الى جماعة تركيا ارجوا منكم المساعدة رجاءا والله يوفقكم ويسهل امركم

[عمر خطاب]

الله يوفق الجميع ويسهل امركم باسرع وقت
اريد مساعدة كل شخص عندة خبرة وعلم بموضوع التقديم على الامم المتحدة في تركيا
اخوية رح يسافر من العراق الى تركيا خلال الايام القادمة ان شاءالله
بس اريد اعرف وين يروح بانقرة وين موقع الامم المتحدة وهل ينطو ورقة اللجوء باول يوم
وكم يستغرق موعد المقابلة الاولى من التقديم
واذا اي واحد من الاخوان اللي بتركيا ممكن يرسلي رقمة عالخاص اني اتصل عليه وافتهم منه اكثر
واني بكندا هل من الممكن ان يتوطن على كندا او هذا الشي صعب من تركيا
ارجوا منكم المساعدة الله يسهل امركم ان شاءالله
am19744@yahoo.com

[um shaheen]

اخويه العزيز
نصيحه ادخل على موضوع جماعة سوريا وسوف تجد كل المعلومات المطلوبه
ويارب ييسر كل امور اخوك ويبشرك وتبشرنه بكل خير يارب
تحياتي
اختك ام شاهين من سوريا

[steven_siv]

اذا انتة بكندا سويلة كفالة خماسية او كنسية

اسرع واضبط من رحمة اليوان صديقي بتركيا هسة يكول انطوني موعد يوان سنة 2014



تحياتي

[المصارع]

اهلا

هذا عنوان اليو ان في انقره القديم اني قبل فترة سمعت اتغير العنوان و ما اعرف العنوان الجديد


Sancak Mah . Tiflis Cad .552
Sokak No3 06550 Ankara

او اذا حيل حيل من ينزل بالكراج (الأُوتكَار) بس يكول لأبو اي تكسي (بير لشمش ميلتلير) يعني اليو ان بالتركي و هو ياخذه لهناك

من يوصل لمكان المنظمة راح يسلم جوازه و ينطوه رقم و ينتظر ساعتين بعدين يصيحو على الرقم الي عنده و يخيرو بعدد من المحافظات و اذا حظه حلو راح يسألو بأي محافظة تريد عاد هو لازم مخليله فد محافظة في باله في حال كعد حظة و خيرو بمكان الاقامه .


بالنسبة للمواعيد فهي بعيده كلش اكو ناس نطوها الى عام 2014 و سمعت و ما شفت بعيني عن اكو عوائل نطوها الى 2016 . بس ممكن ان يتقدم الموعد للمقابلة الاولى .
 و الاستيطان اذا كان عنده اقارب من الدرجه الاولى فممكن ان يتوطن حسب اقاربه من الدرجه الاولى .


لك مني اطيب تحية

اخوكم
المصارع / تركيا

[عمر خطاب]

مشكورة اختي ام شاهين
بس اخوية رح يسافر تركيا مو سوريا
انتي تقصدين جماعة سوريا اللي يطلعون الى تركيا

[عمر خطاب]

مشكور وتسلم عالمشاركة اخي العزيز ستيفن
واني فعلا داسويله كفالة كنائسية بس لازم يكون عندة ورقة امم متحدة
واذا عندك شي تنصحني بي اكون ممنون الك

[عمر خطاب]

مشكور اخي المصارع والله يوفقك ويرضى عليك
ويسهل امرك قريبا ان شاءالله

[um shaheen]

اسفه اخويه العزيز اني كل بالي كاتبه جماعة تركيا بس لاني بسوريا صار الغلط اسفه
جماعة تركيا هم كاتبين هوايه تفاصيل بموضوعهم واكو اخ عضو اسمه ابو خلدون اقره هوايه يساعد القادمين حديثا ادخللهم ويارب يتوفق اخوك
تحياتي
اختك ام شاهين من سوريا