شنو السالفه اشو رجعو!!!!!!!

[banmeel]

مرحبا اخواني واخواتي ارجو اخذ الموضوع بجديه وبدون تهجم .. حددولي موعد المقابله الاولى الحمد لله ولكن هذا سنه ونص 3 من اصدقائي راحو الامريكا  وتلاثتهم رجعو  اكولهم ليش يكولون متنه من التعب ومدا نلحك لو نشتغل كناس في العراق اشرف النه
شنو السالفه يا جماعه صدك جذب هذا امريكا اللي كنه نحلم بي طلع اوهام ؟؟؟؟ لوشنو
الرجاء لا تتهمو اصدقائي بالفاشل لان لو 1 ميخالف لو 2 هم كلنه ميخالف بس تلاثتهم مع العلم كل واحد جان في مكان مختلف واحد تكساس واحد نيو مكسيكو وواحد نيويورك
  ابويه هم كام يعارضني ويكول طلع امريكامن راسك ما تروح ما خليك .الناس تنهزم من امريكا وانته تريد تروح تتبهذل
ارجو نقاش الموضوع بجديه وهدوء
وشكرا للجميع

[naseerx5]

حبي اولا دا اللاحظ المكانات المختاريهة اصدقائك حنينة جدا مثلا نيويورك , همة اهل نيويورك ما مدبريهة هاي فقرة والفقرة الثانية اشو اخوية ماشاء الله لا قوة الا بالله راح وهوة ساد اعدادي ما مكمل يعني ما مكمل دراسة وهسة يشتغل وكل فترة يدز لوالدتي فلوس  ودز قبل فترة مبلغ يعادل 3 دفاتر اضافهة لفلوس الورث واشترة بيهن بيت وهوة يعمل بمعمل نجارة ومزوج وعندة اطفال ثنين بس يا اخوية هوة يعرف يتصرف حتى من كان بالعراق فة الي يعرف يتصرف وين ما يروح امورة ماشية
مع احتراماتي الك احتمال اصدقائك راحوا هناك يتوقعون الفلبينيات منتضراتهم بالمطار حتى يسوولهم جلسات تدليك والبساط الاحمر من درج الطيارة حاطي الهم والليموزين بيهة براد حتى الويسكي اذا صاحبك يشرب يكون بارد واذا ميشرب فخلاط بصفة حتى يعصر العصير ويكون فرش لما يوص للقصر مالتة
اخوية الححياة هناك تعب في تعب بس بي نتيجة اني هنا 20 سنة اشتغل وطابوكة ما كدرت ابني من عرق جبيني
فة لا تزعل من الحجي مالتي ترة الي يدور خدة ما تمشي امورة وخلي يبقة احسن وعقلك براسك تعرف خلاصك
اخوك العبيدي

[banmeel]

حبي اولا دا اللاحظ المكانات المختاريهة اصدقائك حنينة جدا مثلا نيويورك , همة اهل نيويورك ما مدبريهة هاي فقرة والفقرة الثانية اشو اخوية ماشاء الله لا قوة الا بالله راح وهوة ساد اعدادي ما مكمل يعني ما مكمل دراسة وهسة يشتغل وكل فترة يدز لوالدتي فلوس  ودز قبل فترة مبلغ يعادل 3 دفاتر اضافهة لفلوس الورث واشترة بيهن بيت وهوة يعمل بمعمل نجارة ومزوج وعندة اطفال ثنين بس يا اخوية هوة يعرف يتصرف حتى من كان بالعراق فة الي يعرف يتصرف وين ما يروح امورة ماشية
مع احتراماتي الك احتمال اصدقائك راحوا هناك يتوقعون الفلبينيات منتضراتهم بالمطار حتى يسوولهم جلسات تدليك والبساط الاحمر من درج الطيارة حاطي الهم والليموزين بيهة براد حتى الويسكي اذا صاحبك يشرب يكون بارد واذا ميشرب فخلاط بصفة حتى يعصر العصير ويكون فرش لما يوص للقصر مالتة
اخوية الححياة هناك تعب في تعب بس بي نتيجة اني هنا 20 سنة اشتغل وطابوكة ما كدرت ابني من عرق جبيني
فة لا تزعل من الحجي مالتي ترة الي يدور خدة ما تمشي امورة وخلي يبقة احسن وعقلك براسك تعرف خلاصك
اخوك العبيدي

