عبارة جديدة بموقع IOM

[عمدة فرجينيا]

السلام عليكم اخوانا ان شاء الله كلكم زينين

اليوم من فتحت الموقع مال اي او ام دا اشوف حالة الملف انتبهت ليفوك اكو فد عبارة ما ادري اذا جانت من زمان لو جديدة وهي
RootNode : Home

Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   
Destination City(المدينة)   Alexandria,VA   
Airport Code(المطار)   DCA   
 
وحالة ملفي من انفتح الموقع اول مرة لحد الان هيجي بس من صار الطبي اكسباير صار فعال وبعدين من فحصنا بشهر 9, 2012 رجع مكتمل
خلي الكل ايجيك الموقع مالته ويشوف شنو مكتوب عنده نفس عبارتي لو غير شي حتى نكدر نوصل لتفسير هاي العبارة

تحياتي اختكم
الملاك الحائر

[Ali leo]

السلام عليكم


هاي العبارة RootNode : Home  قديمة عندي بالموقع ولي مكانها عدل وكبل بنص الصفحة فوق جدول الموقع ومن يوم سجلت بالموقع الى الان هيه العبارة نفسها نفسها ما تغيرت يومية اشوفها

حالها حال الامنية

بس حبيت اذكر هاي المعلومة للي غافل عنها وما يدري بيها انا جنت اسال وين رقم الكيس اشو ماكو اشعجب ما ضايفي بعدين بالاخير جيكت انوهو مضلل وما نينشاف وصاير مكانة بنص الصفحة فوق الجدول جوة كلمة حالة الكيس بالفراغ بعد ما عملت سلكت للفراغ اشو كمزني الرقم مالت الكيس مالتي كلت ايا ملاعين وين ضامي وشنو الحكمة من عدها ما دري

والله كريم


اخوكم علي ليو

[عمدة فرجينيا]

شكرا اخ ليو عالرد اني هم ما اعرف شنو الحكمة امختلين رقم الاي زي الا بالتضليل على المكان يلة ايبين بس بالنسبة هاي العبارة يمكن للمقدمين من العراق يكتبولهم هيجي خل انشوف المقدمين من غير دول هم عدهم نفس العبارة

[Ali leo]

up for help

[Sonata*]

اني من جماعة بغدا وهاي العبارة موجودة من زمان

والظاهر انه الانتظار الطويل بدأ يأثر على اعصابكم 

[عمدة فرجينيا]

اي والله صدك الانتظار ماثر علينا مو شلون ماجان
 

[اسطنبولي]

هاي  العبارة من زمان شيفهه اني 

[Awsaws]

الله يعينى ويفرجها على الجميع هم عقل ما ضل قهر وضيم

[جورجيا]

اختي الملاك
ي هسه يلا شفتها اضاهر جديده

[عمدة فرجينيا]

ها يابة شفتو حتى الاخت جورجيا هسة منتبهة عليهة

[احساس عاشق]

اي والله واني هسه انتبهت عليه  بس يمكن موجوده من زمان والامنيه مدوختنه 

[اسطنبولي]

لا العباره اني شيفهه من اول مااشتركت بل موقع 

[ابومريومة]

العبارة قديمة بس احنا كلنا عيونة على الامنية وبعدها كبل نسدة من الاكس فمحد يتمعن اكثر بالموقع

بس اليوم يبين ملاك جاها حلم يقظة ان تشوف الامنية كملانة 

[sparky]

رقم الكيس تظهر للجميع وليس فقط لقضايا العراق

[عمدة فرجينيا]

العبارة قديمة بس احنا كلنا عيونة على الامنية وبعدها كبل نسدة من الاكس فمحد يتمعن اكثر بالموقع

بس اليوم يبين ملاك جاها حلم يقظة ان تشوف الامنية كملانة 

علوا اشفايتلي لو اشوف الامنية كملانة مجان دورت شنو معنى هالكلمة

[القطيفيه]

الظاهر الامنيه بدا تأثيرها

[صبراً جميلاً]

الاخت العزيزه الملاك الحائر ، والله اني همينه هسه يالله شفتهه لهاي العباره ، ان شاء الله تعالى السفر القريب و العاجل للجميع ، آمين يا رب العالمين .

[slam hawk]

الله يسهل

[عمدة فرجينيا]

الاخت العزيزه الملاك الحائر ، والله اني همينه هسه يالله شفتهه لهاي العباره ، ان شاء الله تعالى السفر القريب و العاجل للجميع ، آمين يا رب العالمين .

اهلا بيك اخوية وربي يسمع من دعائك ونسافر عن قريب امين يارب العالمين

[قسوة الحياة]

اني هم عندي من اول مسجلت بالموقع

[هذا عراقي]

اعتقد حتى اذا جان الشخص فاتح من مكان عام مايناخذ رقم الكيس مالتة يعني شي سكيورتي وبعد مادري 

[النسيم المهاجر]

السلام عليكم


هاي تعني اصل العقده  او قضيه معقدة ومطوله وصاحبها ماكل خ------ى  وهاي اذا ترجعون  للترجمه  الرووت يعني جذر او اصل والنودي يعني عقده او ورم اوف يعني الا نورمكم او تتخبلون وهاي شاربي اذا تحركتو .


               النسيم الجاثم من 2008 في عمان ونودي نودي الا للعصفوريه ( شماعيه))


                                                      وطاح حظك يلي ببالي

[البغداديهooo]

والله عزيزتي الملاك الحاير اني ابد ماانفتح عدي الموقع وحاولت وبعض الاعضاء حاولو يساعدني بس مانفتح بس الله فرجه علينه بساعه ومااسمع غير صوت الموبايل يرن ويحددلي موعد سفر والحمدلله هسه اني باامريكا خليه على الله والله يسهل للجميع والكل تسافر لان بصراحه جنه امريكا غير عالم

[jack black]

نعم العباره موجوده لتقلقين

[عمدة فرجينيا]

اني هم عندي من اول مسجلت بالموقع

ايجوز ما منتبهة عليهة اني

[عمدة فرجينيا]

السلام عليكم


هاي تعني اصل العقده  او قضيه معقدة ومطوله وصاحبها ماكل خ------ى  وهاي اذا ترجعون  للترجمه  الرووت يعني جذر او اصل والنودي يعني عقده او ورم اوف يعني الا نورمكم او تتخبلون وهاي شاربي اذا تحركتو .


               النسيم الجاثم من 2008 في عمان ونودي نودي الا للعصفوريه ( شماعيه))


                                                      وطاح حظك يلي ببالي

لعد اني ليش دا اسال لان شفتهة جذر وعقد خفت كلت خل اشوف هاي بس جماعة بغداد لو الكل