منين ابدي ما اعرف...بس دلوني الطريق

[عمر-السامرائي]

مرحبا اخواني...طبعا الوضع بالعراق بعد ماينقبل وفد مرة تعبان وخاصة هالايام...لكيت فيزا شنغن 110 ورقة الى ايطاليا دفع نص المبلغ لكدام...ومن تطلع نص الثاني...ويمكن حنطي واروح...تلحكني بعدين حجز فندقي وتذاكر سفر تو ويه وتامين صحي...واخذ مستمسكاتي واروح...احتاج شي بعد؟؟ علما اني اريد اروح من ايطاليا الى فنلندا..شون حروح لايطاليا..واني مااعرف احد هناك..وشصعد من ايطاليا لفنلندا حتى اوصل...للعلم اني موظف هاي متفيدني لمن اوصل للمحققين ؟ شحتاج من امور وقضايا...عفية اريد نخوتكم...اخوكم عمر

[repentant]

اصبر وما صبرك الا بالله ............اذهب سياحة الى ماليزيا واسال او تركيا واسال  الله يعطيك على نيتك

[فارس البغدادي]

احب اعقب على كلام الاخ العزيز سوات انه تعبر بحر من ماليزيا الى استراليا وكل موجة بي ولاالثانية مو احبطك بس حتى تعرف شنو راح تشوف وبالنسبة لايطاليا ما اعرف اي شي واحب اكلك (فاز بالملذات من كان جسورا )

[عمر-السامرائي]

شكرا اخواني ... بس اني سألت على طريق ايطاليا - فنلندا - مجبت طاري استراليا وماليزيا...بانتظاركم

[Nooraldeen Mustfa]

اخي العزيز لا تجازف بدون معرفة لأن هذا حاشاك نوع من الجهل....
لا تتخذ قرار بدون معلومات دقيقة ومن اهل الثقة... والا كان قرارك لعب قمار.
إحذر ان تجازف بمالك فالمال الحلال عزيز ولا يأتي بالساهل.
إحذر عصابات التهريب فهم بلا ضمير والغدر منهم عادة وفيما بعد لن تجد من تلومه غير نفسك.
تمنياتي لك بالتوفيق والله من وراء القصد.

[Awsaws]

اخي اول شي تكول راح ادفع نص المبلغ زين لازمً  يكون اكو كفيل يتعهد بلمبلغ  دائما يكون مكتب صيرفه تثق بيه يتحمل المسؤليه
يعني ما ممكن تسلمه نص المبلغ  بدون ضمانات حقيقيه وليست وهميه وطبعا سعر  زين بس ضبط امورك اما بلنسبه لكيفية السفر من ايطاليا فهي مو معضله ممكن تسئل المكتب او الشخص يلي دا يسويلك الفيزه هو تكون عنده خبره بهاي الامور اكو بنات طلعو وحدهم ودبروها يعني   ابد مو صعبه والله يسرلك امورك وتسافر علئ خير ان شاء الله
اخوك اوس

[صهوبي]

مرحبا اخواني...طبعا الوضع بالعراق بعد ماينقبل وفد مرة تعبان وخاصة هالايام...لكيت فيزا شنغن 110 ورقة الى ايطاليا دفع نص المبلغ لكدام...ومن تطلع نص الثاني...ويمكن حنطي واروح...تلحكني بعدين حجز فندقي وتذاكر سفر تو ويه وتامين صحي...واخذ مستمسكاتي واروح...احتاج شي بعد؟؟ علما اني اريد اروح من ايطاليا الى فنلندا..شون حروح لايطاليا..واني مااعرف احد هناك..وشصعد من ايطاليا لفنلندا حتى اوصل...للعلم اني موظف هاي متفيدني لمن اوصل للمحققين ؟ شحتاج من امور وقضايا...عفية اريد نخوتكم...اخوكم عمر

اخي تعال الى عمان الاردن وقدم على UNوابقى عايش بفلوسك لحين ميطلعلك اللاجؤء احسنلك من المجازفه وذا عندك اوراق تفيد التقديم جيبهه وياك .......هذا مجرد راى ..نتمنالك الحياة السعيده....تحياتي

[عمر-السامرائي]

صهوبي اخوية شكد اطول شغلة الاردن؟؟؟اقصى شي شكد كم شهر؟؟ ولاي دولة يرحلونا وشنو ينطونا هناك؟؟

[كلش محتار]

خوية عمر ما انصحك بدفع اي مبلغ مقدما  لان التقفيص صاير بفلس بالعراق اما عن السفر من ايطاليا الى فلندا فصدقني ابدا مو صعب انت تقدر تحجز فندق كم يوم بايطاليا ترتاح بيهم ويوجد عرب كثير في ايطاليا تسئلهم عن محطات الحجز سواء طيران او باص او قطار   الى فرنسا والمانيا ومن المانيا قطار سريع الى السويد ومناك عبارة الى فلندا الدول الاوربية فيها ملايين العرب وومكن تسئلهم عن الحجز ويساعدوك

[mrlooseurself]

ابن العم العزيز
اكو مثل يكول : بخيرهم ماخيروني بشرهم عموا علية ,... طبعا المثل هذا ينكال على شغلة متصير وواحد يورط واحد وياه


دير بالك اتقدم يو ان من عمان .. تره بعد هاي الله وكتبها عليك نومتك مثل نومتنا
هاي وحدة
اني طبعا كدامك صارلي 4 سنوات
انتظار
حبي انته بفلوسك توصل وتختصر الزمن واكو مكاتب مضمونة من بغداد وناس شبعانة وولد خير .. اني مسلم طبعا وياك احجي .. واعرف صابئة من منطقتنا طبعا اكدر اسألكياهم ونص اقاربهم طلعوا من الشمال وهسة بالسويد الي اقامة واللي اتزوج واستقر واللي اجة زيارة
هاي رأي طبعا وانته حر باتخاذ القرار بس اهم شي القرار السليم ..
مال ايطاليا مااحب احبط امالك بس اتأنى شوية لان المبلغ اولا مو هين وممكن تجمله شوية لو نفسه وتطلع شنكن لاوربا . وبراحتك لاي دولة بالقطار تروح من دول الشنكن .

[صهوبي]

صهوبي اخوية شكد اطول شغلة الاردن؟؟؟اقصى شي شكد كم شهر؟؟ ولاي دولة يرحلونا وشنو ينطونا هناك؟؟

اخويه التقديم يطول حسب القصه مالتك ويمر بمراحل1ـاخذ موعدمنUN و2ـمقابله لتوضح القصه للمحاميه3ـالتوطين اما امريكا ويكولون كندا وستراليا فاتحين اللاجوء والله واعلم 4ـالتحويل الملف للIOMوهي منظمه امريكيه اذا اللاجوء لامريكا.اذا اقتنعوا الامريكان بقضيتك يتصلون بيك للمقابله وبعدها موعد بصمات وبعدها موعدمقابله مع الوفد الامريكي ورها دوره طيران اوتثقيفيه وموعد سفر .....وهكذا والله يرحم والديك والديه...والسالفه اطول من سنه الى سنتين......ويجوز اقل ويجوز اكثر.........انت وحظك ......تحياتي ....عسى ان يكون واضح واذا اكو احد يوضح اكثر اكون ممنون منه .......تحياتي

[عمر-السامرائي]

اخوية كلش محتار والاخ mrlooseurself

دزيت رسالة عل الخاص ممكن تقروها ان امكن