اذا اني حاطه محامي بامريكا يتابع قضية اللجوء مالتي اكدر استعمل الفورم 7001 رجاءً افيدوني

[ثفتي بالله كبيرة]

السلام عليكم ...
كل من اله درايه ومعرفة بهيج موضوع يجاوبني رجاءً واكون ممنونة وشاكره الكم
اني حطيت محامي من رجعت امنيتي انتظار حتى يتابع قضية اللجوء مالتي بامريكا
اكدر اعبي الفورم عن طريق المحامي واقدمها لو بيها ضرر عليه لو اني امليها منا وادزها واذا عرفو اني حاطه محامي هناك مابيها مشكله على اللجوء مالتي ..
ارجو الرد من اهل الخبرة ويارب السفر السريع للجميع ..
تحياتي اختكم اليائسة

[Wingo]

أختي العزيزة ما أتوقع أكو أي مشكلة إذا المحامي تولى الموضوع، مادام أصلا هو المحامي ديتابع الموضوع.
إنتي إملي المعلومات المطلوبة في أول صفحتين من الفورمة حسب إرشادات الأخوة الأعضاء في المنتدى (موجودة المواضيع و تقدرين تطلعين على المعلومات)
بعدين وقعيها و دزيها للمحامي حتى يعبي الصفحة الأخيرة الخاصة بالمحامي و يدزها للجهة المختصة.
نصيحتي إقري مساهمات الأخوة في المنتدى و خاصة الأخوة تمكين و زيطة و أم شاهين لأن نصائحهم مفيدة جدا.
و اتمنى من الأخوة الذين إعتمدوا على محامي أن يساهمون بمعلوماتهم و نصائحهم.

إن شاء الله تفرج و ما يبقى أي أثر لليأس
الإنسان يسعى حسب إستطاعته و لكن يبقى أملنا بالله وحده.

تحياتي
Wingo

[ثفتي بالله كبيرة]

مرحبا اخ Wingo 
شكرا على الرد ..
ورح اتوكل على الله وإملي الفورم وادزها للمحامي واخلي هو يدزلهميا
وان شاء الله خير
واتمنى السفر القريب للجميع يارب
تحياتي

[um shaheen]

اختي العزيزه
نصيحه لوجه الله شغلت المحامي كلش عاديه واني بنفسي كنت حاطه محامي والحمد لله هسه بموضوعج ذكرتيني لازم اخابره اشكره
اختي امريكا معليها انتي حاطه محامي لو لا وتكدرين تتفقين وياه انه ديمشي بقضيتج شغلة انسانيه وبمبلغ رمزي يعني اني بوقتها كتبنه انه اجرته 400دولار فقط وهذا يتاكد بوصل استلام المبلغ باسمج
بالنسبه للفورمه اني المحامي شجعني عليها وسويتها من شهر العاشر والحمد لله صار سفري بس صراحه ما اعرف سبب تاخيري شنو جان وسبب التسريع شنو يعني ما اعرف اذا المحامي لو الفورمه لو تسقيط اقامه الامارات وهذا اول يوم بولايتي ويارب يوفقج وان شاء الله السفر القريب العاجل لكل المنتظرين
اختي العزيزه نصيحه لا تتركين باب متطرقي الى ان تحصلي على مرادك ويارب بالتوفيق
تحياتي
اختك ام شاهين

[sparky]

املي الفورم وتوكلي على الواحد الاحد الفرد الصمد

[ثفتي بالله كبيرة]

تحية طيبة للاخت ام شاهين
اشكرج على مبادرتج حبيبتي وتسلمين على ردج صدك ريحتيني اني جنت قلقة اخاف يسوون مشكلة على ملفي وجنت حابة احجي وياج
واسالج بس استحيت لان انتي متعرفيني
اني مليت الفورمة ورح ادزها للمحامي مثل ما نصحتيني
واتمنالج ان شاء الله الموفقية بحياتج الجديدة والف الف مبروك
واحب اكولج اني هم ولايتي كاليفورنيا
تحياتي الج وشكرا مرة ثانية يا طيبة

[ثفتي بالله كبيرة]

اشكرك اخ سباركي على ردك وان شاء الله رح ادزها لان اني مليتها مثل ما نصحتوني انت والاخت ام شاهين والاخ ونكو
تحياتي الك وشكرا جزيلا
وان شاء الله السفر للجميع والموفقية والاستقرار
تحياتي الك

[um shaheen]

يارب دومج مطمنه وياربي يا ألهي تبشريني بكل خير يارب
تحياتي
اختج ام شاهين

[بصراوي مظلوم]

ممكن نسخة من الفورمه 7001 الاولى والثانية وكيف املاها رجاء الى الجميع