مساعده بخصوص الزواج

[dhiya2007]

السلام عليكم.اخواني الاعزاء بعد طول انتظار عقدت العزم على الزواج وقبل يوميين الامنيه اكتملت ولكن الفحص الطبي صار اكسباير والملف صار فعال لمده يوميين ورجع معلق اريد رأييكم هل اتزوج الان ام انتظر السفر واذا تزوجت كيف اضيف زوجتي علمنا اني في العراق وشكرا لمروركم .

[محارب]

من تتزوج اتذكرني
شلون راح ينكسر ظهرك كسره مال ييزي قهر

[أبو الحكم]

اذا تزوجت وضفت زوجتك هسة مو بس تنام على ملفك طابوكة ولابلوكه انما لوري كامل مال جلمود ينام عليك , عمي توكل بالله وسافر واصبر وبعدين تزوج لو اصبرلك سنة اخذ كرين كارت وارجع للعراق تزوج وقدملها .

[THE SENATOR]

تخي العزيز

ديربالك وهايه نصيحه من اخ لاخوه   لتتورط بهل الموضوع ... سافر واخذ الكرين كار وارجع اتزوج

[جاوين اهلنا]

من تتزوج اتذكرني
شلون راح ينكسر ظهرك كسره مال ييزي قهر

+1 والله يا اخي كلش حباب حجيك ذهب تعجبني بردودك 

[dhiya2007]

اشكركم على ردودكم الرائعه.زين اذا تزوجت وقدمتلها في ملف منفصل يأثر على سفري يعني يصير اسافر وبعدين تلتحق خلفي.

[ألن في بلاد العجائب]

اتزوج و اخذها وياك هوايه احسن و ارتب حتى لو تتاخر سنه اخرى

[Dark Devil]

والله غريبه ردودكم هسه يجوز البنيه يحبها وناوي يرتبط بيها
يكسر خاطره وخاطرها علمود امريكا يعني؟
حبيبي صح يصير تاخير بقضيتك
بس صدكني لم شمل ميصير يطول اكثر من الاضافة
اني نفس حالتك بس اني siv
وصدكني اذا رايد البنية تزوج وضيفها وخلي تطول المدة
لان اذا سافرت بدون عقد انسه تروح وراك البنية

[dr_toffee]

اشكركم على ردودكم الرائعه.زين اذا تزوجت وقدمتلها في ملف منفصل يأثر على سفري يعني يصير اسافر وبعدين تلتحق خلفي.

هو هذا الحل الصحيح ضيفها على كيس منفصل وما ياثر على سفرك ان شاء الله

[dhiya2007]

السلام عليكم.اشكركم كثيرا والله احتاريت والله كريم راح افاتح اهلها واشوف شلون تصفى الأمور

[Dark Devil]

اخ ضياء ميكون الا ماكتبه رب العالمين الك
اني نفس قضيتك بلضبط
مقدم ع اس اي في و اي او ام
وتزوجت وضفت زوجتي ع البرنامجين واللي يكتبه الله الي يصير...
  البنية احبها 5 سنين بلكلية تالي اجازف بيها علمود امريكا  ليش يعني
توكل ع الله واخذها وروح ابدي حياتك هنا
اما حيات تسر الصديق واما ممات يغيض العدى 

[Mount Zion]

السلام عليكم.اخواني الاعزاء بعد طول انتظار عقدت العزم على الزواج وقبل يوميين الامنيه اكتملت ولكن الفحص الطبي صار اكسباير والملف صار فعال لمده يوميين ورجع معلق اريد رأييكم هل اتزوج الان ام انتظر السفر واذا تزوجت كيف اضيف زوجتي علمنا اني في العراق وشكرا لمروركم .

ما اكدر اساعدك بهيجي موضوع


لان هاي تعتبر اعانه على الاثم والعياذ بالله

[محارب]

اخي اذا وضعك يتحمل الانتظار فتوكل على الله وتزوج واخذها وياك

اني كان قصدي ينكسر ظهرك بالزواج والاطفال والمسؤوليه

احترامي