مساعدة عاجلة

[brave_heart]

السلام عليكم اخوان
صديقي عنده مشكلة صعبة شوية ومحتاج مساعدتكم
هوه مقدم على ولاية وعنده كفيل  بس المنظمة خابروه اليوم على موعد سفر وبلغوه بتغيير مكان المدينة بس بنفس الولاية  ومامبلغين الكفيل ويكولون مامكتوب عدنا اسم الكفيل والمدينة الجديدة كلش مو زينة ومايردوها
شنو الحل هسة شيسوون؟
يردون يبقون بنفس الولاية بس بغير منطقة
ممكن يغيرون ورا ميوصلون وهل يقطعون المساعدات عنهم وشوكت يبلغون المنظمة انه يردون يغيرون الولاية والمشكلة السفر بعد اربع ايام  يعني حتى مامنطيهم وكت
ياريت احد يساعدنا بسرعة
اذا غيرو المنطقة رح يخلولهم كيس ووركر لو يعوفوهم وحدهم؟وشوكت ينطون الويلكم موني

[أسراء الوردة]

السلام عليكم

أخي الكريم

الأهم هو السفر ......   وما بعده وأن كان مهم .... لكنه منقطع وممكن تعويضة .....



بالتوفيق أن شاء الله

[brave_heart]

مشكورين اخوان عالردود
بس شوكت ممكن يغيرون المنطقة راسا اول ماينزلون من الطيارة يبلغون المنظمة يعني قبل ميستلمون فلوس الويلكم لو شوكت؟

[mrlooseurself]

دسافروا الاول
رب الحلو
شنو انتو العراقيين
يمعود احنة بس نريد نسافر ان شاء الله بنار جهنم يخلوني وبامريكا بس اطلع من العراق
شنو من شعب انتو ؟!!!! ياساتر يارب
يريدونها كلها
طمع اويلي على الله العراقيين
عمي دسافروا الاول وحولوا شنو هية متكولولي شلون هاي !! حتى اوباما حار وياكم وبعد ميرشح للانتخابات

[Sound of Soul]

ممكن يغيرون ورا ميوصلون وهل يقطعون المساعدات عنهم وشوكت يبلغون المنظمة انه يردون يغيرون الولاية والمشكلة السفر بعد اربع ايام  يعني حتى مامنطيهم وكت
ياريت احد يساعدنا بسرعة
اذا غيرو المنطقة رح يخلولهم كيس ووركر لو يعوفوهم وحدهم؟وشوكت ينطون الويلكم موني
_______________________________________________




اخي تنزل بولايتك واول من تقابل الكيس وركر تكوله اريد احول الولاية بس بعد استلامي للويلكم
رح تبقى فترة اسبوع تقريبا وطبعا بهاي الحالة مارح يأجرولك شقة فلازم انت عندك احد تبقى يمه
فترة هل كم يوم الى ان يتم صرف الويلكم مالتك و طبعا رح تاخد جيك واحد
بكل المبلغ واللي هو حسب عدد افراد العائلة ... وبعدين تحول ولايتك باقي الحقوق الفود والكاش والمديكيت
بالولاية الجديدة تقدم عليها عادي يفتحولك ملف وهاي حقوقك تاخدها المهم لا تأجل سفرك
ومبدئيا همة رح يحولوكم على نفس المنظمة مالتكم اللي جايين عليها لو اكو فرع الها بالولاية الجديدة واذا لا ماكو
فهاي لازم تحجون وي الكيس وركر او مدير المنظمة نفسها لان لازم همة يشوفولكم منظمة تقبل تستلمكم بالولاية الجديدة

بالتوفيق .
ساوند .

[um shaheen]

السلام عليكم
لا عادي خلي ايسافرون ومن يوصلون  خلي ايغيرون ولايه
والمساعدات كله تبقى وين متروحون  باي ولايه  
هو قانون ثابت
تحياتي

+1

[brave_heart]

مشكورين اخوان عالردود
اني هم كتلهم يسافرون ويحولون الولاية