اشو انته ركزت عله نيويورك وتركت تكساس الي هو من ارخص ولايات اب امريكا !!!!! 
واني ما افتهمت انته 20 سنه اب امريكا لو بالعراق؟؟؟
بالمناسبه اصدقاءي اعرفهم ناس مجاهدين حيييل
تحياتي الك

[هذا عراقي]

اغاتي طبعا الحياة صعبة بامريكا وخصوصا بالبداية بس الله موجود بكل مكان وهو الرزاق ويفرج على الجميع

الله يفرج على جميع المتظرين

[mhamed noor]

رجاء اي موضوع مثل هذا لحد ينزله لان احنه بس الله شديصير بينا من الانتظار

[naseerx5]

يابة مجاهدين او مقاومة او جيش المهدي بكيفهم ....اني عرفت ليش نزلت الموضوع تريد واحد يكولك ابقة بالعراق احسن واني اكولك ابقة بالعراق احسن وامريكا مو زينة وترة الي يروح يتورط
واني احب اتورط ودا انتضر شوكت الله يفرجهة واطلع من النعيم واروح لامريكا
لان يكولون هناك مليشيات  وارهاب وكلشي وكلاشي واني مشايف هيج شي ولا متعرض لمحاولات قتل 4 مرات
فة كلت خلي اعيش المغامرة واروح ودا انتضر شوكت يخلوني اروح

بس انتة دير بالك تروح
نصيحة من اخوك

[امل الوصول]

يمكن ﻷن عزابية وحدهم و امريكا مترحم و الكل مشغول و مو مالت مجاملة  و الكل يكون مشغول يا عمل وركض للمعامﻻت او التزامات يا عمل وعائلة والتزامات . اصﻻ الغربة صعبة  اذا وحدة الواحد و حياة جديدة و ﻷزم يتهئهون نفسيا انه اول فترة سنة بيها التعب حسب تجارب اﻷخوة الي وصلوا و المناطق الي ذاكرها نيوررك غالية  وتكساس صح مناسبة بس ﻻزم شغل  و التزامات  حتى تكدر تستمر و بعدين تنجح و مو قياس اصدقائك ال3  يعني متعرف اصدقاء وصلوا و صبروا ونجحوا !؟ اذا انت تريد تروح وعندك هدف حط بالك الصبر والتعب و الغربة  وبعدين من خﻻل كل هذا و ورة تجارب رح تتعلم منها طرق العيش في امريكا يمكن الله سبحانه وتعال يوفقك وتنجح وتكنبلنا في يوما ما تجربتك في امريكا .
اما اذا تريد اي قصة رجوع او انسحاب من معترك الحياة في امريكا ......... تعال شوف هنا عمان بلد عربي  مسلم وكل الغربة والتعب و العنصرية و الماكو من كل شئ و اسمك طالب لجؤ مو مقيم مثل امريكا و ورة كم سنة تتجنس .....يعني الي محتاج للسفر متطلعله ويتبهذل هو وعائلتة و يشوف العجب و يبقى ينتضر ...والي محتار ومتذبذب و بس يريد اي زلة او عائق بطريقه حتى يستسلم و يرجع تلكاه اول الناس يقابل و يوافقوله ويسافر .....!ﻻ حول وﻻ قوة اﻷ باله ....

[مصطفى الجنابي]

حبي اولا دا اللاحظ المكانات المختاريهة اصدقائك حنينة جدا مثلا نيويورك , همة اهل نيويورك ما مدبريهة هاي فقرة والفقرة الثانية اشو اخوية ماشاء الله لا قوة الا بالله راح وهوة ساد اعدادي ما مكمل يعني ما مكمل دراسة وهسة يشتغل وكل فترة يدز لوالدتي فلوس  ودز قبل فترة مبلغ يعادل 3 دفاتر اضافهة لفلوس الورث واشترة بيهن بيت وهوة يعمل بمعمل نجارة ومزوج وعندة اطفال ثنين بس يا اخوية هوة يعرف يتصرف حتى من كان بالعراق فة الي يعرف يتصرف وين ما يروح امورة ماشية
مع احتراماتي الك احتمال اصدقائك راحوا هناك يتوقعون الفلبينيات منتضراتهم بالمطار حتى يسوولهم جلسات تدليك والبساط الاحمر من درج الطيارة حاطي الهم والليموزين بيهة براد حتى الويسكي اذا صاحبك يشرب يكون بارد واذا ميشرب فخلاط بصفة حتى يعصر العصير ويكون فرش لما يوص للقصر مالتة
اخوية الححياة هناك تعب في تعب بس بي نتيجة اني هنا 20 سنة اشتغل وطابوكة ما كدرت ابني من عرق جبيني
فة لا تزعل من الحجي مالتي ترة الي يدور خدة ما تمشي امورة وخلي يبقة احسن وعقلك براسك تعرف خلاصك
اخوك العبيدي

