ادري هاي خلال يوم نزلتوا 3 مواضيع عن الرجعة للعراق لعد ليش قدمتوا وانتظرتوا سنين من عمركم وتالي تريدون ترجعون درسو الموظوع زين يلة تقررون مو تأثرون علة غيركم هسة شيكولون العراقيين بطرانيين بس يوصلون يرجعون وتاثرون علة ملفاتنة رجااء الي يريد يرجع مو يغرد هنا خلي يرجع والله ويا 
مع احترامي وتفهمي لوجهة نظرك أخي وكل من ايدوك بجد أو مزاح ارجوا أن تنظروا للأمر بمنظور آخر:
قبل كل شئ مأكو شخص يأثر على شخص آخر بالسفر. آلاف الفيزات لم تصدر رغم توفرها بحسب البرنامج وإمكانية معالجة الطلبات ما تتأثر بأربع أو خمس أسماء إذا رجعوا بعدين.
ثانيا هذا وضع اغلب المهاجرين الجدد يمر بيه وقد يحصل لأي منكم بعد وصولكم بخير وسلامة بغض النظر عن السبب فلا تغلق الباب على نفسكم لان يمكن تحتاجون تطرقوه.
ثالثا الذي يلجا إلى هذا المكان ليقول بانه راغب في الرجوع فهو لإحساسه بالوحدة والعجز عن التفكير والقرار ويأمل لا إراديا أن بقية الأعضاء يعطوه من الأسباب والتشجيع ما يمنعه من السفر والرجوع. هذه استغاثة من شخص مثلكم وعاش ماسيكم ومن نفس البلد. آلاف العراقين هاجروا واستقروا وياقين بأمريكا وبعظهم بدا يتجنس مثل ما شفتوا مؤخراً من احد الأعضاء، فلماذا الشعور بإلياس والبؤس من تسمعون 3 من اصل الآلاف يريدون يرجعون؟ كم نسبة الاستسلام؟ 1 بآلاف؟؟؟
رحبوا بهاي المناجاة وكونوا أهلا للثقة وانصحوا كل حسب خبرته ووجهة نظره فلربما تكون سببا في بقاء أسرة أن لم يكن لأجل البالغين فلأجل الأطفال الذين لا حول لهم ولا قوة.
