الطريق من بولندا الى فرنسا ارجو المساعدة و الرد

[hero-guevara]

اخواني حصلت فيزا شنكن الى بولندا (طبعا خاصة بزيارة بولندا فقط) و اريد اسئل طريقة الوصول الى فرنسا اني اعرف ولد صديق يكدر يجيني ياخذني من بولندا و يوديني الى فرنسا هل الطريق امن خصوصا احنا راح انمر ب المانيا لو اخذ القطار او الباص احسن

[ألن في بلاد العجائب]

انت تريد توصل لفرنسا يعني لازم تعبر المانيا !!!!

اذا صديقك ذيب مال طرق خارجيه خلي يعبرك على طريق مبيه سيطرات و لل بيه جيك بوينتس مال تحقق من الفيزا و لازم تعبرون تالي الليل

و اذا تريد قطار اعبر على المانيا بس لازم تالي الليل تفوت بالمانيا و حاول يكون يوم سبت بالليل على الاحد علمود السيطرات اخف

ملاحظه احجز في ردهة ركاب الدرجه الاولى

هاي الخريطه اصفن بيها زين و شوف وين تريد توصل شعندك بفرنسا ؟

[ألن في بلاد العجائب]

اذا الفيزا خاصة بزيارة بولندا فقط ميسموها شنغن يسموها فيزا وطنيه National Visa

[hero-guevara]

يعني الطريق يخوف على المانيا مو مضمون
والله يا اخويا شعندي قابل اريد اطلع من هل وضعية التعبانة

[ألن في بلاد العجائب]

و ليش لفرنسا روح لفلندا اسهل من فرنسا و اقوى

[ARMY STRONG+1]

حبيبي اسلم طريقه هي بسياره خاصه و تطلع بل ويك اند بليل شويه يخف بيها سيطرات طبعا هي مو سيطرات مثل مالتنا ساد الشارع

سيطرات جواله و بكيفه يوكف السياره الي يشك بيها


اما شغلت تريد تروح لفرنسا اذا قافل عليها انصحك تسلم بمدينه ليل الفرنسيه هاي على حدود البلجكيه الفرنسيه يعني تكمز تطب بكورتريك البلجكيه شبختين بعد توصل اوستنده بيتش  بلجيكا  اما  مدينه ليل احسن شي تسلم بيها حلوه و رخيصه و اجرأءات اللجوء بيها تمشي اسرع من باريس

صح تطول بس احسن بس تره خليها بالك لازم عندك احد هناك لاان من يشوفوك اعزب و بيك حيل ما ينطوك سكن

ينطون بس للعوائل و الي يشوفوه عاجز تطول شغلتك سنه تره خلي بالك و لازم قصه قويه

و فرنسا هي لملوم مثل امريكا من كل قطر اغينه يعني ما تحس بغربه  

بس اذا قافل حيل سلم بمدينه ليل الفرنسيه 


و تره كنترول بس بين بولندا و المانيا
اما المانيا و فرنسا او المانيا بلجيكا فرنسا ماكو كنترول على سيارات الخاصه

بس دير بالك تركب باصات اليورو لاينز تره هاي مشبوها و الشرطه دائما توكف هاي الباصات

اسلم طريق سياره خاصه  او مثل ما كلك الن تحجز قطار درجه اولى صح مكلف بس احسن

[Mount Zion]

عفيه عفيه بالقجقجيه