المحرر موضوع: مـربـعـاتْ شـعـْبيـّـه انـتـخـابـيـّه  (زيارة 709 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 611
    • مشاهدة الملف الشخصي
    • البريد الالكتروني
مـربـعـاتْ شـعـْبيـّـه انـتـخـابـيـّه
ميـسـون نعيم الـرومي
 
مرشَحنه عـَفـيـف او خـالـيـَه اچــفـوفـَــه
والـيـحـچـيْ الـصـدگْ طاگـيـتـَه مـَزروفـَه
 
لـون الـبـَنـَفـْسـَجْ حِـطـّه
اصبـعـكْ حـطـّه اوغـطـْه
لـَتـْـكـَررْ انـتَ الـغـَـلـطـَه
اسـمـَه للشـَعـَبْ ! مـَعـروف بـحـروفـَه 
والـيـحـچـيْ الـصـدگْ طاگيـته مـَزروفـَه
ـــــــــــــــــــــــــــــــ
انـْتـَخـْبـوا نـايـبـْـنـه إجــَه
نـنـتخـبْ بـَسْ مـاكـو رجه
بـــسلاحْ رَبـْعـَه امـدَجْــجـه
ارواح الشـَعـَبْ تـهتـف اومـَـلهـوفـَـه
والـيـحـچـيْ الـصـدگْ طاگيـته مـَزروفـَه
ــــــــــــــــــــــــــــــــــ
خـَطـتْ اسـْمـهَهَ او رَشـْحـتـه
صـورة رَجـلـْههَ اوحـَطـِــتـَه
وابًّخــَتـهَ هـالـفـَتـوَه فـِـــتــَـه
فـَــتوه او بالچذب يـاشـَعـَب مـكـشـوفـه
والـيـحـچـيْ الـصـدگْ طاگيـته مـَزروفـَه
ـــــــــــــــــــــــــــــــــــ
لـلــْبـَرلـَمـانَ امـْـرَشــــّحـَـهَ
تمشي صَفـحْ وامشَرشحَه
ياهـو الـتلزمــه او تـنـْصحَـه
نـَصـيـحـَة نايـبْ ! اوهـالـِّزمـَتـَه الـخـوفـَه
والـيـحـچـيْ الـصـدگْ طاگـيـته مـَزروفـَه
ــــــــــــــــــــــــــــــــــ
بـاعـوكْ بالـسـرْ ياشـَـعــَبْ
اتـشـاوْدَوْ شـَرقْ او غـَرب
نـايـبْـنـَه بالمَجـْلسْ خـطــَب
يـخـْطـبْ رايـدْ امـنْ الـَـنفـط مـَصروفـَه
والـيـحـچـيْ الـصـدگْ طاگـيـته مـَزروفـَه
ـــــــــــــــــــــــــــــــــ
الـنـَخـَلْ مـاتْ ابـْسـَعــْفـَه
والـمـاي نـاطــرْ حـَتـْفــَه
اســلـيـَمـَه تـطـمـْه اتـكـرفه
ايـخــًـون شـعـبـه او بالـنـهار ايـحـوفـه
والـيـحـچـيْ الـصـدگْ طاگـيـته مـَزروفـَه
ــــــــــــــــــــــــــــــــــ
گـَرْعَه او تساوتْ وامْ شـَعـَرْ
اســْليـمه الــتـطـمـكْ يـادَهــَر
شـَــيَّـخْ العـَگـْرگْ عَ الـَنـَهـَـر
يـا مـاي الـنـشَـفْ ! يـا حـيـفْ بـــجـروفـَه
والـيـحـچـيْ الـصـدگْ طـاگـيـتـَه مـَزروفـَه
ــــــــــــــــــــــــــــــــــ
امـْحــَوَط ابـهـذا السـُـــور
والزمن كـل وَكـتـَه ايـــدور
جـاكْ الـْســَـره يـالـزَرزور
تـِــخـاف احـجـار مـن الگاع مـگـطـوفـه
والـيـحـچـيْ الـصـدگْ طاگـيـتـَه مـَزروفـَه
ـــــــــــــــــــــــــــــــــــ
شـَگْ الـمـصيـبـَه اچـْبـيـرَه
رگـْعــْه يَــويـليْ ازغــيــرَه
ظــَلْ الــوَطــَــنْ لـمـْطـيــرَه
بـيـه اتـْطــيـرْ والـنـايـــب ظـِهــَر خـوفــه
والـيـحـچـيْ الـصـدگْ طاگـيـته مـَزروفـَه
ـــــــــــــــــــــــــــــــــــ
صـَفـْقـاتْ سـَويـتـوا اشـْكـثـرْ
ســكـْرابْ وابـْسـعـرْ الـصـفـر
شـَـكـْتـبْ بـَعـَدْ مـاضـَلْ حـبـرْ
مـَحـابـِـرنـَه تـراهـَـه الـْـيـوم مـَـكــْروفَــه
والـيـحـچـيْ الـصـدگْ طـاگـيـته مـَزروفـَه
ـــــــــــــــــــــــــــــــــــ
آذار / 2013
سـتـوكـهـولـم