،،، ܙܲܒܼܢܵܐ ܕܚܛܝܵܬܼـܝܼ ،،،

،،، ܙܲܒܼܢܵܐ ܕܚܛܝܵܬܼـܝܼ ،،،

ܓܲܘ ܩܸܢܛܪܘܼܢ ܕܚܛܝܼܬܼܵـܐ
ܚܲܛܵܝܵܐ ܐܝܼܘܸܢ
ܘܒܝܼܫܬܵـܐ ܓܲܘ ܪܥܵܫܬـܝܼ
ܐܝܼܠܵܗ̇ ܥـܒܼܵـܕܵܐ ܚܲܝܠܬܼܵܢܵـܐ،،
ܠܵܐ ܚܙܹܐܡܘܼܢ ܓܲܘ ܦܵܬـܝܼ ܒـܪܝܼܪܬܵܗ̇
ܘܒܲܪܣܲܡܬـܝܼ ܫܲܦܝܼܪܬܵܐ
ܘܠܒܼܝܼܫܬـܝܼ ܒܸܠܗܵܝܵܐ ܒܢܘܼܗܪܵܐ
ܘܒـܪܲܩܵܠܵܐ ܕܚܲܒܪܵܢܝܼ ܒܚܲܢܝܼܢܘܼܬܼܵܐ
ܘܡܘܼܫܚܵܬـܝܼ ܐܵܢ̈ܝܼ ܕܡܲܠܚܡܸܢܢܘܼܢ
ܡܐܲܝܟܼ ܚܫܲܒܼܬܵـܐ ܠܝܘܼܬܼܪܵܢܵܐ ܕܒܲܪܢܵܫܘܼܬܼܵܐ
ܕܦܲܬܼܚܝܼ ܩـܕܵܡ ܥܲܝܢ̈ܐ ܬܲܪ̈ܥܵܢܹܐ ܕܡܲܢܝܵܚܬܵـܐ،،،
ܠܵܐ ܠܵܐ ܢܲܦܠܝܼܬܘܼܢ
ܒܩܥ̄ܘܼܠܬܵـܐ ܕܚܸܙܘܵܐ ܦܲܢـܕܵܢܵܐ،،
ܓܲܘ ܚܛܝܼܬܼـܝܼ ܟܹܐ ܣܲܚܒܪܸܢ
ܒܲـܬܼܘܵܬܼܵܐ ܕܪ̈ܲܫܝܼܥܹـܐ ܘܓܲܢܵـܒܼ̈ـܐ
ܘܡܓܵܒܸܝܢ ܟܬܼܵܒܼ̈ـܐ
ܡܢ̄ ܒܹܝܬܼ ܐܲܪ̈ܟـܹܐ ܕܙܲܢܵܝܘܼܬܼܵܐ
ܕܡܲܣܸـܒܼܥܸܢ ܒܵܥـܘܼܬܼـܝܼ ܘܡܲܪܘܸܢ ܪܸܢܝܝܼ
ܒܫܘܼܥـܝܵܬܼܵـܐ ܕܥܲـܪ̈ܣܹـܐ ܓܲܝܵـܪܹ̈ܐ،،،
ܐܵܢܵܐ ܐܝܼـܘܸܢ ܡܲܕܪܲܫܬܵـܐ ܕܦܘܼܠܵܓܼܵܐ
ܠܹܐ ܛܵܥܢܸܢ ܫܒܼܘܼܩ ܡܢ̄ ܣܲܝܦܹ̈ـܐ ܕܦܲـܬܦܲܬܵـܐ،،
ܝܵـܐ ܡܲܚܒܵܢܝܼ ܐܲܚܬܘܼܢ ܫܲܡܥܵـܢܝܼ
ܠܵܐ ܗܲܝܡܸܢܝܼܬܘܼܢ ܠܟܼܠ ܡܵܐ ܕܐܲܡـܪܸܢ
ܪܵܒܵـܐ ܐܝܼـܘܸܢ ܥܲـܡܛܵܢܵܐ ܒܚܲܒـܪܵܢܝܼ
