موعد مقابلة محلف لاضافة طفل ضروري

[ابو ايمن المياحي]

السلام عليكم

اخوان اتصلوا بي الاي او ام من عمان وانطوني موعد مقابلة محلف لاضافة طفل .
بس مخبروني بلاميل زين اروح بس اني والطفلة لو اني وزوجتي والطفلة لو اخذ ابني الصغير ( 5 سنوات ) لان ما اكدر اعوفة وحده بالبيت يعني والله دخت ما اعرف شسوي نروح كلنة لو بس اني والطفلة وامهة ؟؟؟؟؟؟؟

جاوبوني رحمة لوالديكم

[أسراء الوردة]

أخي الكريم

جميع أفراد العائلة تذهب لمقابلة الوفد

ولاتنسى مستمسكات المولود الجديد

بالتوفيق   أن شاء الله

[هذا عراقي]

بلتوفيق اغاتي  والله فرحتلك ان شاءالله تقابلون وتسافرون باسرع وقت

[Wingo]

أخي روحو كلكم و خذ وياك كل مستمسكاتكم و أوراقكم المهمة لكل العائلة و أهم شيء مستمسكات الطفل.
مقابلة سهلة إن شاء الله و الله يوفقكم

[THE SENATOR]

اخويه العزيز

اخذه مني


كل افراد العائله ... لان اقاربي هم مثلك   هم نفس الشي

راحو كلهم للمقابله ... وياخذون صور للطفل

يعني شغلة تحديث  لا اكثر ... بس لتنسه اخذ وياك كل المستمسكات

[ابو ايمن المياحي]

الف شكر الكم اخواني الاعزاء والله فرحتوني

[حزيران]

الاخ ايمن...

اول شي نسال الله ان يسهل اموركم ويجعل مقابلتكم سهلة.

اذا متصير زحمه عليك موعدك لمقابله المحلفين بعد يوم 19-02  لو قبلةه؟، لان الكثير من الاخوة يتصورون المحلفين حيسافرون قبل 19 ومرح يسوون اي مقابلات بعد 19...ممكن توضحلنه....مشكور اخي مقدما.

[iron man]

الاخ ايمن...

اول شي نسال الله ان يسهل اموركم ويجعل مقابلتكم سهلة.

اذا متصير زحمه عليك موعدك لمقابله المحلفين بعد يوم 19-02  لو قبلةه؟، لان الكثير من الاخوة يتصورون المحلفين حيسافرون قبل 19 ومرح يسوون اي مقابلات بعد 19...ممكن توضحلنه....مشكور اخي مقدما.

اخ حزيران ...تقصد محلفيين بغداد مراح يقابلون بعد 19-2 لو عمان...وشوكت يرجعون اذا سامع شي...تحياتي

[حزيران]

الاخ ايمن...

اول شي نسال الله ان يسهل اموركم ويجعل مقابلتكم سهلة.

اذا متصير زحمه عليك موعدك لمقابله المحلفين بعد يوم 19-02  لو قبلةه؟، لان الكثير من الاخوة يتصورون المحلفين حيسافرون قبل 19 ومرح يسوون اي مقابلات بعد 19...ممكن توضحلنه....مشكور اخي مقدما.

اخ حزيران ...تقصد محلفيين بغداد مراح يقابلون بعد 19-2 لو عمان...وشوكت يرجعون اذا سامع شي...تحياتي

عفوا اني دا اسال على محلفين عمان..الاخ ابو ايمن مقابلته ورة 19-2-2013 بعمان لو قبلهه ؟؟؟ هو هذا السؤال.

اختك حزيران

[iron man]

اختي العزيزه حزيران...حسب علمي اخونا ابو ايمن مقدم من بغداد وهو بانتضار مقابلت محلفيين بغداد لاضافة طفل انشالله الله يسهله اموره ويسافر لئن تاخر هوايه ...وانشالله للجميع يارب

[حزيران]

اختي العزيزه حزيران...حسب علمي اخونا ابو ايمن مقدم من بغداد وهو بانتضار مقابلت محلفيين بغداد لاضافة طفل انشالله الله يسهله اموره ويسافر لئن تاخر هوايه ...وانشالله للجميع يارب

عفوا اخي بس هو ذاكر باول رساله اله (اخوان اتصلوا بي الاي او ام من عمان وانطوني موعد مقابلة محلف لاضافة طفل)...مكال بغداد لهذا سالته على محلفين عمان...عموما شكرا اخي تعبتك.

[عراقي نبيل]

اخي العزيز في بغداد كل افراد العائله يروحون لاجل مقابله اضافة الطفل واهم شي هو المستمسكات الي اتخص الطفل وطبعا اخذ مستمسكاتكم كامله لاجل الدخول الى المنضمه لان تحتاج مستمسكات  عدد 2 لكل فرد من عائلتك لاجل الدخول... هذا الي اعرفه واتمنى لك التوفيق اخي العزيز

[alkhaldy]

أخوية العزيز
ممكن اتكلي بعد أشكد الفترة من تبيلغهم للمولود الجديد اتصلوا بيك لان اني هم عندي أضافة طفل ولحد الان ما اتصلوا بية وصاري تقريبا اربع اشهور امبلغهم iom عمان ومشكور اخوية

[firas baghdadi]

اختي العزيزه حزيران...حسب علمي اخونا ابو ايمن مقدم من بغداد وهو بانتضار مقابلت محلفيين بغداد لاضافة طفل انشالله الله يسهله اموره ويسافر لئن تاخر هوايه ...وانشالله للجميع يارب

عفوا اخي بس هو ذاكر باول رساله اله (اخوان اتصلوا بي الاي او ام من عمان وانطوني موعد مقابلة محلف لاضافة طفل)...مكال بغداد لهذا سالته على محلفين عمان...عموما شكرا اخي تعبتك.

