السلام عليكم
حبيت انزل هذا الموضوع السهل جدا والبسيط جدا ومهم بنفس الوقت لكل الواصلين الجدد والذين هم على ابواب السفر طبعا اخوان الموضوع هوة بخصوص تاجير الشقق في امريكا هنا اكو نظام معمول به وهوة مقدمة قبل السكن في الشقة ويسموه deposit تنطي مبلغ كوديعة يكولون الك راح تاخذة من تطلع بس اللي دا يصير واجتني ع الخاص من اكثر من واحد انه تم التقفيص عليه ولم يرد له مبلغ المقدمة من الواحد يريد يطلع لغير شقة فيااخوان الحل بسيط حتى لايروح حقك وتطلع المبلغ من ترد تحول لغير شقة من عين المالك ثلاث خطوات تسويهن حتى تضمن حقك
1- ان تحافظ على الشقة من ناحية نظافة الحيطان وان تصلح بنفسك اي شي ينكسر حتى من تسلم الشقة لايصير عندة حجة يقفص عليك
2- اهم شي ان تبلغ المالك بانك تريد تطلع قبل شهر واحد 30 يوم قبل ان تطلع وهاي قانونيا انتة موقع عليها واذا طلعت قبل ان تبلغ راح يروح حقك ويسموها 30 days notice من تكوله هاي راح يعرف بانك تعرف بالقانون ويخاف يقفص على فلوسك
3-واكو شغلة اخرى الايجار هنا ينحسب بالايام مثلا ايجارك 700 بالشهر بقيت عشر ايام تقسم ال 700 على 30 يوم او 31 وراح يطلع مثلا 23 دولار وشوي باليوم تنطي 233 وشوي دولار وتطلع يعني همة يكولون كل الايجار لان يعرفون العراقيين او غيرنا ميعرف بالقانون بس خليك دوم تعرف بقانونهم حتى تحمي نفسك منهم
راح تكولون ليش الواحد يطلع من الشقة وهالتعب كلة لا اخوان من الواحد يجي اغلب الاحيان يخلوه بمكان مو زين ومن تعرف وتتعلم راح تحاول تلكى مكان افضل فهاي الامور لازم تعرفها
اني مثلا ابو الايجار منطي 500 مقدمة وهسة اريد اطلع كالي اله وياك فلوسك باي باي كتلة ليش كال انتة بلغتني اقل من شهر كتلة لا اني راح ابقى المفتاح لنهاية الشهر وقسمتلة الايام الاضافية طلع انطي 200 دولار وشوي وارجع ال 500 صفن ومفتح حلكة ةهسة اجة وجابلي ورقة من المنجر باني راح استلم فلوسي كاملة
علما اكو اخوان راحت عليهم 1400 دولار
واكو غيري راحت علي 700
وللقصة بقية
اتمنى ان تستفادوا من هذا الموضوع ولاتخلوا اي احد يسوي هذا الشي وياكم
تحياتي
ابو ليونا
