المحرر موضوع: مهم العراقيين في عمان يرجى الدخول (زيارة 1471 مرات)

espero · « **في:** 05:09 10/02/2013 »

اخواني
البارحة وصلتني استمارة موزعتها السفارة العراقيه في عمان وهي عبارة عن استبيان للعراقيين الموجودين في المملكه وتضمن طلب معلومات عن افراد العائله واسماءهم وهل انت مقيم ومانوع الاقامة ومستوى تعليمك وهل يوجد مريض بامراض مزمنه وتاريخ اخر دخول للملكه وهل تستلم حصة تموينيه في العراق طبعا بالاضافه لرقم الهاتف والجواز
الي جابلي الاستمارة يكول على اساس هاي لتوزيع مساعدات بس بصراحه اني وسواسي وشكاك ومارتاح للسفارات العراقيه !!!!!
فشنو معلوماتكم رجاءا
طبعا اليوم اخر يوم لتقديمها

اساور حمراء · « **رد #1 في:** 06:27 10/02/2013 »

والله حقك هذولة مو راحة

احتمال ديسوون احصائيات ويطلعون الي ديستلم (الحصة الذهبية) من العراق وهو مسافر

محارب · « **رد #2 في:** 06:36 10/02/2013 »

موعلى اساس هيه الفود ستامب
اي والله حقهم العام كالوا راح ننطيكم 20$ حصه مال النفط وليهسه كلشي ماكو $:-\$

الله يستر على العراقيين بالاردن ويفرج عليهم ويسافرون ويخلصون

dynamic · « **رد #3 في:** 06:46 10/02/2013 »

صباح الخير ج جميعا....

هذه الاستمارة تم توزيعها عندمراجعتي للسفارة العراقية في الاردن وما شفت احد ملاها بالسفارة....ولم نجبر على ذلك ..حسب مافهمته هو احصائية لعدد العراقيين بالاردن..

مضيعة وقت وباب جديديد لل.......... لحد يملئ هكذا نوع من الاستمارات

تحياتي لكم ..

espero · « **رد #4 في:** 08:39 10/02/2013 »

يعني مو بس اني شكاك ووسواسي ههههههههههههه
طبعا همه اجوي من باب دنريد انوزع مساعدات اني كلت حتى لو بيها مساعدات صدك فالله الغني

ahmedbaghdad · « **رد #5 في:** 08:53 10/02/2013 »

اخوية العزيز يا مساعدات خيرهم حرامي هيه مال مساعدات خلي ايساعدون الناس الي كتلها الضيم بالعراق

hayder93 · « **رد #6 في:** 10:02 10/02/2013 »

اخوان ابد لتملون هيش استمارات لان اكيد بعدين الاصل كلهة تلكوهة بايران ( وهمة اشلون ايحبون العراقيين الي بالاردن ) والله والله اني مشايف ولا سامع ولاقاري بالتاريخ هيش حكومة حشاكم قذرة وتحب الشعب هسة على اساس همة حايرين بالناس دمروا للبلد الله ايدمرهم ويجعلهم هباء منثورا ( كولوا امين) وهاي شغلة جديدة مال الاستمارات ( والمخرج بقيادة هادي العامري والشلة مالته ) حشا العوامرة من عندا لذلك اخواني كونوا حذرين لان حتى لو اتسافرون احتمال واحد يرجع فد يوم او زيارة يعني فكروا للبعيد

اجونة · « **رد #7 في:** 10:07 10/02/2013 »

هاي شنو راح ايلحكونا لهنا ؟؟؟ مشبعبو علس!!!!
حسبيا الله ونعم الوكيل

صهوبي · « **رد #8 في:** 10:22 10/02/2013 »

السلام وعليكم .اخواني.عندما راجعت السفاره في بدايه شهر الواحد انطوني الاستماره ويه المعامله مالتي وكلولي املئي هذه الاستماره حتى انمشي معامله طبعا اني مليته ونطيته ويه المعامله.بس الواضح بيه هو الحصه التمونيه ومكتوب سبب وجودكم بعمان كتبت للعلاج.هسه انتو خوفتوني خاف ايسونه فد عرقله بعمان الله لاينطيهم اذا نيتهم سؤء.......هي دوله لو حراميه وقفاصه على المواطنين .اتندمت ليش مليته ....وكانو كل العراقين في السفاره يملئون الاستماره بس منعرف شنو السبب اله ولا سالت شنو هاي الاستماره.........تحياتي

espero · « **رد #9 في:** 11:17 10/02/2013 »

