سبحان الله راجعت مواضيع المنتدى وابدأ ملكيت واحد مرتاح الله يساعد العالم

[تـًعـًبـًنـي حـًكـمًك ياًزمـًن]

قبل اشوية كعدت وكلت اليوم ارد على كل مواضيع المنتدى بس من شفت  المواضيع كلها معاناء والناس يردون مساعدة وحتى الي عايشين  بامريكا وبكل الدول همين مامرتاحين  انعصر كلبي عليهم ليش هيجي احنا يصير بينة والله حرام بلدنه مابي امان والناس هاجرت والله حرام يعني الواحد من يصفن ويركز عدل يشوف انو نص عمرة ضاع بس انتظار!!! لا اكثر اوتوقع بيكم صارلهم اسنين؟ اهنا؟ عود هاي اني اجيت جديد وهيج اما انتو شصاير بيكم من الغربة  الواحد كلشي ميكدر يسوي ومتقيد اعتذر ع الموضوع بس الواحد من حركة  كلبه شيكول شيكتب

[الصابر76]

عموري حبيبي  صدكني هي الدنيا ما اعرف شلون صايره تره مو بس هنا بكل مكان الناس دتعاني غلاء عالمي والهواء صاير بفلوس والضرائب حاركه الامه بالغرب يجوز العراق السلبية الوحيده بي انو الامان شويه تعبان كوووووومه عراقيين عدهم جنسية  امريكيه او اوربية رجعو للعراق يشتغلون بشركات بالبصره او بالعماره او بالشمال يعني الوضع ما بي استقرار 100% وماكو ضمان عمل بأمريكا واعرف هواي ناس شغلهم ما يطولون بي سنة رغم صارلهم سنين هناك بس نكول الله كريم وان شاء الله تفرج على الجميع

[Wingo]

أخي الكريم كلامك صحيح و فعلا الحياة صايرة مشقة و تعب و قلق بكل مكان.
و لكن أخي لا تنسى أنه أغلب الأخوة الذين يدخلون المنتدى لأنهم يجدون فيه متنفس من معاناتهم و قلقهم، حتى قسم من الأخوة في أمريكا تجد كثير منهم يدخلون إلى المنتدى عندما تواجههم مشكلة أو مصاعب.
لكن بالتأكيد هناك عدد جيد من الأخوة الذين يدخلون المنتدى لغرض واحد هو تقديم النصائح و المعلومات و البشارات لأخوتهم، بارك الله في جهودهم .

[تـًعـًبـًنـي حـًكـمًك ياًزمـًن]

قسمأ بالله صح كلامكم الواحد وين يروح صدك لو گـال الـمـثل ... لا تقاس حلاوة الإنسان بحلاوة اللسان ..

فكم من كلمات لطاف حسان ..

يكمن بين حروفها سم ثعبان ..

فنحن في زمن اختلط الحابل بالنابل ..

في زمن صرنا نخاف الصدق ..

ونصعد على أكتاف الكذب ..