سؤال بخصوص الترفل دوكيومنت

[Birch]

السلام عليكم

ممكن المساعدة عن كيفية التقديم للحصول على الترفل الدوكومنت؟ اذا شخص صارله اكثر من سنتين بامريكا و بعده ممستلم الكرين الكرين كارد و عنده بس I-94 يكدر يقدم على الترفل دوكيونت و يسافر شهر خارج امريكا و يرجع لو ميصير؟

اشكد تستغرق عملية اصدار الترفل دوكيومنت و شنو اجراءتها؟

مع فائق الشكر و الاحترام

[ألن في بلاد العجائب]

اذا معندك كرين كارد تكدر تطلع الترفل دكيومنت و يطول من 40 يوم ل 4 اشهر

[Birch]

شكرا اخي الن على الاجابة و تسلم يا ورد.

الن ممكن توضحلي اكثر اذا امكن. صديقي صارله اكثر من سنتين بامريكا و المفروض مستلم الكريم كارد بس ما اعرف شنو المشكلة ممستلمه لحد الان.هو يريد يسافر شهر خارج امريكا و يرجع.بهذه الحالة يكدر يقدم على الترفل دوكيومنت؟ هو حاليا عنده بس وثيقة I-94  ؟ و اذا يصير يقدم على الترفل دوكيومنت اشلون يقدم عليها؟

[ابو رند]

السلام عليكم
الموضوع جدا سهل اخويه بالنسبة اولا للتقديم على الترفل دوكيمنت اكو استمارة تسحبها من موقع الهجرة اسمها i131هاي اما انت تعبيها واذا شفتها صعبه تروح على محامي المنضمة او أي محامي بس المهم تلكي شخص يعبيلك اياها بطريقه صحيحه بعدها ترفق  بصور مال معاملات مال جواز  ونسخه من الاوراق الي عندك i94,s.s card ,id  بعدها تجي للتسعيرة اكو تسعيرتين اولا 220 دولار صالح لمده سنه و440 صالح لمده سنتين بما انو تريد تسافر لمده شهر سوي ابو السنه تحط الابلكيشن ويه المستنسخات والمني اوردر للفلوس وتدزها لعنوانهم اول شيء راح يجيك وصل استلام المعاملات  خلال يمكن اسبوعين بعدها يجيك موعد بصمات  تروح تبصم ووراها يجي الترفل دوكيمنت طبعا في حال عندك شغله طوارئ وتريد تسافر اكو الها حل وهو انو لما تستلم الوصل وراها الموعد تروح للدائرة مال البصمات وتكللهم سولي البصمات اني عندي طوارئ وتحجيلهم فد قصه وبعد ما تسوي البصمات تطلع منهم تخابر للهجرة وتكللهم اني عندي معامله ترفل واريده بسرعه لانو عندي طواري  وراح يعدلك يمكن سبع حالات  يحق بيها التسريع وحده منهم هي انو يكون عندك حاله طواري مثل وفاه لا سمح الله او مرض اذا كتله ملشي تما راح يكلك انتظر  خمس ايام  وفعلا خلال هاي الايام راح يجيك  هاي الطريقة مضمونه وتوفر عليك وقت الانتظار الطويل مالته اتمنى انو جاوبتك وهذا موقع سحب الاابلكيشن هم


http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=b11747a55773d010VgnVCM10000048f3d6a1RCRD&vgnextchannel=7d316c0b4c3bf110VgnVCM1000004718190aRCRD

[المهاجر التائه]

اخوية العزيز بالنسبة الى الشخص الي مقدم على كرين كارت وبعده ممستلمه فيكون التقديم على الترفل دوكمنت مجاني بس لازم ترفق i 797 الخاصة باستلام معاملتك وتكدر تتاكد بهل الرابط
http://www.uscis.gov/files/form/i-131instr.pdf

[Birch]

شكرا ابو رند و شكرا المهاجر التائه و تسلمون .ان شاء الله راح اقرا الروابط الموجودة و اشوف اشلون طريقة التقديم.