مهم بخصوص ترجمة عقد الزواج

[Dark Devil]

السلام عليكم
شلونكم اخواني
طبعا اعتذر ع كثرة المواضيع اللي انزلها بس تحملوني لان ماعندي احد استفسر منه خصوصا انو الاجرائات  داخل العراق تتغير كل فترة

اني عقدت محكمه واخذت العقد ومصدق من المحكمه واريد اقدمه لل iom واس اي في
بخصوص ترجمة العقد هو نفسة اخذة اترجمة ترجمه قانونية ؟؟!
لان سمعت انو عقد المحكمه مياخذ اله اقدم طلب بلمحكمه ويدزوه لقصر العدالة وهناك يسوولي نسخ مترجمة واصدقها بلخارجية..

والسؤال الاهم :
هل عقد الزواج كفيل بأضافة الزوجة الى القضية دون الحاجه الى تغيير الجناسي
لان تغيير الجنسية يحتاج وقت طويل
واني مستعجل ع الموضوع البرنامجين بمراحل متقدمه
ال iom يوم 4-2 حددولي موعد اخذ بصمات اليد
وال siv حاطهم ع الشحن ديريدون اوراقي حتى احدد موعد مقابلة واني دااجلها علمود موضوع الزواج

[عراقي هواي]

نفس العقد ترجمه لاتصديق ولا يهم يحزنون

[A.J 47]

حبي نفس عقد الزواج لا تروح اصدق ولا تطلع غير واحد
اني هيج سويت واخذوه
وبالمناسبه ابشرك ال اس اي في راح يجبخوك بموعد مقابله حته لو ما داز الاوراق وراح تركض ركض مصاير ههههههه

[sniper elite]

احد الأخوان بينلك انه اخذوا منه العقد المترجم بالطريقة الأعتيادية اذن ماكو مشكلة بالتقديم ..

ولكن عزيزي للعلم قانونا عقد الزواج وضعه يختلف عن بقية الوثائق كشهادة الجامعة او اي وثيقة اخرى .. لأن عقد الزواج والقسام الشرعي ما يخص حق شخص واحد وانما حقوق اشخاص اخرين وياك بالوثيقة .. فالأجراء الماشي حاليا انه تكمل العقد وتختمه بالأخير من الخارجية بعدين تروح لأي مكتب ترجمة معتمد يترجملكياه وتروح لكاتب العدل بالصالحية يختم المترجم وينختم خارجية وراه هم من جديد..

تحياتي

[s350thebest]

اخي اني اخذت العقد وترجمته يم مكتب نادر قرب المسرح الوطني ودزيته بدون تصديق من الخارجية علماً اني ما صدقت أي وثيقة من الخارجية والحمد لله قابلت قبل شهر تقريبا ومنتظر الفيز قريبا ان شاء الله للجميع.

[Dark Devil]

شكرا جزيلا لردودكم اخواني
ماقصرتوا
بقه السؤال اللي بلاحمر
اكو داعي ابدل الجناسي حتى اضيف زوجتي لان دايخ بيها
والجنسية تطول شهرين حتى تطلع واني مستعجل حيل اريد اضيفها من هسه
يبقه صورة ال57 وبيان الولادة من راح تطلع راح يكتبون بيها انو ممتزوجه عادي يقبلون بيها ؟؟
وشكرا جزيلا ع ردودكم تحملوني لان ماافتهم كلشي بهاي الامور

[sniper elite]

بيان الولادة ما اله علاقة بتحويل الجناسي ..

قيد 57 لازم تبدل الجناسي بالأول من النفوس وتمشي باجراءات صورة القيد 57 الي متطول يومين ..

[Dark Devil]

حبيبي انته هي هاي المشكله تحويل الجناسي يطول يصير اسويها ونكتب  باكر بيها واني اعزب؟؟

[Dark Devil]

up 
للمساعدة العاجلة

[sniper elite]

حبي دارك ديفل ..

اني بصراحة ما اعرف همة شيريدون منك ؟؟ لأن الأخوان قالولك انه اخذوا منهم عقد الزواج المترجم والمصدق بطريقة خطأ ..

بس منطقيا اكيد ح يكلولك شلون انت مقدم عقد زوج وصورة القيد 57 مالتك تكول اعزب ...

ترة ميرادلهة شي روح لنفوس زوجتك جيب قيدهة وضيفهة بالسجل مالتك بالنفوس .. بوقتهة كلولي لازم ندز للمحكمة صحة صدور بس اخذوا مني 25 الف ومشوهة وخلال يومين استلمت جناسي جديدة ..

تحياتي

[مرجانه]

بالنسبه إلي قبل حوالي سنه ونصف اخذت العقد الاصلي وترجمته في جمعيه المترجمين العراقيين مقابل الجامعه المستنصريه (وهاي احسن مكان تترجم بيه ) بعد ذلك توديه لمحكمه الاستئناف عالقناه يصدوقون العقد وبعد ذلك توديه لوزاره الخارجيه للتصديق .. ماعرف اذا هسه صار تغيير بالجديد .. والجنسيه الافضل انه تغيرها تلافيا لحدوث اشكالات واذا تدبرلك واسطه يطلعلك ياها بكم يوم وكذلك صورة القيد .. انصحك انو تاخذ كل اوراقك كامله ومعلوماتك متشابهه بكل المستمسكات حتى لاتؤثر عليك .. وبالتوفيق 

[sparky]

ونضيف نقطه مهمه ..
ضروري ذكر ان تاريخ زواجك هو كما مكتوب بالعقد مال المحمه مال دار العداله ..وخطا ان تكتب ان يوم زواجك هو يوم الزفه مثل مانحن جميعا نعرف بحيث لازم وغصبن علينا نتذكر يوم زواجنا او بالاحرى يوم زفتنا والا تنقلب الدنيا على راسنا

هذه حصلت لشخص واخرت قضيته بعض الشيء بسبب هذا الموضوع... لانه كان عقد الزواج بالمحكمه يقرا بتاريخ غير تاريخ الزواج الفعلي المتعارف عليه بفتره تعدت السبع شهور .

[Dark Devil]

شكرا جزيلا اخواني ع مساعدتكم وارائكم
بنفس وقت اللي نزلت بي هذا الموضوع دزيت ايميل لل iom  دزيت بي عقد الزواج فقط حتى بدون ترجمة كتلهم اريد اضيف زوجتي
واليوم اتصل بيه واحد من المنضمه حددلي يوم الاحد مقابله لغرض اضافه الزوجه
وشرحتله بلتلفون كتله الجنسيه لحد الان ممغيرها كال ماكو مشكلة عقد الزواج كفيل باثبات انو البنيه هي زوجتك عقد الزواج نفسة مال محكمه لا مصدق من قصر العدالة ولا الخارجية
يعني الاحد اروح اخذ مستمسكات زوجتي الاصلية حتى اضيفها
والاثنين عندي مقابله اخذ بصمه اليد
هاي بلنسبه للاي او ام
المشكلة عندي بال اس اي في
يريدون بيان ولادة و57 وهاي ينكتب بيها اذا كنت اعزب او متزوج فلازم اغير الجنسية
وتطول اكثر من شهر واني مستعجل بلموضوع ...
اتمنى تكون مشكلتي وضحت
وان شاء الله الاحد والاثنين عندي مقابلات اي او ام وارجع اكتبلكم شنو صار ويايه
علما انو رقم الملف مالتي 128---