والله عاشت ايدك ع الحجي    .. اني كضيت  حياتي اقره وتخرجت صار سنتين واخواني اكبر مني   عدهم ماستر    وليهسه اي تعيين ماكو  .. هذا العراق اخويه واكو كووومه نفس الحاله
اذا هلكد حابين العراق يا عيني ليش راحوا
 اصدقائك  راحوا عبالهم بس ونسه  وهيه كلش صعبه  بس بنفس الوقت تكدر اطور نفسك وتوصل
مو مثل العراق هسه تعوفني عمري 22 سنه وتجي بعد30 سنه تلكيني همين ممتعين  هاي اذا مطاير بأنفجار هههههه
اخويه توكل بالله وحس بقيمة الانسانيه بأمريكا
اني الكفيل مالتي  راح هناك يكول اول 9 شهور  ابجي دم  من الغربه والتعب
وهسه بعدله شهر ياخذ جنسيه ما شاء الله يكول لو  يخلوني وزير بالعراق مارجع اله ولا اريد اسمع بي  ولا اريد اطلع من امريكا 
اخويه الغالي  توكل ع الله ولتتأثر بالناس الي تحجي تره مراح تتقدم ابد اذا تهتم بكلام الناس
واهديلك اغنيه جورج وسووف كلام الناااااس .,.. تحياتي 

[IQ.Ammar]

اني عندي اصدقاء كل واحد بيهم طب امريكا ولا فلس بجيبة
هسة كل واحد بيهم عندة بيت واثاث وسيارة وشغل ومستقرين وديطورون ويدرسون جامعة

عندي صديقي راح هناك ماشاءالله 3 سنين لا مجمعلة فلس ولا متعلم لغة هههههههه
مثل اصدقائك ال3

مئات الألاف من الشباب والعوائل هناك مستقرة ودتطور.. تريد تقيس على اصدقائك ال3
واحنة هسة سولفتنة قصة اصدقائك يعني منروح؟ لا اني شخصيا عندي طموح وارادة ومتحمس حتة لو حشاك انظف حمامات بس بالأخير حاخذ الثمرة وشوية شوية حيتحسن الوضع ..

هاي الجملة وصلها لآصدقائك (كناس بأمريكا ولا وزير بلعراق )

[kamalzakhoy]

السلام عليكم 

آني راح اكولكم شي واحد وبإختصار 

إلي يريد حياته الجديدة تكون ناجحة بأمريكا يستثمر عقله مو عضلاته 

والمثال: عندي اقارب بأمريكا صارلهم اكثر من 15 سنة بأمريكا فمنهم:
اكو صارت عدهم عقارات وشركات وكلشي لانه اول ما وصلوا حاولوا يشتغلوا ويا فد شركة معينة وحاولوا الدراسة في مجال شغلهم واخذوا شهادات والشركة ما يكدر يستغني عنهم هاي الطريقة الناجحة 
واكو منهم لحد الآن ليل ونهار يشتغلون وكلشي ما يلحكون وماكو عندهم اي شي لا هناك ولا بالعراق لانه وقفوا العقل وما درسوا شي وظلوا يشتغلون هنا وهناك عامل وسواقة وما اعرف شنو وكلشي ما سوو يعني شغلهم كلها "قوت ولا تموت" وهاي الطريقة الفاشلة 


تحــياتي
كـــمال زاخــوي

[ابو سماني]

الشــــــــــغلة

تـــوكــل على الله,,,,,,,,أجـــتهاد,,,,,,,وســـــــــعي ,,,,,, وتـــعب,,,,,,,,وبالأخــير توفـــيق من الله

وكـــل شــــي قســــــــــمة ونــصيب


ابـو ســـماني

[Awsaws]

