الامنيه .....والربط القوي

[remee]

السلام عليكم اخواني واخواتي اتمنى ان تكونوا بخير جميعا
اريد ان اخذ رأيكم في موضوع الربط القوي والربط الضعيف بين الملفات .
نحن عائله مكونه من 6 اشخاص على ملفين وبيننا ربط قوي استلمنا موافقه المحلف يوم 24_12_2011 من (عمان)وبعدها ب 6 اشهر اكتملت الامنيه بالموقع لاحد الملفات اما الملف الاخر بقيت الامنيه بالانتظار وبعدها ب 3 اشهر سحبت الامنيه
الان وقبل ايام اتصلوا بنا على الدورة التثقيفيه واكملناها وصارت الامنيه بالملف الاخر مكتمل وملفنا بالانتظار
هل تنصحونا ان نفك الربط بين الملفات او نطلب ربط خفيف او يبقى الحال عليه؟؟ مرة الامنيه مالتنا تكمل ومرة الامنيه الخ تكمل ولا مرة سوياااا ساعدوني اخوان بأرائكم ونصيحتكم  

[star_2000]

اخويه اكيد الرابط الضعيف احسن لان راح يبقى ملف ينتظر الملف الاخر الى ان تكتمل الامنيه للملفات كله يله ينطوكم موعد سفر ...بينما الرابط الضيف اي ملف تكتمل امنيته يخلوه على جدول السفر ومنفصل عن الملف الاخر

اختك star_2000

[البحار2]

UP ...

[Baguncero]

أختي أنتم في ملعب الحيــــــــــّة والدرج .. هذا المصطلع يعني مرح يسافر منكم ولا نفر مثل حالنا ... صارلي 4 سنوات بهاي اللغوة كيس يكمل ينتظر الثاني الي بعدة مكامل ... الحل هو فصل الكيسات وجعل كل كيس يسير بطريقه لحين وصولكم كيس بعد آخر لأرض الأمل
وأسرعي بفصل الكيس
بالتوفيق أن شاء الله

Baguncero

[remee]

شكرا على ردكم السريع اخواني واخواتي بس شتكولون هسه خوش وقت ل فصل الملفات ؟والامنيه مال الملف الي جايه ما تتأثر او تنسحب

[Baguncero]

أفضل وقت بالنسبة لكيساتكم الآن وخطيتكم برقبتي توكلوا على الله وأن شاء الله خير

أخوكم

Baguncero

[ام اديان]

شكرا لطرح الموضوع المهم .شلون نكدر نفصل الكيسات وشلون نكدر نعرف احنه ربط قوي لو ضعيف؟

[ÐŗệăMÝ]

اخويه اكيد الرابط الضعيف احسن لان راح يبقى ملف ينتظر الملف الاخر الى ان تكتمل الامنيه للملفات كله يله ينطوكم موعد سفر ...بينما الرابط الضيف اي ملف تكتمل امنيته يخلوه على جدول السفر ومنفصل عن الملف الاخر

اختك star_2000

+1

[remee]

حبيت اعرف شكد اتطول عمليه تحويل الملفات الى ربط ضعيف بعد تقديم الطلب

[remee]

أفضل وقت بالنسبة لكيساتكم الآن وخطيتكم برقبتي توكلوا على الله وأن شاء الله خير

أخوكم

Baguncero

شكرا اخوي الله يحفظك بس اذا تعرف اتطول هوايه التحويل من ربط قوي الى ضعيف اخاف لا تسقط المدة مال الامنيه الي جايه قبل ما توافق المنظمه على تحويل الربط ؟؟؟

[Baguncero]

