افضل الولايات

[حاج هاني]

الاخوة / الاخوات الاعزاء  احب اسال الجميع خاصة من اهل خبرة اي من الولايات الاكثر امانا

[mrlooseurself]

صباح الخير اخي العزيز
اني البارحة جنت احجي بهذا الموضوع ويا صديق العمر مالتي ... بكنتاكي
وسولفنا من جميع النواحي على ولاية كنتاكي ويكول حلوة ومابيها اي شغلة صارت سلبية مثل حوادث سرقة او او الخ
وحتى زنوج مابيها
ويكول ولاية هادئة وحلوة وقريب عليها جورجيا هم زينة
بس كنتاكي زينة مية بالمية من ناحية الامان ومااعرف بعد اكيد انته بداخلك رأي شخصي وتحياتي

[hamada2]

اي كنتاكي حلوة وزينة من جميع النواحي حسب احد المعارف هناك

على الاقل العراقيين الساكنين بيهة من ابناء البصرة 

مو من ال ,,,,,ة


 

[احمدمالك]

up

[tukwila]

اي كنتاكي حلوة وزينة من جميع النواحي حسب احد المعارف هناك

على الاقل العراقيين الساكنين بيهة من ابناء البصرة 

مو من ال ,,,,,ة


 

؟؟؟؟؟؟؟؟؟؟؟؟

[tukwila]

السلام عليكم
اخويه عدك ولايه واشنطن استيت  مو العاصمه
هاي امينه كلششششششش  بس فرص الشغل بيه معدومه اني عشت بمنطقه اسمه سبوكان كلش حلوه بس عيبه شغل ماكو
بس كاعائله تكدر تعيش بالمساعدات سد بسد
تحياتي

ولو هناك فرق شاسع بين سبوكان وسياتل لكن أؤيد كلام أخوية ألغالي أبو مريم 100%100

[steven_siv]

مقارنة بالعراق
كلهن امان

[ابو فرقان]

مقارنة بالعراق
كلهن امان

عمي ابو ليونا اخبارك مشتاقون شلونهة مدينتي ؟؟؟؟؟ الامان ماكو لو شنو ....... تحياتي الابو مريم

[حاج هاني]

يقول احد الاصدقاء ان فلوريدا ممتازة جدا من كل النواحي ما ادري هل كلامه دقيق ام لا / صحيح ان المهاجر بعد وصوله يكدر يحول لكن التحويل مو سهل ويحتاج وقت ومال وكذلك بهذلة و ا لواحد معايز بهذلة / تحياتي

[tukwila]

ألي أموره ألمالية جيدة ...
عادي يكدر أيبدل ألولاية في أي وقت ...
والي على كد حالة فخلي أيغيره قبل ميسافر أحسن لأن راح يخسر مبلغ كبير ...
 هذه نصيحه لوجه ألله عزة وجل

تحياتي

[اساور حمراء]

ياريت بقية الاعضاء يشاركون بهذا الموضوع ويفيدونه برايهم

[Nooraldeen Mustfa]

اخواني الكرام... السلام عليكم ورحمة الله
 انا شخصيا صار لي اسبوع  تقريبا هنا في مدينة (  كينويك / ولاية واشنطن ) ، ولا يمكنني الادعاء بان لدي معرفة بتوفر او مدى توفر العمل.. لكن عندي ملاحظة مهمة جدا بهذا الخصوص.
اتعجب واستغرب من بعض التعميمات التي يطلقها بعض الاخوان ( طبعا اكيد بحسن نية) فمثلا شخص يقول انه لا يوجد عمل في ولاية كذا وفي الغالب القياس يكون على التجربة الشخصية او على السماع و ما يقال.. اسمحو لي ان اعطيكم  مثال:
1 - شخص ( س) : لغتة الانجليزية جيدة جدا. لديه مهارات فنية. له قدرة على التعامل مع التكنلوجيا.
2 - شخص(ص) : لغته الانجليزية ضعيفة .لديه شهادة وبدون مهارات فنية. غير قادر على التعامل مع التكنلوجيا.

الان نرجع لمسألة توفر او عدم توفر العمل... الشخص (س) في الغالب يمكنه ان يحصل على فرصة عمل في اي ولاية حتى لو كانت فرص العمل محدودة  لسبب بسيط  وهو انه جاهز. في حين ان الشخص (ص) يصعب عليه ان يحصل على فرصة عمل حتى لو كان في ولاية تتوفر فيها فرص عمل واسعة والسبب مرة اخرى هو انه غير جاهز..... بعبارة موجزة ما يحدد فرص العمل بالدرجة الاولى هو:
 - مدى الجاهزية من حيث اللغة والمهارات الفنية والخبرة السابقة (لاحظوا اني لم اذكر الشهادة بالدرجة الاولى).
- مدى توفر فرص العمل في الولاية او المدينة.
- مدى الجهد الذي يبذله الشخص في التعلم وهذا يعتمد على الدافعية والحماس والارادة الشخصية.

