ارجو المساعدة : عندي موعد سفر ولكن .....

[happytime]

السلام عليكم جميعا
اعطوني منظمة الهجرة موعد للسفر بعد اسبوعين من الان ولا استطيع السفر الان بسبب الحاله الصحيه بسبب اجراء عمليه جراحيه قبل فتره قصيره ولا استطيع السفر بأي حال من الاحوال...ولذلك اريد تأجيل السفر لحين شفائي تماما ولكن رد المنظمه كان انه لدي حق مره واحده للتأجيل وقد يكون التأجيل من شهر الى سنه ... فأذا قدمت للمنظمه تقرير بحالتي الصحيه وانه يستغرق شهر للعلاج تماما هل تتجاوب المنظمه مع ذلك ...فما العمل افيدوني ؟؟؟....... شكرا جزيلا ...... 

[ابو سماني]

أخــي العـــــــــزيز

نصـــــــــيحــــــــة تحــمل الجروح والخــياطــات وســـــــــــافر

العملية الجراحية بعد أسبوع إلى عشرة أيام ينتهي أوجاعها بحدود 80%

ســــــافر هذولة ما عدهــم رحمة نادرا ما يجددون الموعد فترة قريبة

ومحتمل يأخروك سنة أو سنتين كلش أعتيادي

أني لو مكانك لو بالســـدية هم اســـافر أسم الله عليه,,,,,

كثيير ناس كبار السن سافروا وهمه مقعدين بالعربانة

أخذ بكلامي من شخص يريد الخــير إلك أذا أنته محــتاج السفر,,,

أما اذا حياتك ما مهددة وأمورك زينة براحتك

بس هناك العناية الطبية ممتازة وراح يتابعون حالتك


ابو ســماني

[جاوين اهلنا]

نصيحة ..افلت افلت افلت واتحمل الوجع واخلص من بهذلة العراق

[Awsaws]

اخي ما كو واحد ولا حتى المنضمه نفسها ما تكدر تحددلك موعد سفر جديد من هسه انت وحضك شهر سنه بس اكيد مو شهر فاذا بيها مجال 10٪ لا اتاجل وانت ادرى بضروفك وان شاء الله درب السلامه

[ام اديان]

أخــي العـــــــــزيز

نصـــــــــيحــــــــة تحــمل الجروح والخــياطــات وســـــــــــافر

العملية الجراحية بعد أسبوع إلى عشرة أيام ينتهي أوجاعها بحدود 80%

ســــــافر هذولة ما عدهــم رحمة نادرا ما يجددون الموعد فترة قريبة

ومحتمل يأخروك سنة أو سنتين كلش أعتيادي

أني لو مكانك لو بالســـدية هم اســـافر أسم الله عليه,,,,,

كثيير ناس كبار السن سافروا وهمه مقعدين بالعربانة

أخذ بكلامي من شخص يريد الخــير إلك أذا أنته محــتاج السفر,,,

أما اذا حياتك ما مهددة وأمورك زينة براحتك

بس هناك العناية الطبية ممتازة وراح يتابعون حالتك


ابو ســماني

+1000000000000

[ÐŗệăMÝ]

سافر اخي واتوكل على الله,,وما اعتقد العمليه تأثر خصوصا بعد اسبوعين راح يطيب الجرح ويكون وظعك الصحي مستقر بأذن الله وانته حاول تجمع كل التقارير وتطلب من الطبيب اللي سوالك العمليه تقرير مفصل عن حالتك والعلاجات اللازمه مستقبلا.

ما انصحك اخي بالتأجيل .

دريمي

[star_2000]

اخويه  مثل مكالولك الاخوان لتاجل سفرك لان راح ينشمر الملف مالتك باعتبارك انت طلبت التاجيل مو همه اجلوك وصدكني اعرف ناس من 2009 اجلو سفرهم وتورطو لان لحد هسه ممسافرين ...اتحمل شلون مجان ورتب وضعك واكيد اهناك المنظمه تستقبلك وتهتم بيك

اختك star_2000

[غسق العامري]

والله من راي تشوف راي الطبيب اللي قام بالعملية وتتبع هذا الرأي
لانه من توصل تحتاج وقت حتى يوصل تامينك الصحي انت مجاي على مستشفى حتى يكون متهيئين لوضعك الصحي
وهذا اسلم حل الك وبعدها تشوف وضع المنظمة من خلال السفر او التاجيل
واعتقد من خلال معرفتي البسيطة يمكن يكون التاجيل ثلاث اشهر وليس اقل والله ولي العلم
العامري
ولاية فلوريدا

[Space of freedom]

اخي لا تأجل وتوكل على الله

[امل الوصول]

سافرساااااااااااااااااافر سسسسسسسسسسسسسافر ساففففففففففففر سافرررررررررررررررررررررررررررر .
اكيد اخر فحص ما قبل السفر رح يسوون مﻻحظة انك تحتاج عناية خاصة لضروفك الصحية من تروح تاخذ الحباية اخذ تقرير العملية الي يأكد وضعك الصحي ورح حتى يجيبولك كرسي مال المستشفيات يكعدوك بي وكل شوية يتاكدون من وضعك الصحي انك مرتتح وجاهز للسفر بلمطار  وايضا خﻻل الترانزيت و ايضا عند الوصول .
امي كبيرة بلعمر و انكسرت رجلها راحت سافر بلجبس والجرح و اول ما وصلت للمستشفى شوية تعبت ﻷن الرحلة طويلة بس كانت المضيفة كل شوية تتاكد منها و مخلوها تروح لبيتها اﻷ كل وضعها تمام.
انشاء الله توصل بلسﻻمة