مساعدة في اعادة المحلفين

[ابومريومة]

السلام عليكم اخواني - اخواتي
اخوية عندة اعادة محلفين واعتقد علمود محكومية وهو اخفى هذا الشي بالمقابلة مالت المحلفين وكذلك بالمقابلة الاولى لان كان السؤال امام اطفالة وزوجته ولا زال مصر على اخفاء الموضوع امامهم لان السجن صار اكثر من 20 سنة وهسة اني حاير شلون اخلصه من هاي المشكلة

طبعا هو مستلم الموافقة من المحلف وكان مشروط بالامنية وبعد شهرين يكمل سنتين على المحلفين الاولى

شنو الحل اخوان واخواتي وشنو ممكن يصير اذا بقى الوضع على هذا الحال

[ام اديان]

 up

[ابومريومة]

شكرا ام اديان على المرور

[single man]

اخي العزيز مو شرط يعيد المقابلة اكو بيهم ما يعيدولهم المقابلة و بعدين بخصوص المحكومية اذا مقابلة المحلف عنده كاملة ما اتصور اكو مشكلة
هو مقابلة المحلف عنده كاملة لو فعال؟

[ابومريومة]

شكرا لمرورك عزيزي سنكل اخوية وصلة موعد اعادة محلفين والسبب المرجح هو علمود المحكومية مالتة لان هو مو ضابط ولا مسافر خارج العراق

[مخظرمة كلش]

أخوية أبو مريومة لاتخاف من إعادة المحلفين لانه إجراء روتيني مثل إعادة الفحص والأسئلة تكون بس إعادة معلومات نفس المعلومات الي ذكرها أخوك بالمحلفين الأولى لا يغير أقواله ولا يخاف واني كتبتلك تفاصيل أكثر عن إعادة المحلفين مالتنة عالخاص
وتمنياتي الك ولاخوك بالتوفيق

[ابومريومة]

شكرا جزيلا اختي مخظرمة على المرور واشكرج على التفاصيل اللي وصلتني

تحياتي

[star_2000]

اخويه ابو مريومة ..مثل مكالولك الاخوان هل ايام دتصير االاعاده اجراء روتيني مو شرط للسبب اللي انت كلته ..ان شاء الله خير ..خل يروح للمقابله ويشوف وليغير اقواله ..ويارب ماكو الا الخير ..تحياتي

اختك star_2000

[rainy71]

 انشاء الله خير اخي ابومريومة الله يساعدكم و ييسر امركم و تمر بسلام لان فعلا وضع دقيق و محير       

[ابومريومة]

شكرا اختي ستار على المرور وان شاء الله خير وتعدي سلامات

واشكر rainy71 على الرد وربي تتوفقون ويسهل اموركم

لكن اتمنة اكو حالة مشابهة يساعدون الاخوة بيها

[um shaheen]

اخويه العزيز ابو مريومه
اخويه قريت كل الردود ويارب الحظ يكون حليف اخوك وتعدي سلامات بس
اخويه واخواني الاعزاء
سجلات الداخليه كلها بحوزة امريكا عند دخولها للعراق وسوف اذكر لك حاله اذا اخوك مثلها اتمنى تاخذ الحذر مع تمنياتي بالتوفيق
اخويه توجد عائله في سوريا كانت تنتظر الفيزه حالها حال كل العراقيين ولكن بعد الاحداث في سوريا وبعد الغاء اعادة المحلفين لأكثر الموجودين في سوريا واكيد تعرف هذه الحاله
ارسلوا بطلب صاحب الشاءن وكان عمله في الزمن الماضي تاجر وانت تعرف التاجر وقت الحصار حبسو في السجون العراقيه لاكثر من مره وهذا الرجل لم يكن قد ذكر هذا الحدث في ملفه لقوله (همه شمعرفهم واني مظلوم ليش اتذكر هيج شغلات وانست) المهم اخويه دزوا عليه ورجعوا سالوا عندك حكم بالعراق قبل فبعد النصائح ذكر لهم نعم وهذه التواريخ لانني كنت تاجر والتواريخ طبعا مثبته عدهم
فنصيحه اخي استفسر اكثر لان ملفات المحكومين اكثرها عند الامريكان وبهذه الفتره تم الغاء اعادة المقابلات لاكثر الطالبين للجوء حتى في بلدان غير سوريا
اتمنى ان تستفسر اكثر الى ان تصل الى نتيجه اكيد لتستطيع مساعدة اخوك بأكمل وجه ويارب يعديها على بسهوله وييسر امره
تحياتي
اختك ام شاهين من سوريا

[ام راما]

اخي ابو مريومه
احب ان اكد لك كلام اختي ام شاهين الامريكان يملكون كل سجلات الداخليه
وخصوصا اذا كان محكوم ولديه بصمات فاذا نكر بالمقابلة راح ينطونة تاريخ حكمة
والمادة الي انحكم  عليهافماكو اي مجال للنكران
 خلي ايكون صريح افضل اله
الله ايوفقةً ويسهل امرةً
اختك ام راما

[ابومريومة]