أخواني وخواتي خلي أشرحلكم ما عندي حول هذا الموضوع
قبل كل شي أنه المنظمة عمّان ماعدهة مصداقيــــــــــــــــــة أبدآ وماعدهم أي تعاون معنا بتاتآ البتة
شلون؟؟
آني قبل يومين دزيتلهم أيميل أطلب فصل الكيس مالتي عن كيس والدتي ... لمن كنت أقابلهم بالخميس يكولولي لا تفصل أمنيتكم تجي سوة !!!! وأكتشفت هذا الكلام كذب بعد عدة مقابلات وعدة خميسات مثل منكّول لأن آخر موظف طحت بيه كان شريف ويخاف الله وقرالي من الملف مالتي مباشرة شنو موجود !!! بحيث طلعت آني بنتيجة أنه أذا ما أفصل رح أظل 4 سنوات ثانية وما أسافر
نرجع لبارحة خابرتني الهيبة الموظفة الظهر وضايجة حظرة جنابهة ليش آني أدز نسخة من أيميلي للأدارة ولأمريكا وللمدير مال المنظمة؟؟
طبعآ وحاولت تتملّص من موضوع فصل الكيس الة آني كتلهة انتي خابرتي علمود شنو؟؟؟؟ أنتي قريتي أيميلي شرايد آني؟؟؟ كّالت أي أنتة دتستفسر عن الأمنية !!!!!!!!!!! كلتلهة لألألألألألألألألأ آني طالب فصل كيس ..... كالت هاااا اي اي صح
تصوروا التسويف واللعب بالأعصاب
كّالت مين رح يداري أمك هناك ... كلتلهة ألكفيل وبعد عدة مماطلات كّالت أبلّغ الأدارة وأرجعلك
المهم رجعتلي بتلفون بعد نص ساعة تكول الأدارة متقبل تفصل الكيس لأن انتة كّدامك مرحلتين من الأمنية تخلص وحدة يلة نفصل الكيس !!! كّلتلهة أكتبي كلامج هذا أيميل وأبعثيلياه !!! ضاجت العوبة وكّالت ليش آني أكذب عليك؟؟ لو شنو ؟؟؟ هية هنا تريد تستفزني !! آني هم رجعتلهة بنفس أسولبهة الوضيع وكّتلهة أنتو منظمة رسمية تتعاملون بلتلون بيناتكم؟؟ لو بالوثائق؟؟ مجاوبتني ... كتلهة آنبي مأ أعتبر أنتي حجيتي وياية وما أعترف بهاي المكالمة مالم تدزين كلامج أيميل
المهم دزتلي أيميل ورة 5 دقايق وشنو بيه؟؟؟؟؟؟؟؟؟؟؟؟؟؟؟؟؟؟؟؟
أحزروا ؟؟؟؟؟؟؟؟؟؟؟؟؟؟؟؟؟؟؟؟
مكتوب بيه الكليشة هاي الي يدزوهة للكل

Thank you for your email,

               

A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.
وهاي أضافة بيه
 

We will look into your request as soon as you pass the security checks.

آني هم رجعت دزيتلهم طلبي بغير صيغة وجان نهاية دوام وليهسة محد جاوبني ورح أظل ألح عليهم الى أن يفصلون الكيس

الخلاصة أن المنظمة عمان لا تحترم اللاجئين ولا طلباتهم ويتصرفون بكيفهم
وحسبنا الله ونعم الوكيل

Baguncero

[lele200982]

شكرا لطرح الموضوع المهم .شلون نكدر نفصل الكيسات وشلون نكدر نعرف احنه ربط قوي لو ضعيف؟

مساء الخير
سؤال الاخت ام اديان عين الصواب ,احنه 4 كيسات وما نعرف نوع الربط مع العلم المقابله الاولى والفحص الطبي والمحلفين مكتمل وحالة الملف معلق ,وموعد المقابلات والفحص بنفس التاريخ لل4 كيسات
شلون نعرف نوع الربط؟؟؟؟؟وشنو الافضل ؟؟؟؟؟؟؟؟
اتمنى من الاخوان والاخوات ما يقصرون بالاجابه
اختكم lele

[remee]

شكرا لطرح الموضوع المهم .شلون نكدر نفصل الكيسات وشلون نكدر نعرف احنه ربط قوي لو ضعيف؟

مساء الخير
سؤال الاخت ام اديان عين الصواب ,احنه 4 كيسات وما نعرف نوع الربط مع العلم المقابله الاولى والفحص الطبي والمحلفين مكتمل وحالة الملف معلق ,وموعد المقابلات والفحص بنفس التاريخ لل4 كيسات
شلون نعرف نوع الربط؟؟؟؟؟وشنو الافضل ؟؟؟؟؟؟؟؟
اتمنى من الاخوان والاخوات ما يقصرون بالاجابه
اختكم lele

اختي العزيزة
احنا من رحنا المقابله الاولى بال اي او ام قالت الموظفه بدك ربط قوي او ضعيف ف سالناها شنو ربط قوي وشنو ضعيف كالت الربط القوي اتسافرون سويه والربط الضعيف كل من يسافر ل وحدة فا احنا كنالها ربط قوي لان الوالد والوالدة خفنا عليهم يظلون بوحدهم بس هم بلحظه سووها ربط قوي
بس هم ما كلولنا انه الامنيه مال السفر من تصدف اتكون اثنيناتكم مكتمله بلا انسفركم يعني بين قوسين اكو شي غامض وهاي صارلنا سنتين بهل شغله
ف اختي اذا اتريدين اتصلي بالمنظمه وساليهم على الكيس مالتج بيه ربط قوي او ضعيف اذا جانوا ما ساليكم بالمقابلات شي

[lele200982]

مساء الخير
شكرremee على الاجابه
وبصراحه المقابله محد سالنه عن نوع الربط وراح احاول اتصل بالمنظمه افتهم منهم
والف شكر ويا ربي السفر القريب

