لغز الرموز في ايميلات IOM

[HeliosGreek]

شباب انتو دوختوا نفسكم بسالفة الرموز واسمحولي اشرحلكم شنو هالرموز اللي تجي ويا كل ايميل
انتو من ترسلون ايميل الى IOM Information Center
اكثر من موظف راح يطلع على الايميل
وحسب اي موظف راح يجاوب على ايميلكم بعد الاطلاع على الكيس ووين واصل .
لما راح يجاوبكم ...
ميصير يدز الايميل من ايميله الشخصي ...ANYNAME@IOM.int
راح يجاوبكم عن طريق ايميل مال IOM Information Center
علمود يعرف منو اللي دز الايميل واي موظف رد على الاستفسار حين الرجوع للكيس والايميلات السابقة
الموظف راح يكتب Intials يعني اول حرف من اسمه الثلاثي
يعني
علي عمر ميخائيل
A.O.M
وهكذا....

اتمنى تكون المعلومة مفيدة

[Sound of Soul]

up

[megalove]

والله خوش تحليل من الاخ الفاضل
لكن ممكن احد يعطيني سبب ليش مرة استلمت الرمز MJH والمرة الثانية  HJM  شنو الابن صار هو الجد ؟؟؟؟؟؟؟

تحياتي للجميع
MEGALOVE

[CHICAGO STAR]

والله خوش تحليل من الاخ الفاضل
لكن ممكن احد يعطيني سبب ليش مرة استلمت الرمز MJH والمرة الثانية  HJM  شنو الابن صار هو الجد ؟؟؟؟؟؟؟

تحياتي للجميع
MEGALOVE

واني نفس الحالة مرة mas وراها msa وراها sam
معقولة هيجي صدفة هذولي الرموز كلها اسماء موظفين !! نفس الحروف بغير ترتيب!! علعموم نشكر صاحب الموضوع وياربي السفر للجميع

[um shaheen]

اعتذر اخالفك ميه بالميه
الرموز ليست اسماء وانما اقسام بس قليلين الي حللوها صح
بس مال اسماء هاي متدخل للدماغ
تقبل مروري
اختك ام شاهين من سوريا

[ryan dani]

أم شاهين ..اني عندي رساله من خضر khaومرة دزيت اله وراسلني كلي دز على العام ...وممنكن أرسله الج على العام والخاص ..وبعد كيفج

[um shaheen]

ههههههههههههههههه والله ضحكتني وحلوه مال خضر
اخويه ما معنى انك راسلته وقال دز على العام؟
اخويه العزيز
في يوم اتصلت بالمنظمه وكان قبل كم يوم جايتني رساله من عمان وعندما سالت الموظفه  كيف الملف واين وصل أجابت
مو بعثولكم واطتني تاريخ الرساله وقالت دينتظرون البصمات  وبهذا اني متاكد ميه بالميه انه الرساله كلها مراحل
وبعدما تاكدت اتصلت مع الاخ فارس العراق جزاه الله كل خير وعلمني كيف ابعث الرسائل وكيف اتابعها وكيف استفسر من المنظمه وعملت كما قال الاخ وتاكدت من تحليله
لهذا يا اخي العزيز هذا الموضوع نهائيا بالنسبه الي غير قابل للناقش طبعا اعتذر منك بس لاني اتاكدت اسفه 
على فكره هذا خضر شوفه اخاف واحد من الاهل لو الاصدقاء مسوي وياك ملعوب 
تقبل مروري
اختك ام شاهين من سوريا

[ryan dani]

على راحتج ام شاهين كل واحد وقناعته ؟؟واذا واحد من المعارف اعرفة وعيونج ...وعلى راحتج اني لافارس ولا احبي عندي اقوى منه ...

