احد زملائي وكان مشرفا على احد مقاولاتي في بغداد ومن سكنة احدى المحافظات العراقية قام بالعمل مع القوات الامريكية والشركات منذ 2003 ولغاية 2011 وتعرض لعدة تهديدات وانتقل الى عدة محافظات ولكن بقي يعمل مع الامريكان طوال هذة الفتره طبعا كان عنده جنسيتين جنسية باسم شيعي واخرى باسم سني وللاسف كان يتنقل بين المناطق بحرية مستخدما تلك الجناسي في الايام السودة 2005-2006-2007 الله لا يعودهه وتعرض بما تعرف من ضغوطات وخاوات وخطف ومحاولات خطف وتهديدات مستمره طوال هذة الفتره ولم يستطع احد خلال فترة عملة 2003-2011 ان يؤذيه كونه ذكي وحويط جدا ....
وصل اخونه الغالي الى امريكا قبل كم شهر وفرح كثيرا ........... قبل كم يوم سمعت خبر ان هو يشتغل بشركة مال حاسبات وعمله جيد واتذكر انو كان عبقري بالحاسبات ولغته جيده جدا فالله وفقة ....
قبل كم يوم خرج من شركته متوجها الى داره الساعة 5 ونص في احدى ولايات امريكا وتعرضوله عصابة من السود وشبعوه طن كتل وضرب وجلاليق واخذو ساعته وفلوسه وللاسف كاسرين العصعص وحالته بالمستشفى البارحة يله استقرت ... اخخخخخ
هاي السالفة تذكرني باحد اصدقائي في الاعدادية من خدم بحرب ايران سريته ثلاثة ارباعهه توفو في الجبهه في البصرة وهو بالكوه خلص بعدين بعد انتهاء الحرب بأسبوع تعرض لحادث سياره ومات بمكانه والله عجيبه ؟؟؟ الله فعلا الي كاتبه النه يصير..... نطلع لا ما نعرف هاي كملت 4 سنوات ونص انتظر وماكو شي ما اعرف بيهه صالح واروح لو ابطل واخلي امريكا كلهه وراي والله حيره يا رب العالمين
تحياتي للجميع