مقتبس من: صهوبي في 10:22 10/02/2013

السلام وعليكم .اخواني.عندما راجعت السفاره في بدايه شهر الواحد انطوني الاستماره ويه المعامله مالتي وكلولي املئي هذه الاستماره حتى انمشي معامله طبعا اني مليته ونطيته ويه المعامله.بس الواضح بيه هو الحصه التمونيه ومكتوب سبب وجودكم بعمان كتبت للعلاج.هسه انتو خوفتوني خاف ايسونه فد عرقله بعمان الله لاينطيهم اذا نيتهم سؤء.......هي دوله لو حراميه وقفاصه على المواطنين .اتندمت ليش مليته ....وكانو كل العراقين في السفاره يملئون الاستماره بس منعرف شنو السبب اله ولا سالت شنو هاي الاستماره.........تحياتي

لا يابه مو الهدرجه ...بس احنه مرات نبالغ بالخوف .....لان من زمان اني ماحب السفارات العراقية بالخارج ..يعني مو من هسه بصراحه

أبو الحكم · « **رد #10 في:** 11:41 10/02/2013 »

السلام عليكم

أخي الكريم أطمئن هاي الاستمارات جابوها اللنا البارحة بغداد , جابها الجيش بالمنطقة ومليناها وركزوا كلش على البطاقة التموينية ورقمها وعدد أفراد الاسرة بيها واسم المركز التمويني , يعني الموضوع مو يمكم ومو بس بعمان , واللي لاحظته انه اللي يملون الاستمارات ضباط 3 واكو اهتمام شديد بالموضوع يعني الضابط يملي المعلومات بأيده , وهي اكيد شغلة اللهم وتخصهم مثلا حسابات معينة للحكومة بما انه هسة ديتفقون جوة العباية شلون يمررون الموازنة او حسابات معينة بوزارة التجارة , فليظل بالكم الشغلة مو يمكم و بغداد هم موجودة .

Wingo · « **رد #11 في:** 11:45 10/02/2013 »

أني أول مرة أسمع بيها لأني ساكن خارج عمّان بس و الله عيني إسبيرو أني أتوقع شكك في محله
بس قبل فترة سوو إستمارة لأصحاب الكفاآت على أساس إحصائي بس لا تنفع و لا شي

helpfull · « **رد #12 في:** 12:52 10/02/2013 »

اخوان نصيحة لوجه الله تعالى ابد لا تثقون بهيج حكومة وانتو لو شايفين السفير العراقي الجديد بعمان قبل فترة طلع على احد القنوات شلون يحجي وشلون مليان حقد ومسموم الظاهر داخل دورة بايران وجاي دينفذ اجندة ايرانية جديدة مختصر مفيد هاي الحكومة لا تتوقعون منها خير ابدا اتوقعو شر ولا يقشمروكم مال مساعدات وهاي السوالف التعبانة مالتهم على كولة احد الاخوان علق قبلي كال لو بيهم خير خلي يساعدون الناس اللي بالعراق وبعدين يجون علينة عابت هيج حكومة وعابت هيج عصابات وانوب طلعلنا البطاط ومن هالمال حمل جمال

صالح العزاوي · « **رد #13 في:** 15:37 10/02/2013 »

عمي هاي كلها ملعوبه وهاي الحكومه العميله اللي مرتبطه بايران لاتتوقعون منها ابد خير الله ينتقم منهم يارب ونرجع لبلدنه او نطلع لجوء ونخلص

espero · « **رد #14 في:** 15:41 10/02/2013 »

اني دائما ارفع شعار ((( لا تدوس على الشيطان وتكول بسم الله ))) وفي كل الحالات متفيدني بشي ..اذا على صوبه وبطانية .الحمد لله والشكر الله ساترها من يمه والشته خلص ..واذا على التموينية صارلي سنتين مامستلمها ....الله الغني

Baguncero · « **رد #15 في:** 16:12 10/02/2013 »

مقتبس من: hayder93 في 10:02 10/02/2013

اخوان ابد لتملون هيش استمارات لان اكيد بعدين الاصل كلهة تلكوهة بايران ( وهمة اشلون ايحبون العراقيين الي بالاردن ) والله والله اني مشايف ولا سامع ولاقاري بالتاريخ هيش حكومة حشاكم قذرة وتحب الشعب هسة على اساس همة حايرين بالناس دمروا للبلد الله ايدمرهم ويجعلهم هباء منثورا ( كولوا امين) وهاي شغلة جديدة مال الاستمارات ( والمخرج بقيادة هادي العامري والشلة مالته ) حشا العوامرة من عندا لذلك اخواني كونوا حذرين لان حتى لو اتسافرون احتمال واحد يرجع فد يوم او زيارة يعني فكروا للبعيد