اختي العزيزة حزيران
احنا اللي مقدمين من بغداد ايضا يتصلون بينا المنظمة من عمان لغرض طلب توضيح أو ابلاغنا بشيىء يخص القضية لأنه ماعدنا في بغداد اي اتصال هاتفي مع المنظمة ولايحق لنا الاتصال بهم فقط استلام مكالماتهم من عمان
 لذلك الاخ كال اتصلوا بية من عمان
ولهذا تشوفين اي واحد مقدم من بغداد من يدك تلفونة ويشوف الرقم من عمان ينشف دمه من القلق هههههههههههههه

ارجو ان تكون المعلومة واضحة وتقبلي مروري

[أسراء الوردة]

السلام عليكم جميعا

 يرجى الأطلاع على هذا الرابط

شبعنة قهر مراقبة تلفونات ومستمسكات ومقابلات و أمنيات ما خلصانة وووووو

http://www.youtube.com/watch?v=wWYjO1XFjAI

شكر جزيلا للجميع

[جورجيا]

عادي روحوا كلكم واخذوا جوازاتكم وجناسيكم

[معلم زيونة]

اخوية نكدر نعرف ... شوكت ضفت الطفل .... وبعد شكد انطوك موعد مقابلة ... اني صارلي 6 اشهر انتظر فقط قبل شهرين دزولي رسالة ابنك على جدولة المقابلة

[عراقي نبيل]

اسراء الورده شكرا جزيلا على هذا الرابط الحلو والله ضحكنه شويه اتمنى ان يرجع اخونه الغالي ابو ايمن المياحي من المقابلة وهو فرحان ومرتاح وان تننهي المقابله بخير وسلام ويخلص من هذا الهم ويضحك ويه بنته مثل هذا الطفل في مقطع الفديو ... والله المقابله سهله وروتينيه وابدا ما تحتاج كل هذا القلق اخي العزيز..... يالتوفيق انشاء الله

[اطير بس ناصي]

عيني اني رحت اضافة الطفل واحجيلك عن تجربة شخصية رحب بالشهر العاشر الفات ضفت بنتي اللي كان عمرهة سنة اني  وزوجتي واكيد طفلتي  اخذنة ويانة جوازاتنا وجناسينا ثلاثتنة   وكنة احنة وتقريبا عشر عوائل كلهة اضافة اطفال  مطولنة يم المحلف تقريبا كل عائلة 10 دقائق و ربع ساعة .
بالنسبة للاخ  الخالدي اني دزيت للمنظمة اول ما انولدت بنتي بعد سنة تقريبا يالة دزوا علينا ضفناهة فلا تخلي بالك اي وقت احتمال ايخابروك وتحياتي للاخوة.

[ابو ايمن المياحي]

شكرا الكم اخواني وعندي بعض التوضيحات

اني مقدم من بغداد مو عمان
مقابلة المحلف يوم 21 شباط
دزيت مستمسكات الطفلة بشهر الثامن ( جنسية جواز )
انضافت عندي بالموقع ورة اسبوعين

تحياتي

[Grey Goose]

اخويه العزيز ابو ايمن المياحي الورده السلام عليكم
اخويه اني ضفت ابني يوم 12/12/2012
من دزولي ايميل المقابله  كان بي عدد الاشخاص 3 اني او زوجتي  وابني  دزيتلهم  ايميل علمود اشوف بنتي ناسيها
لومو مهم تجي جاوبوني انو ما محتاجين ان تجي فما اخذتها ويايه للمقابله
لكن اذا ما عندك مكان اتبقيها ممكن تاخذها وياك  بس راح تتاخر اشويه علمود ايجيبون اسمها من المنظمه الى بوابة الدخول
حتى اخلوها تدخل وياكم لان اسمها ماكو ويه القوائم
وتكدر ادزلهم ايميل تكلهم اني ما عندي مكان ابقي بي بنتي وراح اجيبها ويايه للمقابله
حتى ايدزون اسمها المنظمه للبوابه
وشكرا
اخوك نائل من دهوك سابقا اليوم صرت من بغداد 

[الصابر76]

روحو كلكم غيرو جو اني لو منكم اخذهم كلهم واروح

[موزارت]

اخوية ابو ايمن ما اعرف اذا بغداد يختلف الامر
لكن اني بمصر ومن ضفت الطفل ما اخذت الاطفال الباقين فقط اني وامه
وما طولت المقابلة غير عشر دقايق
ربي ييسرلك ويسهل امرك
وبالنسبة للاخوة اللي يسألون عن المدة عادي جدا الانتظار
لان اني ورا ست شهور يالة صارت الاضافة