السلااااااام عليــــــــــــــكم
شلووونكم وشلووونه السفر؟
قبل اسبووع رحنه لاوستن وصديقنه هناك يكول كلش ديجون عراقيين هوايه لاوستن
فيابه شلون عرفت؟ انو المجمع الي ساكن بيه اخو انمله عراقيين ديجيبون هوايه
اوستن مدينه حلووه واسعه اكثر من سان انتونيو بيها مساحات فارغه هوايه
جوها مثلنه هنا .. مطله على نهر مثل دجله خخخخ بس اوسع واصفه
نسبة المكسيكان بيها قليله احنه اكثر
بيها سود اكثر من عدنه
الداون تاون مالتها اكبر
ازدحاااااام اكثر .. بحيث بالرش اور (الي هي فتره الطلعه من الشغل بين تقريبا 5-7 ) الهاي وي واااكف
احنه اشكد ما اصدحام ميوكف الهايوي يضل يمشي بس علكيف
ماعرف يجوز احنه لان تعودنه على سان انتونيو دنشوفها احلى.. لان شفنه اوستن مال زياره فقط
نسبه الشباب بيها هوايه علمود الجامعات وحسب ميكول صديقنه اكو فتره من السنه الي تكون بيها عطله يرجعون الطلبه لاهلهم فتصير شبه فارغه
طبعا الطريق لاوستن ساعه ونص اذا دتمشون ويه حدود السرعه الي هي 70 ميل بالساعه
احنه غلطنه بأكزت بالطريق اي بما معناه بدخله... هل غلطه زيدت طريقنه نص ساعه
فتنه بهاي وي يسموه pay toll الي هو بفلوس يختصر مسافه زينه
فأحنه منعرف اسلوب الدفع صراحه ..هاي اول مره فخفنه من يخلص الهاي وي بالبوابه لازم نوكف ندفع ويطلبون الاجازه
وزوجي ماعنده اجازه ... فطبكنه بالهاي وي على صفحه وبدلنه اماكن واني توليت القياده بنفسي خخخخخخ
فوصلنه البوابه فارغه ماكو احد
فماعرف الدفع شوكت وشلون
اني الحمد لله حصلت الشغله الي اريدها ماعرف اذا كتبت عن هل موضوع لو لا مدا اتذكر
الشغله حلوووه كلش بشركه كشخه ورسمي .. الشئ الي اني اريده
بس الشغله مو سهله اصعب من ما جنت متوقعه داتعلم وخطيه ممقصرين ويايه
قبل جانو اله يبقون احد ويايه هسه بدو يعوفوني وحدي
البارحه جابولي اوراق كالو هاي شنو انتي موقعتها وين الفلوس مالتها
فبصراحه اني ما اتذكر لان مليوووووون ورقه تمر عليه باليوم
داباوع على الورقه اني طامغتها وكاتبه استلمت المبلغ عن طريق فيزا كارت
المشكله وين انو الوصل مال دفع ماكو .. خابرو الكوستمر ودزلنه نسخه من الوصل مالته ونقذني
لان جان وكعت فلوسها براسي ويكطعوها من راتبي المبلغ تقريبا 200 دولار
بس اني رحت على مسؤولتي وكتلها فكالت معليج اني احلج الموضوع وماخليج ادفعين اي شئ
فنحل الموضوع من الزبون دزلنه نسخه عن الرسيت مالته وبعدين لكو الرسيت مالتنه اصلا
بأختصار يعني مو ذنبي الرسيت ماكو اني سلمته بعد معليه
شغلي بيه مسؤوليه بس حلوو
ابني ديداوم هسه بالمدرسه ابو يوديه ويجيبه لان اني الوكت كله بالشغل
شغلي 10 ساعات باليوم اروح شاعله لايتات وارجع شاعله لايتات
شغلي الثاني اروحله يوم بالاسبوع و 5 ساعات بس
والحمد لله على كل حال ..
البارحه طلعت بفتره الغده من شغلي ورحت على المعرض الي شترينه من السياره
كلت خلي اتعارك وياه شويه لان صارلنه شهر من سوينه عقد السياره وقطعه ماعدنه ولا حتى الرجستريشن ستكر الي هي لزكه على الجامه
رحت كتله تذكرني كال اي كتله وين القطعه دور عنده جاه كلي بعدها مجايه كتله وتالي كال ماعرف
اني حتى المؤقته الي حاطلياها اكسباير صارلها سبوع .. حطلي جديده بيها سبوعين وطلعت
اني وبالباب عصبيه خابرت زوجي داكله شصار وداكله هذا البومه يكول بعدها .. بهل اثناء جاني واحد يكلي ممكن توخرين سيارتج
نطيته المفتاح كتله انت وخرها ورجعت احجي بالتلفون
رحت وراها على السياره ديعلكولي المؤقته جا عليه نفس الرجال جايبلي المفتاح وكلي شنو الموضوع
اباوع اشو هذا يحجي عربي فبتسمت بوجه رأسا كتله السالفه كلها وكلي لحضه
راح جوه ورجع كلي حجيتلج وياه وكتله القطعه مالتها لازم تجي بهل يومين فكتله شكرا ومن هل حجي
طلع فلسطيني وصارله 30 سنه بأمريكا
والله عاد خابرو زوجي وكلوله تعال استلم القطعه واليوم نروح نستلمها ان شاء الله
هاي اخر التطورات والنزاعات خخخخخ
واشوفكم ان شاء الله
تحيـــــــــاتي
