ارجو ردودكم اخوان ضروري عن ماليزيا

[انامل]

ارجو ان تساعدوني اخوان واصحاب الخبرة من الذين يعيشون في ماليزيا او من لديهم معلومات عنها عن مايلي:

1- ارخص ايجارات مدن ماليزيا

2- ايهما ارخص وافضل الشقة ام البيت
 
3- تكلفة المعيشة لشخصين شهريا

4- درجة حرارة الجو في هذا الشهر او الشهر المقبل

5- هل يوجد امان في مدن ماليزيا

6- اذا واحد يريد اقامة مدة سنة افضل شي يسجل بمعهد لغة لو اكو طريقة ثانية

7- كيف يتم السفر الى ماليزيا من بغداد وارخص خطوط طيران وكم اسعار التكتات

8- ماذا عن المستشفيات والعلاج توجد منها مجاني او اسعار منخفضة ام لا

جازا الله خيرا كل من اجاب او رفع الموضوع

[سامي75]

UP   للاهميه بصراحه محتاجين معلومات أكثر عن ماليزيا.....

تحياتي

[انامل]

اخوان ماكو اي معلومة؟

[al seef]

الي اعرفة من اصدقاء في ماليزيا البلد مناسب للمعيشة والايجارات ايضا مناسبة العمل متوفر بنسبة جيدة وافضل بكثير من كل الدول العربية قياسا بالمعيشة والعمل والايجار الاقامة اغلب الاصدقاء عملو اقامة عمل وتجدد كل سنة وايضا توجد اقامة على الامم المتحدة كون يوجد مقر للامم المتحدة في ماليزيا وبالنسبة للدراسة لاتوجد لدي معلومات كافية حول هذا الموضوع ولكن عرفت انه المدارس في ماليزيا شبه مجانية تقريبا ممكن الاخوة الي لديهم معلومات اكثر يشاركون ...
تقبلو مروري

[شموخ بنت الرافدين]

وعليكم السلام ورحمة الله وبركاتة
بالنسبة لماليزيا حاليا اغلى من السنين الي راحت بسبب الازمة الاقتصادية الماليزية ....
المدن الماليزيا كلها امينة ومابيها شي على شرط انه تسكن ضمن مجمع سكني بيه سكيورتي يعني كوندومينيوم وليس بيت لان البيوت تكون خارج المجمعات السكنية وعرضة للسرقات خصوصا اذا عفو بيها اجانب وليس لوكل
مدينة جهور بارو من ارخص المدن من كل النواحي خصوصا في منطقة تمنيو لان منطقة جامعية
بالنسبة للعمل مو من السهل يتحص ومو للكل
بالنسبة للاقامة على اليو ان ماكو هيج شي صح ينطوك ورقة حماية بس ميسون شي اذا شرطة الهجرة لزمتكم وانتو متجاوزين (لان ماليزيا مو من ضمن الدول الي معترفة باليو ان صح اكو مكتب هنا بس مامعترف بصلاحياتة)

الاجارات تتراوح بين 150 دولار الى 600 او 700 دولار حسب المناطق وحسب التاثيث او بدون
المعيشة هم تعتمد حسب العوائل اذا كانت تعتمد الاكل خارج البيت او داخلة فيفرق بس شي على شي حواي 600 دلار
الجو بصورة عامة هو نفسة كل اشهر السنة لان الجو تروبكل وذر ورطوبة عالية جدا يعني على الملابس فهي صيفية لا اكثر
بالنسبة للمستشفيات فالخاصة طبعا اسعارها عالية وتعتمد على نوع المراجعة
اما بالنسبة لطلاب الجامعات فالعلاج مجاني بالكلنك الي يخص الجامعة وبالنسبة لعوائلهم فتتسوالهم بطاقة للاطفال حاولي 40 رنجت وللزوجة او الزوج 80 رنجت لمدة سنة كاملة
بالنسبة للاطفال الرضع وتلقيحاتهم فاكو الكلنك الي تابعة للهلال الاحمر اي شي تحتاجة تدفع 15 رنجت وهي تتضمن الادوية واللقاحات والاستشارة في كل مرة اتروح بيها لهاي العيادات وهي منتشرة بصورة عامة في كل الولايات
بالنسبة للمستشفيات الحكومية فهي تاخذ على الفورنر 15 اكثر من اللوكل يعني اذا اللوكل يدفع 100 رنجت الفورنر يدفع 1500 رنجت وهكذا
السفر تحجز على اي خطوط وحاول اتكون بيها ترانزيت وعلى الاكثر اتكلف 950 دولار للنفر روحة رجعة ولازم تحجز ريتيرن والا امن المطار يحجزكم
اي سؤال اني حاضرة وهذا الكلام عن تجربة

[انامل]

شكر خاص للعضو alseef والعضوة شموخ بنت الرافدين جازاكم الله كل خير على التفاصيل ممنونة الكم شموخ بنت الرافدين اتواصل وياج على الخاص

[انامل]

مساعدة من الاخوان رجاء