المحرر موضوع: بيع بيت عن طريق وكالة  (زيارة 5312 مرات)

0 الأعضاء و 1 ضيف يشاهدون هذا الموضوع.

غير متصل zeeta

  • عضو فعال جدا
  • ***
  • مشاركة: 249
  • الجنس: ذكر
    • مشاهدة الملف الشخصي
بيع بيت عن طريق وكالة
« في: 19:05 25/02/2013 »

اخواني جارتي مرة جبيرة بالسن وولدها نصهم موجودين ونصهم برا طالعين وداتريد اتبيع البيت والمشتري مستعد يجي للعمان وولدها كلهم وي البرا سووالها وكالة الها علمود تبيع البيت  لان البيت قسام شرعي باسم زوجها المتوفي
يصير منا اتبيعا من يجي المشتري لو شلون ؟
راحوا سئلوا بالسفارة كالوا انو مادام هي مقيمة بعمان وصارت الوكالة باسمها لازم ترجع تبيعا ببغداد ؟

منو بايع بيت من عمان وماتكدر الحجية ترجع فشلون ؟
اي شخص عندنا خبرة او بايع بيت ياريت يحجينا علمود نفهمها
وربنا يبارك الجميع
-------"الله محبّة ومن يثبت في المحبّة يثبت في الله والله فيه". ----------
                      -----------------------------------------



غير متصل اساور حمراء

  • عضو فعال جدا
  • ***
  • مشاركة: 118
    • مشاهدة الملف الشخصي
    • البريد الالكتروني
رد: بيع بيت عن طريق وكالة
« رد #1 في: 19:36 25/02/2013 »
السلام عليكم

ميصير تبيع البيت من عمان الا ترجع للعراق مادام الوكالات للام او يكدرون كلهم يوكلون

شخص في العراق وهو يبيعلهم البيت

واكيد الاخوة الي عدهم خبرة بهاي الامور يفيدوكم ومارح يقصرون

غير متصل فارس البغدادي

  • مبدع قسم الهجرة
  • عضو مميز
  • *
  • مشاركة: 1038
  • الى الماء يسعى من غص بلقمة فالى من يسعى من غص بماء
    • مشاهدة الملف الشخصي
رد: بيع بيت عن طريق وكالة
« رد #2 في: 20:55 25/02/2013 »
اخوية العزيز
العالم كلها دتبيع بيوتها وهي  اصلا خارج العراق وبما انه هي اصلا كل ولده مسويلها وكالات فتكدر تسوي هي وكالة بدورها للمشتري ويرجع المشتري لبغداد على ضوء الوكالة اللي عنده يكدر يتحكم بالعقار بس لازم تكون عند المشتري نسخ اصلية من القسام الشرعي  راح تطلب منه دائرة التسجيل العقاري صحة صدور بالوكالات وعلى هالاساس راح تمشي الامور .......السفارة كل دورها تصديقات فقط يعني جارتكم راح تصدقة وكالتها للمشتري بالسفارة وهو بعد يحير طبعا تسوي الا الوكالة بعد استلام المبلغ وعقد بيع باي مكتب عقار هي حتى للمستقبل تضمن انه هي باعت البيت بالسعر الفلاني وطلعت من السند وهالامور ....واي ش ثاني اني حاضر على الخاص

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
رد: بيع بيت عن طريق وكالة
« رد #3 في: 21:46 25/02/2013 »
السلام عليكم ورحمة الله وبركاته

1- نعم يجوز بيع البيت عن طريق الوكالة العامة المطلقة .

2- لها حق توكيل الغير بالكل  أو بالجزء .

3- سوق العراق العقارية ( موقع ألكتروني ) للعرض والأيجار والبيع والشراء وتوجد مكاتب لتنظيم عمليات البيع عن بعد وفي هذة الحالة  ( وللأمانة ) يجب أستلام ثمن البيت كاملا ( قبل توكيل الغير ) .

4- التأكد التام من أن البيت غير محجوز تحت بند المسميات الجديدة ( والمعمول فيها الأن للنصب والأحتيال )

5-منذ أسبوعين قرأت أعلانات في المدينة الرياضية ( للعراقيين .... بيع عقاراتكم للمساعده وووو )

6- عدم أستلام أي مبلغ مالي في اليد وأنما المستلم يكون المصرف ( لقلة التزوير )

7- للأعلان عن بيع البيت عن طريق سوق العراق العقارية أنصح كتابة بريد ألكتروني بدل رقم الهاتف .


تقبلوا فائق الأحترام والتقدير


غير متصل حزيران

  • مبدع قسم الهجرة
  • عضو فعال جدا
  • *
  • مشاركة: 247
  • مضـت قــــرون وأنا بانتظار تمـــــوز
    • مشاهدة الملف الشخصي
رد: بيع بيت عن طريق وكالة
« رد #4 في: 23:13 25/02/2013 »
اختي العزيزة:

الوكالات العامة اللي سووهة اولادها متمشي ، لازم تكون وكالة خاصة بالعقار اللي يريدون ايبيعوا مذكورة بي تفاصيل العقار ويجب ان تذكر بالوكاله اسماء الاولاد الرباعية ويجب ان تذكر نصوص خاصة بالبيع ماموجودة بالصيغه المعروفه للوكالات الخاصة ببيع عقار لكن بالعراق يرجعون الوكاله اذا منوجدت بيهه هاي التفاصيل او ادفعين فلوس حتى اتمشيهه وضروري تكون بصمتهم على الصورة مو بس يم التوقيع ..لازم اسال واجيب هاي النصوص.

