حيييييل صار فتره مكاتبه بالمنتدى

[سوسو اسو]

صار كلش هوااايه مفايته للمنتدى
سووووري جدااا هنا الحياة ركككض .. بس الحمد لله كلشي منيح مثل ميكولون

كل ما نمشي بالشوارع والهايويات واشوف علم امريكا يرفرف.. اكله لزوجي هاااااي شنوووو... احنه بأمريكا
لحد هسه ممصدكين ... الحمد لله والشكر يارب
ويوم للجميع ان شاء الله

اليووووم واخيرااااا رحت لمدرسه علمود اقدم لابني
صارلي فتره أجل من اسبوع لسبوع
هو اني رحت البارحه ونطوني موعد على اليوم ورحت اليوم

رحت اليوم نطوني باج فزتور وجا عليه ولد اخذني للاوفس الجوه
الولد عراقي حباب كلللش وطلعنه من نفس المنطقه
وعرفني على الي يشتغلون وياه بالمكتب وبالمسؤوله مالتهم وكللهم اني من بلده وطلعنه من نفس المنطقه وماعرف شنووو
الكل جانوو مرحبين جدااا ... وجانت اكو مشرفه جايه تفتيش رحبت بيه بأمريكا وكالت اتمنه ابنج يجي يمنه وينقبل

طبعا الاوراق الي جانت مطلوبه هي:
السوشل سكيورتي للطفل
بيان ولادة: اني نطيت الجواز والي هم اعتبروه id  لابني
photo id: للشخص الي ديقدمله
اللقاحات: الي سويناها اول مجينه لامريكا للطفل
التأمين الصحي للطفل
اثبات على السكن: عقد اجار البيت يعني
اثبات على الدخل الشهري:ممكن تقديم ال w-2  او نسخ عن الجيكات مال الراتب الي نستلمه
اني اخذت اخر جيك الى ولزوجي هم ...الي بال 2012 شهر ال 12 لان اني داقدم بشهر الواحد
لو جنت داقدم بشهر الثاني جان اخذت مال شهر الواحد 2013

عااااااا اريد اكتب الموووضووع مدا اكدر ... اندكت الباب جوي اهل المنتينانس وبنفس الوكت خابرت الكيس وركار تريد انزل اوقعلها اوراق
وبنفس اللحضه دك التلفون الطبيب مال زوجي عنده اسئله لان عدنه عمليه الاسبوع الجاي

المهم هسه خلصت من هل امور نرجع للموضوع

اي فهسه قدمتله لابني وتبقه على الاولويه
كل ما العائله دخلها قليل وتاخذ مساعدات كل ما احسن
والولد كلي تره تاخذ اشهر السالفه
فبعد الله كريم

اي اني بعدني بشغلي .. ودادور شغل ثاني
سويت مقابله ووراها دزو عليه على drugs test
ودانتظر تلفون منهم

رح نبقه بالشقه مالتنه والاجار رح يزيد 50 دولار  يعني رح يصير 590 بالشهر
من غير اليوتيليتيز الي هي 70 بالشهر الخدمات والمي
والكهرباء القائمه دتطلع بين ال70 وال77 دولار بالشهر ... لان عندي غساله ونشافه بالبيت فتصرف كهرباء
بدون الغساله والنشافه تطلع بال 40 الى 50 دولار

تلفونات على 40 دولار بالشهر لكل تلفون دقائق ورسائل وانترنت ثريجي غير محدود

الانترنت بالبيت اي دي اس ال 69 بالشهر
الناس كلها تدفع 50 بس احنه 69 ماعرف ليش

وللموضوع تتمه ان شاء الله
في امان الله

تحيااااتي

ســـوســـو اســـو

[الفرج2]

ههههههههههها اني هم صارلي هوايه ما كاتب شي وزياراتي للمنتدى قليله .

اتمنى لكم , قصدي عائلتكم , من كل قلبي الحياة السعيده المليئة بالاطمئنان والاستقرار وراحة البال في تأدية كل التزامات حياتكم الضروريه والترفيهيه , بعون الله تعالى وبرعايته ,,,, واسألك الدعاء رجاءا رجاءا .