اولآ واخرآ مثل ما كال اخي ابو سماني كلشي قسمه ونصيب اخي العزيز انت تريد تسوي احصائيه حتى تكون عادله وتكون انت مقتنع شوف جكد رجعو للعراق وجكد كملو حياتهم وماشيه امورهم وبعدين تكدر تحكم طبعا ماكو اي مقارنه الفرق شاسع جدا وما اعتقد ممكن اثنين يختلفون عليها ثانيا اخي العزيز نصيحه الك والكل واحد يسافر اذا انت مرتاح ابلدك لا تدخل هاي التجربه لان نسبة فشلك بيها جدا كبيره واذا انت عايش بلدك مثل الغريب وخايف من دكت الباب عليك وشايف مستقبلك ومستقبل اولادك دا يضيع كدام عينك اتوكل على الله وصلي استخاره وان شاء الله يفتحها بوجهك ويسهل امرك وامر كل الاخوان الطيبين

[ام اديان]

اخي صاحب الموضوع اتفهم تخوفك واكيد لان اصدقائك تتأثر برأيهم بس لا تأثر عليك سلبا بالعكس استفاد من تجربتهم ولا تخطأ خطاهم ومو بالضروره يكون الخطأ من عدهم التوفيق من رب العالمين ياما ناس تتعب بس تعبهم دائما ضايع (يركض والعشه خباز) وياما ناس مخلصتها مرتاحه وامورهم ماشيه. بس هم الناس اشكال اكو واحد يريد كل شي عالجاهز يعني يريد الشغل يجيه للباب واكو واحد سبع يطلع الشغل من جوه الكاع وانت اكيد خوفك مبني على احساسك بالمسؤولية تجاه عائلتك خاف تروح وتتورط بس ياأخي الحياة فرص لا تضيع فرصتك وربك موجود بكل مكان.
بعدين يااخي شنو اللي متوفر النه بالعراق بغض النظر عن كونه مهددين او لا اشو لا دولة تنطيك قطعة ارض بس العرف والواسطات واذا عندك قطعه لو انت امورك زينه وتبنيها لو تشتغل حرامي لو تبيعها وتصرفها على جهالك واذا عندك راتب شهر يكفيك وشهر يوصلك بس 10 ايام واذا لا سامح الله عندك مريض انسه الراتب .هذا جانب بسيط غير مدارس اطفالنه التعبانه وغيرها وغيرها.هسه اذا انت متحمل هاي الصعوبات كلها معقوله ما تتحمل فتره لمن تلكه عمل زين هسه اقلها عدهم خدمات مو اذا مطرت الدنيا لازم تلبس زلاجات يله تكدر تعبر الشارع وتروح لشغلك وتحتار بابنك شيوصله للمدرسه لان عده امتحان والطريق غركان.انابريت ذمتي نصحتك لوجه الله وانت بكيفك .وعذرا للاطاله.
تقبلو تحياتي وتقديري للجميع

[S.aladhami]

أصابعك مؤ سوه ، وحاول ان تستفاد من أخطاء أصدقائك  ومن نجاح البقيه الباقين  في امريكا و التوفيق للجميع.

[يوزارسيف]

موضوع جداً مهم ، عاشت أيدك، ونتمنى مشاركة اكبر عدد من الأضواء حتى تعم الفائدة ، بالنسبة الي عندي اثنين أخوة وصلوا امريكا واحد مهندس مدني والثاني طبيب أسنان ، المهندس المدني رجع للعراق بعد سنتين ونصف في ولاية جورجيا ولم يتمكن من الصمود ... والثاني ما زال هناك يكافح يعمل في محل احذية -وهو طبيب أسنان- ويقرأ ويدرس معادلة الشهادة ، وامتحن احد امتحانات معادلة الشهادة ونجح فيه ، وينتظر يكمل مشواره بنجاح انشاءالله تعالى ، انا كأخ لهم قرأت الحالتين وهما أخوين لي ، وقد اخترت ان أتمسك بالله أولاً ، وتجربة أخي الثاني المكافح كمثال لي ثانياً ، وكل إنسان يختار حياته ، والتوفيق من رب العباد .