وطبعا الوكالات الخاصة اللي سوولهيا اولادهه لازم تروح البغداد تنختم من البنك المركزي والخارجية والضريبة وترجعلهه العمان يله على اساسهه تسوي وكاله للشخص اللي يريد يشتري العقار.

طبعا اني سامعه ومومتأكدة بانه الشخص اللي لازم يخولو ببيع العقار لازم يكون اقرباء من الدرجة الاولى او محامي فا احتمال ميقبلون تسوي الام وكاله بيع للمشتري ( تأكدوا من هاي المعلومه).

طبعا قبل متسوي وكاله الهذا الشخص بشراء البيت لازم الوكالات لازم تتصدق من الخارجية ودائرة الضريبة والبنك المركزي ودوائر ثانيه ولازم تنتظرله فد كم شهر الى ان تجي صحة صدور هذه الوكالات من الدول اللي عايشين بيهه اولادها اللي عملولهه الوكالات وايظا صحة صدور الجنسيات مالتهم.

بقه هناك حيجيكون اذا احد من الاولاد عليه ضريبه لازم تندفع واذا متزوج يجيكون على الزوجه ايظا ، ولازم يطلعون كشف على البيت الامانه خاف اكو تجاوزات بالاضافة الى دائرة الضريبة حتشوف العقار اذا محولي من قطع ارض الى بناء بالسند لو بعده قطعه ارض وهاي كلهه ملايين تندفع يسموهه ( نقل وتصحيح جنس)...هاي طبعا يبتلي بيهه الشخص اللي سويتوله الوكاله.

طبعا لازم يكون عدهه الاحوال المدنية والجنسية الاصلية مال كل اولادها وياهه وبلياهم متمشي اي معامله وطبعا اذا احد جنسيته مابيه فسفورة لو ختم مثلث منهالسوالف لو مثلا متزوج وممحول جنسيته الى متزوج كلهه يحاسبون عليهه.

لازم اتطلع خريطه البيت 2013 وسند 2013 وميمشي اي شي بلياهم...هاي ثاني شي ورة تصديق الوكالات لازم اتسويهم.

طبعا اكو تفاصيلللللللللل كلش هواية مدا اذكرهه ...واسهل بيعه لبيت مال ورثة يطوله فد سنه لان كتابنا وكتابكم وتصديقات وكل يوم يطلع غلط بمكان لو عبارة ممكتوبة بالوكاله.

ادري اني ضلمتهه بس هو هذا الواقع واللي يريد يبيع بيت مال ورثة ورطهههههه مثل شغلة الهجرة..الهه بداية بس نهايتهه ممعروفه.

تحياتي



 

غير متصل Polat Elif

  • عضو فعال جدا
  • ***
  • مشاركة: 144
  • الجنس: ذكر
  • لم يعد يمكن ان ابقى هنا
    • مشاهدة الملف الشخصي
    • البريد الالكتروني
رد: بيع بيت عن طريق وكالة
« رد #5 في: 11:00 26/02/2013 »
اخوان تكدر تبيع وهيه بعمان بس المهم الطابو الاصلي وياها واني شخصيا اعرف ناس اهنا بعمان يشترون اراضي بالعراق ومن عمان ويمكن يشترون بيوت هم اكدر اسأللهم اذا حابين ... تحياتي

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
رد: بيع بيت عن طريق وكالة
« رد #6 في: 15:31 26/02/2013 »
صدقت أخت حزيران وماذكرته بالرد على الموضوع كان بشكل عام

أما ردكم كان أكثر تفصيل وشرح وافي لقسم من مشاكل البيع

أتمنى أن تكون أجاباتنا نافعة للأخ صاحب الموضوع


تقبلوا فائق الأحترام والتقدير

غير متصل mrlooseurself

  • عضو فعال جدا
  • ***
  • مشاركة: 188
    • مشاهدة الملف الشخصي
    • البريد الالكتروني
رد: بيع بيت عن طريق وكالة
« رد #7 في: 16:13 26/02/2013 »
ممكن ابيت باي منطقة ؟؟ واشكد مساحته وكم سعره
؟؟
واكو موقع ايضا مختص بالبيع والشراء مال البيوت اكيد الكل تعرفه
www.mredy.com
اني اسأل على سعر البيت كلت اذا ناسبني سعره واذا تصير قسمة اني اولى بي من واحد خارج منتديات عينكاوة شتكولين ؟؟؟ وشتكولون ياحبابين
 ;)
لان اني ان شاء الله راح ينباع البيت واستلم فلوسي اللي حجيت بيهن قبل فترة بموضوع تجويل مبلغ جبير لامريكا
واحب اخذ بنصيحة احد الاخوات والاخوان بشراء عقار وااجره واسافر ,, ف كلت اذا يناسبني السعر وبيا منطقة ممكن بدون زحمة و؟؟ واني كفيل بباقي الامور من حيث انتي بعمان والوكالة والخ
شكرا
Mr. lose yourself