[steven_siv]

ماعرف ليش ارتاح من تكتبي موضوع انتي
مواضيعج حلوة خمس مواضيع بموضوع اسلوب حلو

[good55]

ان شاء الله التوقيق والنجاح في حياتكم الجديدة  اختي الكريمة سوسو اسو

[mhamed noor]

اختنا سوسو اسو  والله صار زمان نسئل عليج بس الحمد لله سمعنا اخبارج انتي والعائله بخير هذا اهم شي

[ابو فرقان]

هلو سوسو كيف الحال اختي لا تكطعين بالمنتدى ومشتاقين للعااااااااااااااااااا مالتج ههههههه عود تعالي للدردشة وشكرا

[alzandawi]

كل الهله اختنه سوسو وخير ان شاء الله والعملية  ناجحه ان شاء الله وصدك مفتقديج صار فتره وان شاء الله دائماً نسمع أخباركم الحلوه وتحياتنا لكل أفراد العائله

[sparky]

منورة اختنا الغاليه

[هذا عراقي]

نورتي اختنا الغالية وان شاء الله دوم اخباركم مفرحة

[Just a Call]

شكراً على المواضيع الحلوه اختنا المبدعة وربي يحفظكم


اخــوكــم . . Just a Call

[s350thebest]

هلا بك اختي والله يوفقكم بحياتكم الجديدة ويوم الالنا يا الله.

[rainy71]

نورتي اختنا العزيزة لا تحرمينا من مواضيعك الحلوة الي تمدنا باالسعادة و التفاؤل

[gheed ... جـهــيـــــــد]

مرحبا اخت سوسو .. ان شاء الله التوفيق يكون حليفكم دائما .. محتاجين دعواتكم لنا بالسفر العاجل
دائما مواضيعج متفائله وتخلينا نتفائل وننظر للامور بشكل ايجابي .. نتمنى دوام التواصل
تحياتي


جـــــهــــيـــــــــــــــد 

[THE SENATOR]

طبعاُ البارحه انتي على بالي واكول وين صارت اشو ماكو لامواضيع ولا مشاركات

ربي يوفقج على هل المواضيع وينور دربج انتي ورجلج وابنج

[اجونة]

  هلو سوسواسو بالموفقيه حياتج الجديده وانشالله
 دومج زينه وسلامات مقدما"بالنسبه للعمليه ومبروك مدرسة ابنج
  وداعتج ومالج حلفان عليه قبل يومين اواكثر انتي بالي وكلت شو  ماكو؟؟ 
  بس كلت حقها التهت بحياتها الجديده
  وفكرت انزل موضوع اسأل عليج واليوم من شفتج فرحت الله يوفقج

[احساس عاشق]

والله ذاك ليوم افتقدتج كلت بيني وبين نفسي اشو ماكو

والحمدلله  اخبارج زينه

موفقه للاحسن

[cristiano ronaldo]

دومج مرتاحة انشالله اختي وانشالله احنة بنفس الولاية بس اني انشالله لـ هيوستن
بلة زحمة عندج معلومات عن هيوستن اني لميت عدة معلومات لس بما انو حضرتج بتكساس اكيد معلوماتج عن هيوستن احسن ياريت تزوديني بالعندج والله يوفقج والى الامام دائما
تحياتي

[Ali Husain]

اختنا الاصيلة مثل ماسبقني اخ ستيفن الحبّوب والمحترم اختصرت خمس مواضيع بموضوع وعجبني الاسلوب لان مياخذ وقت بالكتابة ويجيب عن تساؤلات كثيره وعجبني اكثر صراحتج وعرفتها من شيئين
 ان العلم لما شفتيه يرفرف انتبهتي وتذكرتي انت بامريكا وهذا الكلام ذوشجون ويحتاج موضوع بحد ذاته 
ثانيا:انت ركزت بكلام مختصر جدا مفيد وهو الواقع  اختلف عليه كثير والمفروض لايختلف عليه اثنان وهو قولك (كل ما العائله دخلها قليل وتاخذ مساعدات كل ما احسن) .سواء كان يعمل او يدرس