ܓܲܘ ܚܒܲܫܬܵـܐ ܕܠܸܠܝܵܐ
ܥܲܒܼـܕܸܢ ܢܟܼܝܼܠܘܼܬܼܵـܐ ܠܪܸ̈ܥـܝܵܢܹـܐ
ܠܚܲܕ̄ܟܡܵܐ ܦܲـܪ̈ܨܘܼܦܹ̈ـܐ
ܕܟܦܝܼܫܹ̈ܐ ܝ̄ـܢܵܐ ܡܢ̄ ܒܵܬ̄ܪ ܓܘܼܕܵܢܹ̈ـܐ
ܬܚܘܼܬܼ ܫܟـܘܼܪܵܐ ܕܐܵܘܵܢܹ̈ـܐ
ܡܐܲܝܟܼ ܓܵܫܘ̇ܫܵܐ ܫܸܠܝܵܐ
ܒܢܝܼܚܘܼܬܼܵܐ ܚܲܕܪܸܢ ܠܡܲܪ̈ܙܵܢܹـܐ
ܕܡܲܡܛܸܢ ܐ̄ܪ̈ܵܙܹܐ ܕܒـܪܝܼـܪܹ̈ܐ ܒܟܸܣܝܘܼܬܼܵܐ
ܠܲܫܡܲܥܬܵـܐ ܕܠܵܚܘ̇ܫܹ̈ܐ ܚܲܛܦܵܢܹ̈ـܐ
ܒܲܪܩـܘܼܠ ܩܸـܢܝـܵܢـܵܐ ܐ̄ܟܘܼܡܵܐ
ܐܲܓܼܪܵܐ ܕܙܲܒـܘܼܢܹ̈ـܐ ܡܲܡܛܝܼܵـܢܹ̈ـܐ،،،
ܓܲܘ ܗܲܡܙܲܡܬـܝܼ ܣܲܛܡܸܢ ܠܢܵܫܹ̈ܐ
ܕܡܲܚܙܸܢ ܠܚܸܠܛܹ̈ܐ ܚܲܪܵܫܹ̈ܐ
ܘܥܲܝܢܝܼ ܗܵܘܝܼ ܡܸܠܝܹ̈ـܐ ܡܢ̄ ܩܲـܪ̈ܝܵـܬܼܵـܐ
ܕܠܲܝܬܠܗ̄ܘܼܢ ܬܚܘ̇ܡܹ̈ܐ
ܒܝܼ ܚܙܲܝܵܬܼܵـܐ ܣܸܡܝܹ̈ܐ ܕܒܝܼܫܹ̈ܐ ،،
ܡܐܲܝܟܼ ܫܲܒܼـܪܵܐ ܙܥܘܼܪܵܐ
ܦܵܣܥܸܢ ܒܐܘܼܪܚܵܐ ܕܒܬܼܘܼܠܵܬܼܵـܐ
ܕܦܲܪܫܸܢ ܡܼܢ ܫܘܼܦـܪܵܐ ܕܒܢܵܬܼܵـܐ
ܘܓܵܐܢܝܼ ܟܹـܐ ܚܵܙܸܢܵܗ̇
ܡܐܲܝܟܼ ܫܵܢܘ̇ܓܼܵܐ ܡܲܠܦܵـܢܵܐ
ܠܟܼܠ ܒܲـܪܢܵܫܵܐ ܣܢܝܼܩܵܐ ܠܫܵܢܘ̇ܓܼܘܼܬܼܵܐ
ܝܵـܗܒܸـܢ ܕܲܪܡܵܢܵܐ،،،
ܘܡܲܚܒܸܢ ܚܸܫܟܵܐ ܕܐܘܼܦـܩܵܐ ܫܸܠܝܵܐ
ܪܸܚܩܵܐ ܡܢ̄ ܓܲܪܓܲܡܬܵـܐ
ܕܦܘܼܡܹ̈ܐ ܘܠܸܫܵܢܹ̈ܐ ܦܲـܪ̈ܡܵܢܹܐ
ܘܙܲܩـܙܲܩܬܵـܐ ܕܣܸـܦـܘܵܬܼܵܐ ܦܲـܬܦܸܬܬܵܢܹ̈ـܐ
