اخواني رجاءا اسعفوني بهاي المشكلة مال كفيلي !!

[mrlooseurself]

السلام عليكم
اخواني الاعزاء
رجاءا ساعدوني اشلون اغير الكفيل لان شلع كلبي
اني وجهتي كاليفورنيا وهذا كفيلي من اشهر عدة اتصل بي ميجاوبني وامخليه على الانسر مشين
ومن النوع المتجبجب واني خايف لا يكونون بالمنظمة اتصلوا بي وفات عليه الاتصال واني متاكد مليون بالمية من هالشي
لان من النوع اللي لاابالي
رايد نصائحكم الله يخليكم استعجلوا بجوابي الله يوفقكم لان مناقصني انتظار زايد
الن .. سنكل مان .. الاخرين الخبراء الشبح. الفرج2 بليز شوروا علية اخوكم

[mandonar]

دز ايميل الى ال iom  عمان وكول اني ماعندي كفيل واطلب الغاء الكفيل وراح يتصلون بالمنظمات الانسانية حتي تصير الك كفيل والشغلة سهلة وماكو اي مشاكل بيها وهم راح يتصلون بيك للتاكيد واذا انت حاب هاي المدينة ادخل على موقع المهاجريين مال iom  على الفيس بوك واكو هواي ناس تساعدك بان تكفلك من العراقيين وانت كول اريد بهاي الولاية

[Emerald]

up

[نزار البابلي]

حشاك انلع ابو الكفيل اني همين طيح حظي واخر معاملتي , اخي العزيز اتصل بالاي او ام خلي هم يكفلوك كلهم اني كفيلي بعد ميكفلني لانه مشغول وغير متفرغ واني اخلي هذا الامر باديكم حتى هم يكلولك بصورة سريعه . والتوفيق من رب العالمين

[ألن في بلاد العجائب]

الحل الامثل ي حاله معندك كفيل اخر ان ترسل الى الاي او ام و تطلب الغاء الكفاله و تخلي الله كفيلك ماكو احسن منه

[mrlooseurself]

شكرا على الردود وبارك الله بيكم واشهد انتو ماقصرتوا
هسة اني اشوف شنو راح اسوي ... والله يااخواني الانتظار قاتل
اخي العزيز حسين الجبوري المحترم .. مدااعرف اشلون كفالة معنوية وكفالة امنية ؟ يعني شنو ؟ هوة كفيل وكبل واذا امنية اشلون راح اعرف؟

[slam hawk]

اخي اتصل بيهم وتكدر تلغي كفالتة

[ahmed gray]

خليها على من يتق الله يجعل من امره مخرجا وتوكل على الله


المهندس /احمد الربيعي

[نورس البحر]

الاخmrlooseurself
مثل ما نصحوك الاخوان بان تلغي الكفيل وهم يختارولك منظمة تكفلك , ونصيحة اذا غيرت الولاية فيكون افضل لان فرص العمل قليلة خصوصا للجدد واسعارها غالية وخصوصا اذا لم تكن معك عائلة
وان شاء الله الله يختارلك الخير

تقبل تحياتي
اختكم
نورس البحر
سورية

[ام اديان]

اخي الكريم الكفاله المعنويه يعني الكفيل مراح يخسر اي شي فقط تكون يمه بولايته والمنظمه تتكفل بكل شيء الايجار وغيرها والمنظمه تخلي موظف مسؤول عنك يدليك ويطلعلك الاوراق اللازمه ويسجل اطفالك بالمدرسه وغيرها وهي هاي الكفاله المنتشره غالبا. اما الامنيه اني مسامعه بيها سامعه اكو نوع ثاني اسمه الكفاله الماديه وهي لمن الكفيل يستضيفك يمه او ممكن يأجرلك هو ويتكفل بيك واتمنى الاخوان يصححون اذا اكو خطا بمعلوماتي.

[mrlooseurself]

شكرا لجميع الردود
اني ان شاء الله راح احول الولاية بس من اوصل مو هسة
واروح لكنتاكي احسنلي

[ام اتنا]

اخي المحترم نصيحة لوجه الله لتغير اي شي الى ان توصل ترة كولة تاخير عليك لتغير لاكفيل ولا ولاية ولا اي شي ابقة انتظر ترة اي تغييير هسة ميصب بصالحك ويبطيء شغلتك اكثر بعد مبقى شي وان شاء الله تفرج

[احمدمالك]

up

[كريت]

اخي هوة الكفيل شيسوي حرام كلشي ميسوي هوة واخلاقة بس هوة بس اسمك راح تنزل يمة ويستقبلك بالمطار والمنظمة هية تاجرلك بيت وكلشي واذا تريد اني اكفلك ولو ما اعرفك منو
ونصيحة ثانية اني عايش بكولورادو اكو ناس يجون راسا نيويورك وكالفورنيا ويتورطون بعدين مثل فرجيبنيا لين اكو ولايات غالية صعبة تحصل بيهة ايجار اقل من 15 ورقة وشغل ماكو هسة هناك فاذا يعجبك تجي لكولورادو رخيصة وحلوة وزينة وشغل بيهة بس مو هواية واغلب اللي يجون هنا يشتغلون بالمطار لو عمالة لو سواق وبعدين يطور نفسة بس اكو مجال يتنفس بينما كالفورنيا متلحك حتى تدفع ايجار بيتك