اشكرج ام شاهين على الرد والله يجعله في ميزان حسناتج آمين

اني عندي ابن خالتي نفس الحالة صارت وياه وكان بعمان وبعدين دزو عليه وسألوه ونكر وبعدها نطوه الحكم مالته ورقم المادة بس هو في وقتها كاللهم اني ما اكدر احجي كدام زوجتي واولادي لذلك كنت انكر لذا مشت امورة وهسة هو بأمريكا

بالنسبة لأخوية نصحتة يمشي على نفس الوضعية وبعد ما ادري شنو يصير

والشكر موصول لأختي العزيزة ام راما

ربي ييسر اموركم ويفرج همكم وتتوفقون دنيا وآخرة

تحياتي

[ابومريومة]

اختي ام شاهين التاجر سافر لو شنو صار وياه بس طمنيني
 

[um shaheen]

اخويه العزيز ابو مريومه
الشخص بعده بسوريا وذلك لان المقابله لم تكن بعيده وانما في نهاية شهر 12من عام 2012 ولكن الي يبشر بالخير انهم اخبروا بعد المقابله لو ياتي الرد من امريكا سوف يكملون العمل على ملفه من سوريا
وبالاسبوع الماضي اتصل على المنظمه في سوريا واخبرته الموظفه انهم يعملون على ملفه ولكن شي ملموس باليد لحد الان ملمسوا اندعيلهم يارب تفرج عليهم
بالنسبه الي متاكده من قبولهم والسبب انهم ارسلو رساله الى منظمه عمان وجائهم الرد pending seccurity checks/nmn/jo وهذا الرمز متاكده منه ميه بالميه وعلى السنه الجديده يله وصل لاعضاء ومعناها الملف فعال وديشتغلون عليه
هاي كل معلوماتي ويارب تستفاد منها واخوك اتعدي عليه سلامات ان شاء الله
تحياتي
اختك ام شاهين من سوريا

[um shaheen]

اخويه ابو مريومه
تابعت الان قرأت المواضيع بالمنتدى وانصحك ان تقرأ موضوع الاخ (دريمي)بخصوص اعادة المحلفين وتركز على جواب الاخ (زيطه) النقطه الرابعه لانها مهمه جدا
وهذا هو الذي تكلمنا بخصوصه فأنا متاكده تمام التاكد بأن ملفات الداخليه والامن العامه وحتى الحواسيب كلها بحوزة الامريكان بعدما دخلوا الى العراق فحاول ان تنصح اخوك بما هو واجب ويارب ان شاء الله خير ويندعلينه
تحياتي
اختك ام شاهين من سوريا

[اسطنبولي]

up

[ابومريومة]

بارك الله بيج اختي ام شاهين وما قصرتي وربي يفرج عنكم بأقرب وقت

[أبو الحكم]

أخي العزيز أبو مريومة , اسمحلي اجاوبك بجواب ممكن يفيدك جدا , ملفات المحكومين والموقوفين ايضا وبصماتهم قبل السقوط واكرر قبل السقوط كلها لدى الامريكان , اما الان لايوجد لديهم اي ملفات للمعتقلين والمحكومين والموقوفين ولايوجد لديهم اي اتصال مع الداخلية العراقية او مع دائرة التسجيل الجنائي العراقي وهذا الكلام انا متأكد منه مثلما متأكد من اسمي وكلام موثوق من داخل هذه الدوائر ومن ضباط الحاسبة المركزية نفسها للمعتقلين والموقوفين , والامريكان والــ IOM  الان لديهم اتصال فقط مع الانتربول لاغير


تحياتي .

[ابومريومة]

سلمت الايادي اخي العزيز جاري الانتظار

عسى ان يستفاد من الموضوع الاخوة اللي عدهم اعادة محلفين

واشكر مروركم العطر وبارك الله بجهودكم

[Awsaws]

السلام عليكم
اخي اني ائيد الاخت ام شاهين احسن ان يخبرهم بلي صار ويا لان ممكن يضل يعيد مقابلات وما يوصل نتيجه وبس يخسر وكت بلمقابله مالتي تعرفت على شخص اربع مرات عاد بيها المحلفين لان اكو مشكله عنده ما ذكرها بلمقابله الرابعه لمحتله المحلفه على سبب الاعاده وكدر يصحح الموقف والحمد لله والله يسر اموركم وجميع الاخوه الكرام
تقبل مروري مع فائق الاحترام
اخوك اوس

[ابومريومة]

اشكرك اخي اوس على الرد ممكن توضحلي صاحبك سافر لو بعدة وهم المشكلة مالتة جانت بمحكومية لو غير شي كخدمة عسكرية او غيرها

اكون شاكر وممنون

[Awsaws]

اشكرك اخي اوس على الرد ممكن توضحلي صاحبك سافر لو بعدة وهم المشكلة مالتة جانت بمحكومية لو غير شي كخدمة عسكرية او غيرها

اكون شاكر وممنون

والله اخي مثل ما ذكرتلك الولد اتعرفة عليه صدفه بمقابلة المحلفين وحسب قوله هاي رابع مره يعيدها لان ما ذاكر مشكله مر بيها من زمان بس ما اعرف تفاصيلها او سافر لو بعده مع الاسف بس اني حبيت اوضحلك رئي والله المستعان تمنياتي لاخوك بلتوفيق