تحياتي لكم

أخوكم
يوزارسيف

[رنا البغدادية]

مرحبا للجميع حبيت اشاركم وهذي اول مشاركة لي في المنتدى واحب اقول المؤمن يتوكل على الله والحياة في امريكا مثلها مثل اي بلد وحتى مثل بلدك انت يتعمل وتعيش لو بتكون جالس والمصاري تجي ؟ وبعدين
إِذَا عَزَمتَ فَتَوَكَّل عَلَى اللَّهِ إِنَّ اللَّهَ يُحِبُّ المُتَوَكِّلِينَ (قرآن كريم آل عمران 159)
ازرع كل يوم تأكل
اطلب تظفر
اعملوا فكل ميسر لما خلق له (حديث)
الإنسان بالتفكير والله بالتدبير
الحركة بركة
السماء لا تمطر ذهباً ولا فضة
السيف يقطع بحده المرء يسعى بجده
العيش في الدنيا جهاد دائم
الفُرَصُ تَمُرُّ مَرَّ السحاب
إن جهد المقل غير قليل
إن مفاتيح الأمور العزائم           

[جاوين اهلنا]

والله ياعيوني اكثر الاخوة الي تعرفت عليهم بالمنتدى مرتاحين بامريكا وعايشين عيشة مو نكول عيشة ملوك بس مرتاحين والحمد لله
وناس تكمل دراستها وتشتغل وخير من الله
بس كلي العراق اشبي غير الظيم والقهر
صارلي فوك السنتين من تخرجت ولهذا يومك اراجع الداوائر بوجهي الموظف يحجيها ايكلي عندك واسطة اهلا وسهلا ما عندك  لا
طبعا بكَلبي سبيت مو بس العراق لا حتى حظي المصخم 

[غسق العامري]

مرحبا اخواني واخواتي ارجو اخذ الموضوع بجديه وبدون تهجم .. حددولي موعد المقابله الاولى الحمد لله ولكن هذا سنه ونص 3 من اصدقائي راحو الامريكا  وتلاثتهم رجعو  اكولهم ليش يكولون متنه من التعب ومدا نلحك لو نشتغل كناس في العراق اشرف النه
شنو السالفه يا جماعه صدك جذب هذا امريكا اللي كنه نحلم بي طلع اوهام ؟؟؟؟ لوشنو
الرجاء لا تتهمو اصدقائي بالفاشل لان لو 1 ميخالف لو 2 هم كلنه ميخالف بس تلاثتهم مع العلم كل واحد جان في مكان مختلف واحد تكساس واحد نيو مكسيكو وواحد نيويورك
  ابويه هم كام يعارضني ويكول طلع امريكامن راسك ما تروح ما خليك .الناس تنهزم من امريكا وانته تريد تروح تتبهذل
ارجو نقاش الموضوع بجديه وهدوء
وشكرا للجميع

اخي المحترم في كل مكان يوجد النجاح والفشل وهما صفتان لايرتبطان بالضرورة بالشخص بل بالظروف والاحداث التي تهيئت له او لم تتهئ ان كان في العراق او في امريكا او اي بلد اّخر وليس من العدل ان نصف الانسان الذي يفشل مرة بالفاشل وهنيئا لمن اتخذ من الحياة تجارب وعبر فليس هناك نجاح بدون فشل والا مالحكمة من وجود هاتين الصفتي المتناقضيتن ان صح التعبير
عليه فليس عليك الا ان تخوض التجربة بنفسك لتحكم عليها ولاتدع تجارب الاخرين تؤثر في قرارك الذي كان من المفروض انك اتخذته عن قناعة ودارية
لا اريد الدخول في رسم النقاط التي وضحت لي من موضوعك لكني انصحك بان تعد العدة وتشد العزم قبل الدخول الى امريكا
امريكا ليست بلد راحة وليست بل استجمام وهذه للاسف الفكرة التي تبلورت في عقول العراقيين منذ سنين خلت
اذا عليك خوض التجربة والدخول في الصراع الذي يدخله كل من يدخل امريكا
ونصيحة من اخوك بان لاتتخذ من الواصلين الجدد مثلا يحدد النقاط التي اردت التحقق منها للمضي في مشروعك المصيري
مع احترامي للجميع لكن اول الوصول ايجارك مدفوع وبلاتك مدفوعة وعايش بنعيم الفلوس اللي تصرفها لك المنظمة او الحكومة الامريكية على حد سواء
واذا اردت جدلا بان تعرف الحقيقة التي غابت ومازالت غائبة عن الكثير من الناس ومنهم انا بالطبع قبل وصولي بسنوات مضت
ونصيحة اخيرة من اخوك ولباقي الاعضاء عليك معرقفة الامور وحقيقتها ممن قضوا سنة فما فوق في امريكا وليس اقل وهذا هو المقياس الطبيعي للتطبع والتاقلم مع الحياة التي اعترف بقساوتها مرة وبحلاوتها مرات
اي شئ تحتاج مني راح تشوفني حاضر ومستعد للمصارحة وان امتنع عن قولها الكثيرون ليس تنكيلا بهم حاشا لله لكن بخافون من ردة الفعل الغير ايجابية..