[Dreamy Girl*]

اخوان هاي شنو صدك تحجون ؟؟ معناها ننسى السفر احسنلنه احنه 3 نفرات وكيسين وقبل 6 أشهر سوينه الربط قوي معناها على هالحالة  نأيس شتنصحونه نفك الربط لو ميصر يوميه نحول الربط؟؟؟

[صهوبي]

السلام وعليكم اخوان ......احنا عائله خمس افراد من عمان التقديم iomسئلونه تريدون الرابط .قوي كنالهم نعم. اخوان شنو الي يخوف وشلون دتفتهمون المعنى على اي اساس ارجوا توضيح .كل واحد ولملف مالته.....لان خوفتونه على التاخير..تحياتي

[العراقي72]

السلام عليكم ..
أخواني ممكن شويه تهدأون تره الموضوع مو هيج أذا كنت حسب متكولون المنظمه هاي مابيها أنسانية يعني معناها هدفها يمكن مادي وأذا كان هدفها مادي من ورانا وماأعتقد أكو أقرب تفسير لعدم أنسانيتهم غير هذا التفسير الوحيد أذاً بهذه الحالة المفروض أي شخص تكمل أمنية يطلع وماكو داعي لهاي الخساره وينتظرون ويعقدون الأمور خوب يسفرونه المكمل ويستفادون منه .
أخواني تره ألمنية تمر بعدة مراحل معقدة جدا وطول تره مو سهلة الشغله .. أصبرو والله كريم .. تحياتي

[Baguncero]

أخي العراقي 72
الأخوة الأعزاء
خليني افيدكم وأسمعوا مني صارلي 4 سنوات وشهرين أنتظر
لا فلوس ولاهم يحزنون ......وكلمن يكّلك فلوس هذا نصّاب ويقشمرك والخطية برقبتي
نعم المنظمة ماعده ذرة من الأنسانية
المنظمة عدهم 35 ألف كيس يشتغلون بيه
الأمنية نعم تمر بمراحل معقدة كثيـــــــــــــــــــــــــــــرة جدآ
الله وكيلكم ويشهد علية ... الربط القوي يأخر الملفات سنين
يمعودين آني ملفي وية ملف أمي ... وامي وحدهة بملفهة ومرتين يكتمل واحد من الملفين وينختم ويظر ينتظر الملف الثاني
وهاي 4 سنوات على هالرنة طحيـــــــــــــــــــــــــــــنكم ناعم
يعني بعد شتريدون أكّلكم؟؟؟
هية اذا علسفرة الطيارة والونسة مال اللمة عوفوهة .. خلي واحد منكم يوصل قبل الثاني
اليوم أكو باجر ماكو
أحنة عراقيين وصوفتنة حمرة وباجر المالكي ينطي نفط لأمريكا والكونكرس يكّول تحسن الوضع مالتكم وأمشو رجعوا
عمي الزمو خط الرحلة بأسرع وكت
وهاي نصيحة من أخوكم في سبيــــــــــــــــــــــــــــــــــل الله النصيحة
كلشي ماريد منكم
والله وياكم

Baguncero

[Abu Ahmed]

يعني ال 70000 اللي سافروا معقولة ما بيهم جان عوائل ربط قوي !!!
مستحيل مابيهم كذا الف كيس ربط قوي ، زين اذا ربط قوي و خلي نيكول كيس سافرت قبل سنة يعني اذا افترضنا على جواب الاخوان طول اربع سنوات بس بالاي او ام يعني ملفهم متحول من آليو ان سنة 2008 ،زين و قبله باليو ان الملف نائم اربع سنين يعني مقدمين من 2004 !!!!!.
أني هم من جماعة 24/12/2011 واحنوا كيسين و وسوينا كل المقابلات مع بعض و الفحص هم نفس التاريخ و احد الملفات بعد ستة اشهر تحولت الأمنية كاملة و الملف الثاني لحد الان أمنيته لم تكتمل ، فشبه كل كبير مابين الكيس لصاحب الموضوع و الكيس مالتي بس مال طول اربع سنوات اعتقد مبالغ بيه.

