صار الفرات دمـــوع والدجلة دم تـــروي اراضينه

[d.n.alraies]

اوف يا دنيا شكد قسيتي علينه
بعدتينه من الحبايب والسعادة كبرتيها بينه
لا فكرتي بالفقير ولا حميتي الغني..شوية ارحمينه
فرغت ارضنه .. هجرناها.. بكل الدول وزعتينه
انهجم بيت العراق ناسه يتكاتلون .. خليتي الشياطين يتحكمون بينه
يادنيا .. كافي شفنه الويل وخلص صبرنه مو ذبحتينه
فقدنه اجساد .. وفقدنه ارواح .. شسويتي بينه
صار الفرات دمـــوع والدجلة دم تـــروي اراضينه
تكفين رجعي الامان ولعراقنه رجعينه
اذا جيرانه ما رحمونه .. دول الغرب تحن علينه ؟؟؟
انعدمت كرامتنه .. وبالغربة ما مرغوب بينه
كافي الم .. كافي مهانه .. بعد منتحمل تغدرين بينه
نرجع للعراق نخاف على ارواحنه .. نبقى بالغربة تخاف ارواحنه علينه
احلى ايامنه عشناها بيه ..  بيه تربينه
شكد تعبوا اجدادنا وطوروا وطننه .. وشكد وراهم احنه بنينه
ليش يالعراقي تخلي التخلف اسم وينلزك بينه
احنه اهل العلم والثقافة .. حرام الجاهلين يتقارنون بينه
اووووف يا عراق على هالعذاب متكولي منو يواسينه؟؟؟

[راهب الحب]

عزيزتي الاخت d.n.alraies  ::
اهلاً بك في حديقة الحب حيث تتجمع هنا مناهل الحب ومنابع الاحاسيس ..
اوووف يا عراق شما نتعذب نبقى متعلگين ببه ونشيل اسمه ونلبس خريطته على صدرونا .. الله يخليج على هاي الكلمات اكيد احس بمعاناتج لانه المتغرب احساسه بالوطن غير شكل واني هم مثلج .. ما عدنا الا ان نطلب من الله ان يفرجها على بلدنا الغالي حتى نرجع لانه نبقى طيور نهاجر ونسافر بس ملاذنا الاول والاخير هو العراااااااااق ولحد الموت نبقى له نشتاااق ..
تمنياتي الج بدوام التواصل والابداع ودمت بألف الف خيــر ... †

  اخوكم / وســام بهنــام داؤد الخابــوري   

[d.n.alraies]

شكرا على المرور  والتعليق الرائع والترحيب

وان شاء الله الله يفرجها على العراق