اخوك
العامري
ولاية فلوريدا

[ابو بنين]

عودة الاصدقاء بعد سنة يمكن ان يكون بعد ان اخذوا الكرين كارد او الترفل دكيومنت انتضر شهر او ثلاثة اشهر بالزايد وشوف بعينك شراح يصير لو يرجعون لو يتندمون لانه ما اكو تعيينات بس واسطة وينرادلك شهادة ودفعة قوية بس اذا كانوا ماديا مرتاحين المعادلة تختلف  وتخبرك الايام بما كنت تجهل
تحياتي

[Space of freedom]

امريكا بلد الفرص والعمل والاجتهاد والدراسة والتوفيق بأذن اللـــــــــــه

[mukhtar ali]

هل من المعقول تقارن بين العراق وامريكا ... 

[محمد الفاتح]

السلام عليكم ....اني عندي صديق سافر على نيويورك ماطول شهرين ورجع مع العلم هو جان عنده بسطة العاب بمخيم اليرموك يم جامع الوسيم ورجع مناك على البسطه من شفته انصدمت ....ولك شرجعك كال بعد مااصبر .....وهذا ما يعرف يتكلم ولا حرف انكليزي وصار عنده حنين للوطن العربي للي يحجون عربي هسه هو رجع للعراق بعد ما سائت الامور هنا واني متاكد هو ندمان بكد شعر راسه ...لان بعد مارجع من امريكا راجع كفرسوسه كالوله بعد ماالك شي ؟؟؟؟؟؟؟؟؟بعد ماحس بالندم شال جوالاته ورجع للعراق

[سيناريو]

والله اني زوجي  جان ماعنده واهس ومتخوف وتخيلوا هي الزوجة تقنع بيه  وجان متردد بسسسسس فجأة كل شوية يسالني على موقع اكو شي جديد واني سالته اكولك ابو فلان شو صاير تسال وتريد تسافر بسرعة ؟؟؟؟؟ جاوبني
والله ياهو  لاسأله من اصدقائي جاي زيارة لاهله للعراق يكول حمد الله مرتاح وما كو شي يخوف

اخوان اكو شغلة جدا مهمة يعني انتو ابد لاتلومون صاحب الموضوع والله حقه يقلق يعني هو بصراحة مستقبل مجهول صح لو لا ؟؟
بس احنا نكول انشاء الله خير ونتفائل واعتقد هذا الشعور الكل مار بيه والميكتب بالمنتدى ويطلع لبقلبه اكيد هو دائما يفكر ويسال نفسه راح ارتاح لو لا 
الله كررررررررريم 

[Blue Falcon]

كل انسان وظروفة

وكل انسان والرزق اللي كاتبه اله ربه وين بالعراق بامريكا

لا اللي مادبروه بامريكا ناس فاشلين ولا اللي مشت امورهم بامريكا عباقره
ولا هيه مسألة شهاده وتحصيل علمي
الشغلة  رزق وتوفيق من الله ونسال الله الموفقيه والنجاح للجميع

[محارب]

العزابي اموره اصعب من صاحب العائله لكثرة مغريات الحياة
اني اصدقائي بيهم يمكن 15عزابي ولا واحد رجع للعراق صحيح تأذوا لكن حاليا الله يستر عليهم
وكذلك اصحاب العوائل مستوره وياهم والحمد لله

ممكن ان يكونون اصدقائك مالهم نصيب بامريكا
ارض الله كبيره وواسعه
امنياتي لاصدقائك بالتوفيق وكذلك لك اخي صاحب الموضوع

[Awsaws]

يعني هاي سوريا ويلي دا يصير بيها بس يمكن هي لو بلدي ما عاوفها للموت لان لازم فد يوم يرجعلهم الامن وتصير هاي الاحداث من الماضي بس العراق ابد ما عندي بي امل فد يوم يرجع بس ندعيله ونكول الله ارحم الراحمين