنتسب ع الداخلية ميصير يسافر واني مااكدر استقيل لان مااعرف شوكت ينطوني موعد وهذا كل شي

[asooh]

اخي العزيز حتى اذا منتسب ماكو اي اشكال بسفرك اخذها مني و اكييييد .... ابقى بشغلك و من يطلعلك السفر عوف كلشي و توكل ... فقط اذا كنت مطلوب او عندك مجلس تحقيقي بقضية ما متكدر تسافر ... تحياتي

[hawk82]

اني اشكرك اخوية الله يطمنك انشالله الكل تسافر وترتاح ممنون

[اسطنبولي]

اخي اتوقع ماكو اي اشكال عادي قدم استقاله وبخلال شهر لازم تطلع  استقالتك هذا قرو القرار العام من عدلو رواتب الموظفين

وهم الك حق تاخذ اجازة شهر مثلا عمر او مرضيه

وبهذا الشهر اذا اجه سفرك تسوي ماذكر اعلاه وتسافر

والله يسهل علينا وعليك ونسافر

اتمنى اكون قد افدتك

+1

[Gray wolf]

اخوية عندي صديقي نفس موضوعك وهكان حماية منشئات وبعدين تنسب على الداخلية حماية مسؤل (حارس شخصي) وسافر بدون مايكول لاحد سواهة سكتة لابلغ دائرة ولا واحد يعرف بيه وهسة ذاكة يسمع حسك بشيكاغو..اتوكل بالله وكول ياالله وبالمطار الي يسألك كول كاسب

[hawk82]

اخواني كري ولف و ريد روز يعني اكدر ابقى بشغلي ومن ينطوني موعد سفر اروح بدون ماسوي كلشي لان اعتقد اني اذا انطوني موعد سفر بعد ماالحك اقدم استقالة لان الاستقالة عدنا بالصلوات يالله تطلع وتاكللهة شهرين ومرات ثلاثة اشهر ومرات لا والله تطلع باسبوع يعني السالفة مزاجيات واني شاكر لاجاباتكم وانشاء الله الموفقية للجميع

[حامل المسك]

اخي الفاضل انت شنو تقصد بالسفر؟؟؟؟؟

هل هو السفر العادي ..يعني تسافر وبعدين ترجع ؟............ام قصدك تسافر لغرض الهجرة ؟؟؟يعني تسافر وماراح ترجع؟؟

[hawk82]

اخي حامل المسك اني مقدم على الاي او ام من 2010 وهسة داانتظر الامنية

[احساس عاشق]

اخي حامل المسك اني مقدم على الاي او ام من 2010 وهسة داانتظر الامنية

اخوية الغالي ليش  قلق بهذا الموضوع

عادي من يطلع موعد  سفرك قدم استقاله وسافر خليها شوكت متطلع تطلع

بس حسب مفتهمت من كلامك انه تريد تخليها خط رجعه اذا لاسامح الله معجبك الوضع هناك ترجع وهالشي راجع الحضرتك

[hawk82]

لا اخي اني مااريد ارجع نهائيا بس اني شغلتي بالمطار اخاف سوولي سالفة بسفري اصلا اني مهاوي شغلي والي يطلع هم يفكر يرجع يا عزيزي

[Nawfal_Alfadly]

اخويه العزيز يادولة هم وزراء ودنيا وكلهم ارهابين جاي يسافرون من المطار ويطلعون شبيك خايف شمسوي انت كاتل القائد اني كنت بالدفاع وسافرت لتركيا مرتين ومن مطار بغداد والبصرة كلش طبيعي حبي يجي موعد سفرك دير وجهك وانعل ابو الداخلية لابو الدفاع ولاتقدم استقالة لان تتاخر  بعد شتريد واخوك اني هسه هارب لااستقاله ولاشي وهم حديقة انتظر الامنية الكشرة بالتوفيق

[Gray wolf]

اخوية العزيز لاتقدم استقالة ولا هم يحزنون..ابقى بشغلك ومن يجي موعد سفرك دير وجهك واطلع ولاتبلغ احد لان راح تدخل في تفاصيل انت في غنى عنها..(اقضو حوائجكم بالكتمان) واترك موضوع الاستقالة لان مدير الدائرة اذا راد يحقر وياك ياخرهة وماينطيك برائة ذمة ووووووووو  ..دير وجهك واطلع واندعيلي(احجيلك عن ترجبة مو من عندي)

[(YOOSF)]

اخي العزيز اني موظف بالدفاع عسكري مو مدني وضابط وتفاجاءة بسنة 2009 بالحدود ماخلوني اسافر لانو احتاج موافقة القائد العام للسفر  المهم وراهه بفترة اتعرضت لمحاولة اغتيال وانضربت وربك دفع ماكان من خلال الاجازة مالتي الطبيه جنت في السليمانيه ومناك سافرت بالطيارة الى الاردن ولاعباللك اني ضابط ولااحد يدري بيه بس بعد فترة اعتقد شددو على الضباط حصرا هاي بالنسبة للدفاع اما الداخلية مااعرف وللعلم عندي اصدقاء ضباط يجون مرات لعمان فترة اجازة بيهم مسجل على الحاسبة ضابط ويحتاج الى موافقة القائد وبيهم لا عادي بدون موافقة والله اعلم
فانته جيك امورك وشوف انو اكو شي عليك بالحاسبه انو ماتكدر اتسافر فسوي استقالة والله كريم واذا ماكو شي فخليه سكته واني افضل انو تسويهه تجريبيه وتروح للمطار وتشوف احسللك او تدفعللك جم فلس واحد يجيك على اسمك وربنا يعينك وهاي شغله جدا مهمه لازم تتاكد يله
تمنياتي اللك بالتوفيق

[احمد الوائلي]

اخوية روح بفالك والله العظيم  واني صاحبي جان نقيب وهسا هو بتكساس ورح بفالك اخوية

[Dollar]

اتاكد بنفسك احسن شي, لا كال ولا كلولي

اني لو بدالك حته اتاكد اخذلي فيزة مال دوله معينه مثل تركيا و اروح للمطار اشوف شنو الوضع و اروحلي فد يومين و ارجع . واخذ الخبر اليقين من جهينه 

[hawk82]

اخواني اني اشكر اجاباتكم وانشاء الله التوفيق والسفر للكل واني راح ابقى بشغلي ومااقدم استقالة ومن يجي موعد السفر اروح وماانطي خبر لدائرتي وبلكت الله يسرها بالمطار ومتصير اي اشكالية لان والله هذا الموضوع راح ينفجر راس من التفكير بيه والي عندة شرح اكيد او يعرف بهذا الموضوع اترجاكم متبخلون عليه لان محتاج اجاباتكم واشكركم مرة ثانية