اختي :
اني هم اس اي في , وعندما قدمت كنت اشتغل معهم . وايضا تأخرت معاملتي كلش هوايه , حتى شكيت وراودتني الضنون انهم ما راح يعطوني اي نتيجه وبعدين يطلعون واني ابقى حاير ومعلق لا للسما ولا للكاع , وهم طلعت روحي من الانتظار , وانتهت اعمالهم والجي ال اس دزولنا مسجات كالوا بعد ما ننطي فلوس لليشتغلون ويا الجيش , فاتفقوا ويا الجيش اذا هم ينطوكم فلوس كأجور لعملكم وسألناهم كالوا لا ما عدنا . فبعثت مسج للجيف اوف مشن . يعني كتبت ( اتينشن : جيف اوف مشن ) كتله اني اشتغلت هلكد وقدمت من فلان تأريخ , ليش هيجي متأخر؟ وهسه اني بطلت فشوفولي جاره لو اي , لو تكولون انت ما مؤهل . ما يصير هذا الاجراء ما مقبول منكم اني باقي معلق ؟؟ واجاني الجواب ان اجراءات الفيزه مالتي كامله فاْذا اريد يصدروها بس هي , راح تصدر واروح اخذها وجاوبته كتله ميخالف بس اني وراسا استلمت مسج بعد كم يوم يكول روح استلم الفيزه مالتك هسه وبعد كذا يوم روح استلم البقيه . جبتها ودفنتها بالكاع بعد ما غلفتها بأكياس من النايلون , لان جان الوضع في منطقتنا مشتعل بالنار , ثم انتظرت ورحت جبت البقيه . اختي العجله مو زينه , اذا ضايجه من المنطقه اللي ساكنه بيها , شوفيلج غير منطقه احسن او تروحين يم اقرباء او الحل اللي انتي تشوفينه لان ما اعرف الضروف اني . واصبري لان هم على غفله ويبعثونلج مسج يطلبون ان تروحين تستلميها , ان شاء الله تعالى . اختي اذا حولتي لغير بلد راح يعتبرونج مقدمه جديد وتلزمين سره من جديد والله سواء بالاردن او بتركيا نفس الشي , لان هم عدهم معاملات مال ناس صارلهم هوايه ينتظرون , فما اضن راح يقدموج عليهم , حتما راح يمشون معاملتج بعد ما يخلصون كل اللي كدامج . اني هو هذا رأيي وما ادري اذا اني مخطئ او مصيب لان حتى الظروف بالعراق ما اعرفها لان اني بنيويورك , وما اريد انصحج بشي نتندم عليه ان شاء الله ماكو ندم ,, الله يكون بعونج ويرحم بحالج بالفرج القريب العاجل ان شاء الله وبقدرته وعونه ورعايته ,,,,, والله كلش تألمت من قريت عبارتج .