عندي تعقيب مهم بالنسبه للهاتف افضل شئ شفته لحد الان شبكة ( SIMPLE Mobile | Unlimited Cell Phone Plans
Nationwide no contract prepaid unlimited wireless plans from $40. The SIMPLE Mobile SIM card works with hundreds of cell phones. Bring your cell phone to SIMPLE Mobile.
www.mysimplemobile.com)
قوية وثقة في التعامل واتصال دولي نصف قيمة ماتدفع (40دولار) شهري
وبالنسبة لي بعد شراء السيم كارد على تلفوني السامسونج ابو الخطين (شركة H2O)التابعة لشركة AT&T مميزاته ينطيك من ضمن ال40 20 دولار اتصال ورسائل دولي على العراق ساعة و18 دقيقة  ;Dوغير محدود داخل اميركا

ثانيا افضل شركة انترنت  تعاملت معها وعروضها 40 ميغا سريع جدا ويشغل 4 اجهزة في المنزل بنفس الوقت شركة (سانجري لنك)
CenturyLink Internet - Official Site.1 (855) 988 5644
www.centurylink.com/Internet
http://www.centurylink.com/home/internet/index.html
وافضل عرض لهم 29 دولار شهري ومع الضريبة 38 دولار واتفقت معهم ان اي زيادة في المستقبل لن ازيد ولو على حساب السرعه لان اغلب الشركات تحاول ان تستغل خاصة الموظف اللي يريد يثير انتباه الشركه بخدمتها على اكتاف المواطن البسيط او الضعيف باللغة وهذا ليس فقط بشركات الانترنت بل الهواتف ايضا
واكيد تعرفين عن الهاتف المجاني ب250 دقيقة داخل اميركا الخاص بذوي الدخل المحدود والانترنت المجاني بعشرة دولارات لذوي الدخل المحدود
وهذه المساعدات لذوي الدخل المحدود اغلب الناس تقدم عليها الى ان يتحسن وضعه المالي اويكمل دراسته وليستمر معه الكاش والفود ستامب والتامين الصحي والاخير اهم شئ في اميركا ونسال الله للجميع العافيه اللتي لاتباع ولاتشترى وانما توهب من الرحمن سبحانه

[Grey Goose]

موفقه اخت  سوسو اسو  وان شاء الله الصحه والسلامه للعائله
صدك كنا مفتقديج  رغم انو اني قليل الكتابه لكن من المتابعين القديمين

[BMW M5]

يا مليون هلا بأخت سوسو ,,, اي هاي اخبار سان انتونيو الزينة يلا بالموفقية ان شاء الله


تحياتي

[سوسو اسو]

شكراااا جزيلاااااا للجميع على ردودكم
والله يوفقكم بحياتكم وين متكونون
وشكرا لكل من تذكرني وسأل عني هل فتره
شكرا لـ
الفرج 2
steven_siv
good55
mhamed noor
dying to leave
alzandawi
sparky
هذا عراقي
Just a Call
 s350thebest
rainy71
gheed ... جـهــيـــــــد
THE SENATOR
اجونة
احساس عاشق
cristiano ronaldo
Ali Husain
Grey Goose
BMW M5

تحيــــــــــاتي
سوسو اسو

[بتر فلاي2]

منوررررة اختي سوسو مشتاقين لمواضيعج الحلوووة عنده العافية زوجج والعملية ان شاء الله ناجحة وياربي يوفقكم بحياتكم الجديدة

[سوسو اسو]

تسلمين حبيبتي شكرااا
الله ينطيكم الصحه والعافيه دائما يارب 

[um shaheen]

كل الهلا بيج اختنه الغاليه مشتاقين لاخبارج الحلوه والمشجعه
يارب الف سلامه لزوجج ومحفوظ ان شاء الله
ويارب كل السعاده والفرح تستاهلين كل الخير
اختج ام شاهين من سوريا

[سوسو اسو]

كل الهلا بيج اختنه الغاليه مشتاقين لاخبارج الحلوه والمشجعه
يارب الف سلامه لزوجج ومحفوظ ان شاء الله
ويارب كل السعاده والفرح تستاهلين كل الخير
اختج ام شاهين من سوريا

حبيبتي ام شااااهين دووومج اخت عزيزه
الله يسر امركم يارب

[برنسو]

اهلا اخت سوسو اسو منورة المنتدى ... شكرا على مواضعيج الحلووووة ....اتمنالكم الصحة السلامة والموفقية بحياتكم ..




تحياتي .... برنسو