ومن يحللي اكيد صحيح

[steven_siv]

والله خوش تحليل من الاخ الفاضل
لكن ممكن احد يعطيني سبب ليش مرة استلمت الرمز MJH والمرة الثانية  HJM  شنو الابن صار هو الجد ؟؟؟؟؟؟؟

تحياتي للجميع
MEGALOVE

يمكن اول مرة منصور مجاوبك ومرة هناء
تحياتي

[HeliosGreek]

الاخوة الاعزاء
اشكركم للمرور
بالنسبة للرموز فانا متاكد منها 100% لان استلمت من شخص من الاي او ام ايميل بالغلط واسمه والانتشالز نفسها كاتبها لكن بدل ما يدز عن طريق الايميل العام (مركز المعلومات و لي ) دزها مباشرة اللي ....
هوة حاول يستدرك الامر عن طريق انه سوة Recall للايميل بس هاي الطريق تنفع فقط للاوتلوك
المهم ما اطول السالفة اني متاكد من المعلومات وغرضي منها افادتكم ... واذا كانت عندك اراء اخرى فارائكم على راسي
وتقبلو مروري

[ابو سماني]

مشــــــــــكووووووووور على الــــــــرد

وأحنا صارلنا ســــــــــنة أنجـــاوب الأخــــــــــوة وأنكول أسم الموظف بس الناس متحب تسمع إلي تحلم بيه

وهذا مو تحليلي ولا تخمـــــــين ولكن كلام الهجرة الرئيسية في عمان,,,,وخبروني بيه أكثر من مرة


أبو ســـــــماني

[Wingo]

أخوي العزيز أشكرك شكر جزيل على معلومتك و كلامك منطقي مادام صار وياك هذا الموقف، بس شلون عرفت إسمه الحقيقي؟  هل أنه كل الموظفين بال IOM عندهم إيميلات بأسمائهم الشخصية ؟!
عندي سؤال:
إذا كانت الأحرف هي إنشلز لإسم موظف زين ليش صارلنا 4 سنوات تتكرر نفس الأحرف بالإضافة إلى اخرى، ما معقولة الموظف ما يتغير طول هالمدة.
مثلا ADS من قبل أربع سنوات تجيني !
مع العلم أني لما راجعت المنظمة خلال السنة الماضية شفت كل الموظفين متغيرين عن سنة 2009 عدا واحد او إثنين من جماعة الأمن !!
أني أتفق وية أختي أم شاهين و أعتقد تحليل الأخ فارس العراق صحيح ، انه هاي الأحرف هي إختصارات لأقسام و لها علاقة بتقدم الملف خلال كل مرحلة من مراحل معالجة الملف قبل السفر، خاصة و أنه إحنا بالأردن نلبس باجات بيها نفس الإختصارات و حسب المرحلة لما ندخل للمنظمة، و فارس تابع الموضوع إلى ان سافر و اكد هذا الموضوع بعد وصوله بالسلامة.
و يبقى كل كلامنا تخمينات و العلم عند الله تعالى.

[The Duke]

اخواني العزاء السلام عليكم:
اسمحولي بس ترة انتم دتغالطون نفسكم يعني ال DHS اسم شخص لو الرمز EHF  اللي هو employment history file لو POE  وانتم تعرفون انة اللغة الانكليزية تعتمد على الاختصارات ومشفنة في اي يوم انة المخاطبة بين القنوات الامريكية او البرطانية تعتمد على مختصر للاسماء فارجوا منكم ان تعيدون النظر بلموضوع. تقبلوا مروري

[rainy71]

اخوان يعني الله شافوه بالعين لو عرفوه بالعقل يعني اكو امور واضحة مثل عين الشمس حتى لو ما شايفيها بعيننا ومنها الرموز تعني مراحل الملف هذا شي بديهي ولا يحتمل معنى اخر و بالتاكيد موضف المنظمة مو من صلاحياته و لا من مصلحته ان يكشف سياسة و اسرار  العمل فمن البديهي ايضا ان لا يعطي اجابة حقيقية على هكذا اسالة

[Baguncero]

آني سألت الموظف بيوم الخميس الي كان مقابلات سألتة علرموز كّام يظحك وكّال لألأ ماتعني شي هاي أسماء موظفين عدنة رموز لأسمائهم

Baguncero