ܠܹܐ ܒܵܥܸܢ ܩܲܢܝ̈ܐ ܕܫܘܼܒܼܗܵܪ̈ܵܢܹܐ
ܒܟܼܠ ܡܸܫܬܘܼܝܵܬܹ̈ـܐ ܠܢܲܦ̮ـܫܲܝܗ̈ـܝ ܡܲܪ̈ܡܵܢܹܐ
ܓܲܘ ܣܦܲـܪ̈ܙܲܒܼܢܹـܐ ܘܡܓܲܠܹ̈ܐ ܪܲܫܡܝܼ ܫܘܼܫܲܢܹ̈ܐ
ܘܓܲܘ ܥܒܼܵـܕܲܝܗ̈ܝ ܩܵܐ ܫܪܵܪܵܐ ܩܲܛܠܵܢܹ̈ܐ
ܠܹܐ ܩܵـܪܸܢ ܦܲܬܘܵܬܹ̈ܐ ܕܣܸـܪ̈ܛܹܐ ܕܘܼܓܠܵܢܹ̈ܐ
ܡܛܠ ܐܝܼܢܵܐ ܣـܝܵܡܹ̈ܐ ܬܲܠܚܵܢܹ̈ܐ،،،
ܗܲܝܡܸܢܘܼܢ ܥܲܠܝܼ ܐܵܢܵܐ ܐܝܼـܘܸܢ ܚܛܝܼܬܵـܐ ܕܙܲܒܼܢܵܐ
ܩܲـܪܒܢܸܢ ܡܼܢ ܚܸܫܟܵـܐ
ܘܪܲܚܩܸـܢ ܡܼܢ ܫܸܡܫܵܐ ܕܨܲܦـܪܵܐ
ܝـܵܕܥܝܼܬܘܼܢ ܠܡܵܐ،،؟
ܡܛܠ ܗ̄ܘܝܼܵܐ ܝ̄ـܘܸܢ ܕܒܼـܚܵܐ ܕܥܲܡܵܐ ܫܝܼـܕܵܢܵܐ
ܘܪ̈ܘܼܚܵܬܼܵـܐ ܕܓܲܘ ܐܲܬܼܪܝܼ ܠܹܐ ܒܵܥـܝܼ ܫܪܵܪܵܐ
ܒܕܘܼܓܠܹ̈ܐ ܟܹܐ ܒܵܢܝܼ ܠܕܲܥܬܼـܝܼـܕܼ ܠܘ̇ܓ̰ܵـܢܵܐ
ܓܲܘ ܦܲـܬܼܘܵܬܼܵܐ ܒܲـܪܣܸـܡܝܼ
ܘܓܲܘ ܚܵܨܵܐ ܚܲܪܙܝܼ ܪܘܼܡܚܵܐ ܫܲܕܠܵܢܵܐ
ܡܛܠ ܝܵܬܹ̈ـܐ ܕܓܲܘ ܡܕܝܼܢ̄ܬـܝܼ
ܕܡܝܼܟܹـܐ ܝ̄ـܢܵܐ ܒܩܲـܒܼـܪ̈ܵܘܵܬܼܵܐ
ܘܓܲܘ ܪܹ̈ܫܲܝܗ̈ـܝ ܩـܒܼܝܼܥܹ̈ـܐ ܝ̄ـܢܵܐ
ܐܝܼـܣܵـܪܹ̈ܐ ܚܲܝܠܬܼܵܢܹ̈ـܐ ܒـܣܲـܟܼܠܘܼܬܼܵܐ
ܠܦܘ̇ܬܼ ܐܲܢܹ̈ـܐ ܥܸـܠܠܵܬܼܵـܐ
ܗܘܹܐܠܵܗ̇ ܥܲـܣـܩـܘܼܬܼܝܼ ܗܘܹܐܠܵܗ̇ ܥܸܠܬܼـܝܼ
ܡܛܠ ܒܸـܚܵܝܵܐ ܝ̄ـܘܸܢ
ܒـܐܲܪܥܵـܐ ܕܚܛܲܝܵܬܼܵـܐ،،،

ܥܲـܒܼـܕܝܼܫܘ̇ܥ ܣܵـܗ̄ܕܵܐ ܝܘܼܚܲܢܐ