[صهوبي]

السلام وعليكم اخوناbagunceroارجو ان توضح هل انت من عمان وشنو نوع التقديم مالتك تهديد لوغير شي وانت من اي سنه مقدم وهل عندك احد في امريكا من اخ اواخت ........زتحياتي ارجوا ان لاضوج من الاسئله ..مع الشكر

[remee]

اشكر الجميع على تواصلكم وتفاعلكم مع مشكلتي غير انه الواقع لا نعرف ماذا نفعل وايهما اصح الاستمرا ربالربط او فك الربط ومن ناحيه المبدأمن غير المعقول ان دوله عظمى  مثل امريكا تقبل مئات الالالوف من اللاجئين والمهاجرين تنصب فخ عن طريق موضوع الربط القوي لتأخير سفرهم وعندما ذهبنا اكثر من مرة للسؤال عن سبب تأخيرنا بالسفر كان جواب المنظمه مو بصالحكم الفصل واصبروا
لعد اخواني الي يشك بموضوع انه الربط ما يأخر لعد شنو معناتها الي جانوا ويانا ورانا جوي وكانوا عوائل بدون ربط لا قوي ولا ضعيف ليش سفروهم واحنا طالعه قبل الامنيه والامنيه الخ هسه طلعت معقوله اجرأت المنظمه مال الامنيه مالتنا الي طلعت عادوها من البدايه الله اكبرررر لعد مابقى شي بعمرنا كل ست اشهر تجي امنيه وحدة وعلما تسقط ورا 3 اشهر من ما طلعت تطلع الخ
طبعاااااشكر كل من طرح مشكلته وياي وبارك الله بيكم ويوفقكم وتوصلون ل مبتغاكم

[remee]

أخي العراقي 72
الأخوة الأعزاء
خليني افيدكم وأسمعوا مني صارلي 4 سنوات وشهرين أنتظر
لا فلوس ولاهم يحزنون ......وكلمن يكّلك فلوس هذا نصّاب ويقشمرك والخطية برقبتي
نعم المنظمة ماعده ذرة من الأنسانية
المنظمة عدهم 35 ألف كيس يشتغلون بيه
الأمنية نعم تمر بمراحل معقدة كثيـــــــــــــــــــــــــــــرة جدآ
الله وكيلكم ويشهد علية ... الربط القوي يأخر الملفات سنين
يمعودين آني ملفي وية ملف أمي ... وامي وحدهة بملفهة ومرتين يكتمل واحد من الملفين وينختم ويظر ينتظر الملف الثاني
وهاي 4 سنوات على هالرنة طحيـــــــــــــــــــــــــــــنكم ناعم
يعني بعد شتريدون أكّلكم؟؟؟
هية اذا علسفرة الطيارة والونسة مال اللمة عوفوهة .. خلي واحد منكم يوصل قبل الثاني
اليوم أكو باجر ماكو
أحنة عراقيين وصوفتنة حمرة وباجر المالكي ينطي نفط لأمريكا والكونكرس يكّول تحسن الوضع مالتكم وأمشو رجعوا
عمي الزمو خط الرحلة بأسرع وكت
وهاي نصيحة من أخوكم في سبيــــــــــــــــــــــــــــــــــل الله النصيحة
كلشي ماريد منكم
والله وياكم

Baguncero

اني اتفق وياك انه الربط القوي يييأخر بس حبيت اسال يوم الخميس الجاي اكو مقابلات ؟؟؟

[صهوبي]

الى الاخت remee انتو اعماركم اكبار لو عدكم اطفال اي كل كيس كم واحد بي وانتو من عمان ........تحياتي

[Baguncero]

أخوية أبو أحمد شنو مبالغ بيهة4 سنوات؟؟ قابل دأشاقة وياكم؟؟ يمعود صاحبي 5 سنوات كمّل من يوم التقديم وهسة قبل سبوعين يلة سافر
عيني آني تقديم مباشر لا يو أن ولاش ... ومالة علاقة نوع التهديد قابلت محلفين 28 حزيران 2009 ورأسآ أنطوني قبول آني وعائلتي وحولوني فحص طبي ثاني يوم بس جنت بمصر ونقلت ملفي لعمان ... ومالة علاقة نقل الملف لأن هو سستم واحد منين مجان تفتحة حتة من ماليزيا لأن كل دولة بيهة مكتب مال أي أو أم
وهذا كلامي للفائدة العامة
الخميس القادم 31 كانون الثاني .. أكو أستفسارات نعم

أن شاء الله كلكم تسافرون وتخلصون من موظفين المنظمة الي ذرة غيرة ماعدهم

أشكركم

Baguncero

[Baguncero]

عيني صهوبي شنو أنتة بالأمن؟؟ أشو بس تسأل ؟؟ متكّلي شتريد؟؟
عمي أفصل كيسك وتوكل على الله ترة تظل بديلاب الهوة صاعد نازل وأتذكرني عود

بالتوفيق أن شاء الله

أخوكم

Baguncero

[صهوبي]

السلام وعليكم اخي baguncero ,....لاعيني اني طالب بس حبيت اعرف التقارب بين الملفات لااكثر ....مع الشكر الجزيل.تحياتي

[Baguncero]

تتدلل أخوية صهوبي ... آني حاظر لأي سؤال

Baguncero