+111111111111111111111111111111111111111111111111111

abo shams · « **رد #16 في:** 16:39 10/02/2013 »

مقتبس من: espero في 15:41 10/02/2013

اني دائما ارفع شعار ((( لا تدوس على الشيطان وتكول بسم الله ))) وفي كل الحالات متفيدني بشي ..اذا على صوبه وبطانية .الحمد لله والشكر الله ساترها من يمه والشته خلص ..واذا على التموينية صارلي سنتين مامستلمها ....الله الغني

عيني اسبيرو هاي "" فقاعة ""
همين نرجع على طلب الملعومات ...
شوفتهم حزن وفراكهم عيد

ألن في بلاد العجائب · « **رد #17 في:** 17:29 10/02/2013 »

نرجع للاصل في تعريف كلمة اللاجئ و هو شخص هرب من بلده الى بلد ثاني طلبا للحمايه و المفروض بمجرد مراجعة اللاجئ لسفارة بلده يسقط حقه باللجوء كون سفارة بلده تعتبر سلطه و ارض و من الممكن ان يتعرض لخطر

و الحليم يفهم من الاشاره

Gray wolf · « **رد #18 في:** 18:29 10/02/2013 »

مقتبس من: ألن في بلاد العجائب في 17:29 10/02/2013

نرجع للاصل في تعريف كلمة اللاجئ و هو شخص هرب من بلده الى بلد ثاني طلبا للحمايه و المفروض بمجرد مراجعة اللاجئ لسفارة بلده يسقط حقه باللجوء كون سفارة بلده تعتبر سلطه و ارض و من الممكن ان يتعرض لخطر

و الحليم يفهم من الاشاره

اخي وعزيزي الن لا اتفق معك في ما تفضلت . اصلا هية السفارة موجودة على ارض بلد ثاني هوة هرب من بلده بسبب الوضع الامني فما المشكلة اذا راجع السفارة في البلد الثاني الذي يقيم به بصورة مؤقتة(طبعا لا اقصد سفارة العراق فقط ) بل اتكلم بصورة عامة

انا اتكلم عن نفسي حيث راجعت سفارةالعراق لاكثر من مرة وكان اخرها لغرض اجراء وكالة لاحد اقربائي في بغداد (وكالة عامة) ولم يسقط حقي في اللجوء

صهوبي · « **رد #19 في:** 18:36 10/02/2013 »

اخواني بلنسبه للبطاقه التموينيه سقطت من دخلنه العمان وخابرني الوكيل كال بعد ماالكم حصه فلانستلم ولاشي .اذا عليه فالله لايعوزنه عليهم عاد هي شلونها كلها اكسباير....والسفاره لومو المعاملات فلا ندخلها........وهسه محد عرف سر هاي الاستماره....تحياتي

dynamic · « **رد #20 في:** 18:55 10/02/2013 »

اخوان هذا مجرد استبيان لمعرفه عدد العراقيين ....علمود الانتخابات هاشبيكم ....

الغرض الحقيقي حتى يدكون اسمك بالحدود .....اني من كلي املي الاستمارة كتله اني مقيم بغير دولة وصارتلي شغله شلون يعني وتركت الورقة وطلعت...

mrlooseurself · « **رد #21 في:** 05:13 11/02/2013 »

السلام عليكم
نصيحة من مخضرم كان عايش بالاردن
لاتملوا اي استمارات تخص السفارة العراقية ولاتنطون اي معلومات تخصكم وبصراحة الدولة اللي انتوا بيها كفيلة بحمايتكم وتضامنوا وصيروا ايد بايد ياعراقيين الخارج... محنة هاي والدنيا دوارة وكل واحد لابد بيوم من الايام يرجع لبلده صدقوني احنة بمحنة والله ...
تكاتفوا وساعدوا بعضكم بعض وديروا بالكم من اي شي يخص معلوماتكم ولاتفصحوا بيها لاي شخص خصوصا السفارة العراقية...
ولاتنسون الاردن متحب الحكومة العراقية وكفيلة بحمايتكم من اي شي لاسامح الله
تحياتي الكم............ز

الأخبار:

المحرر موضوع: مهم العراقيين في عمان يرجى الدخول (زيارة 1471 مرات)