لذلك اخواني الكرام من الضروري جدا ان تفكروا بهذه التقاط الثلاثة حين نتحدث عن العمل ومدى احتمالية او امكانية الحصول عليه.... يعني المسألة ليست محصورة بنقطة واحدة فقط هي الولاية او المدينة.

تقبلوا تحياتي

نور الدين مصطفى
كينويك - واشنطن

[احمدمالك]

يقول احد الاصدقاء ان فلوريدا ممتازة جدا من كل النواحي ما ادري هل كلامه دقيق ام لا / صحيح ان المهاجر بعد وصوله يكدر يحول لكن التحويل مو سهل ويحتاج وقت ومال وكذلك بهذلة و ا لواحد معايز بهذلة / تحياتي

اخوان معلومات عن ولايه فلوريدا لان عندي صديق يريد يروح اله والله ما ادري سئلني اسئل عن الولايه زينه لو موزينه من كل النواحي

[A.J 47]

ردا على الاخوه الي طالبين معلومات عن ولايه فلوريدا
اذا الله كتب اليه ولهائلتي السفر فراح تكون ولاية فلوريدا هي مقصدي جاكسون فيل تحديدا
بحسب كلام اصدقائي واحد سنكل والثاني عائله الشغل متوفر والمعيشه زينه وايجاراتها مناسبه السنكل عايش بمجمع غرفتين ايجارها 650 دولار والثاني ابو العائله ساكن بمجمع غرفتين ايجارها 850 دولار والمجمعين قريبين من بعض لكن توفر بعض الخدمات الاضافيه في المجمع الثاني جعل الايجار اكثر
امينه المنطقه الي ساكنين بيها
عملهم ابو العائله سايق تريله والسنكل سكيورتي
جاليه عراقيه موجوده هناك لكن بعيدين عن اصدقائي
الحجاب مسئله اعتياديه جدا بالولايه بحسب كلام اصدقائي طبعا انا اتكلم عن نضره الناس للمحجبات
المنطقه مختلطه كوبيين على سود على بيض نسبة البيض اكبر ثم السود يعني الكوبيين اقل شي والسود بحسب كلام اصدقائي ناس معتدلين لا محترمين جدا ولا عصابات بنفس الوقت
هاي اغلب الالسئله الي تروادني والي سئلتهم عليها
اي شي ثاني تطلبوه بلغوني واني اتصل بيهم واستفسر منهم بما يخص مدينه جاكسون فيل فلوريدا فقط
ها الجو مو احر من بغداد لكن رطبه بعض الشيء

[احمدمالك]

ردا على الاخوه الي طالبين معلومات عن ولايه فلوريدا
اذا الله كتب اليه ولهائلتي السفر فراح تكون ولاية فلوريدا هي مقصدي جاكسون فيل تحديدا
بحسب كلام اصدقائي واحد سنكل والثاني عائله الشغل متوفر والمعيشه زينه وايجاراتها مناسبه السنكل عايش بمجمع غرفتين ايجارها 650 دولار والثاني ابو العائله ساكن بمجمع غرفتين ايجارها 850 دولار والمجمعين قريبين من بعض لكن توفر بعض الخدمات الاضافيه في المجمع الثاني جعل الايجار اكثر
امينه المنطقه الي ساكنين بيها
عملهم ابو العائله سايق تريله والسنكل سكيورتي
جاليه عراقيه موجوده هناك لكن بعيدين عن اصدقائي
الحجاب مسئله اعتياديه جدا بالولايه بحسب كلام اصدقائي طبعا انا اتكلم عن نضره الناس للمحجبات
المنطقه مختلطه كوبيين على سود على بيض نسبة البيض اكبر ثم السود يعني الكوبيين اقل شي والسود بحسب كلام اصدقائي ناس معتدلين لا محترمين جدا ولا عصابات بنفس الوقت
هاي اغلب الالسئله الي تروادني والي سئلتهم عليها
اي شي ثاني تطلبوه بلغوني واني اتصل بيهم واستفسر منهم بما يخص مدينه جاكسون فيل فلوريدا فقط
ها الجو مو احر من بغداد لكن رطبه بعض الشيء

شكرا اخي على الرد اخي العزيز

[كريت]

ماكو ولاية بامريكا ما بيهة شغل بس الفرق بالايجار والسكن فنيويورك وفرجينيا وكالفورنيا غالية واقل ايجار 15 ورقة بينما اكو ولايات مثل تكساس وكولورادو وايوا ويوتا واريكون ارخص من هاي الولايات ولهذا العيشة تكون بيهة احسن
تحياتي

[alialiali10099]

اخواني الاعزاء اهل الخبرة
ولاية ارزونا ماذا تعرفون عنها ارجوووو المساعده منكم رجاءا

[حاج هاني]

والله اخي يكولون حارة وجوها صحراوي

[(COBRA)]

u>>>>>>>>>>>p