ارجو منكم النصيحة

[I wish]

اعزائي الاعضاء

ارجو منكم النصيحة....لقد توفرت لي فرصة عمل ثمينة في تركيا و براتب مغري جدا...لكني و قبل اسبوعين تقريبا وعند زيارتي اليومية لموقع المنظمة وجدت ان الامنية قد اكتلمت وان ملفي فعال و على النحو الموضح ادناه

ارجو منكم النصيحة

هل اسافر الى تركيا
ام ابقى في العراق و انتظر السفر
وما هو تقديركم لحالة ملفي

علما انني قدمت الطلب منذ سنة 2009 رقم الكيس 106XXX...مقابلة محلفين مرتين..بصمات مرتين..فحص طبي ثلاث مرات الخ الخ

Name (الاسم)   Status (الحالة)   Note(ملاحظة)
Case Status (حالة الملف)   ACTIVE (فعال)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   IN PROCESS (فعال)   
Security Review (التشييك الامني)    COMPLETED (مكتمل)   
Travel Status (حالة السفر)   NO ACTIVITY (غير فعال)   
Destination City(المدينة)   Lakeside,CA   
Airport Code(المطار)   SAN

ارجو الجواب

[ابو سماني]

أخــي العـــــزيزة

أولا الاســــتــخارة وسؤال الله أول عمل تقوم بيــه

ثــانيــا أنــتــه أعـرف النــاس بحــالتك أذا أنته

حياتك طبيعية على شنو الغربة...وخصــوصا

اذا العمل بتركـيا بعمل وعقد طويل المدى وبراتب عــالي جدا

لا ضــيعــه بس تبقى نقطــة مهمة جدا جد هي الاســتقرار

والتعليم اذا عندك اطفال هــاي مســألة مزعجة

أمــا أذا عــندك فلــوس وضعــك مرتـاح جدا بوجــهك لأمريــكا

أســـتقر وثبت نفسك ولا تنســى  أن تكــون قادر أن تعمل أي عمل

يجيبلك رزق حلال عامل أو غير....حــتى ترتقي تدريجيا

وتبقى نقطة مو بصالحك اذا اردت البقاء بالعراق أو السفر لتركــيا

بأنه عـمرك مراح ترتاح وتستقر أبدا أبدا بالعراق رعب وخوف وبتركيا

يخلص عقدك أو اقامتك يكلولك الله وياك لو بعد 30 سنة

ابو ســماني

[I wish]

شباب اني ممنون منكم

من خلال خبرتكم

شنو رايكم بحالة الملف مالتي؟؟

و شكد تتوقعون وقت لما يجيني موعد سفر على اعتبار اني قضيتي قديمة من سنة 2009 رقم كيس 106XXX و مخلص كلشي حتى الامنية مكتلمة

ارجو منكم النصيحة

[jack black]

صدك مبقى شي وتبشرنه بسفرك

[ابو سماني]

أنــــتــــظر يــــومــين إلى أســــبوع يتحــول السفر أنتــظار معــناها

أقصــى شيء أسبــوعــين من تحول الســـفر أنتــظار أســـافر

تقبل تحياتي
ابـو ســماني

[I wish]

فدوة لحلكك اخوية ابو سماني

[مها العراقية]

الله يسهلك ويجيك موعد سفر قريب انشاء الله
يا تركيا عيني يا عمان يا سوريا يا دبي هي كل هاي الدول انت ضامن تبقى بيها على حجاية الاخ ابو سماتي
الامارات ورى 12 سنة بيها يشتغلون وعقود عمل ونسحبت اقاماتهم ونفس الشي بكل البلدان العربية
عيني اتغرب واتعب بامريكا كم سنة وبحصل الجنسية وبعدين روح سوي عقود وباضعاف الراتب لانه جنستك اجنبية
واختار وين تستقر كول يا الله

[نيكول كيدمان]

امريكا بالتاكيد ولاتفكرون بغيرها
فلوس شنو امام الاستقرار النهائي
الله يفتحها بوجهكم ويكويكم وتبشرونا بسفركم

[Emerald]

اخي العزيز انت مهما بقيت بتركيا يجي يوم وتعوفها برضاتك او مو برضاتك لان اقامتك تخلص واحتمال عملك يروح باي لحظة
 وبخلال فترة وجودك بتركيا مراح تستفاد شي بس ماديا لان مرااح تحصل جنسية ولاغيرها مجرد اقامة مؤقتة وحترجع للعراق
اما بامريكا حتروح هناك تصير مواطن امريكي حالك حال اي شخص امريكي بالحقوق والواجبات
 صح راح تبدي من الصفر بس النتيجة مضمونة محد راح يجي ويطردك بيوم لان يعتبر بلدك صار وتعيش باستقرار وارتياح

وانت بقت يمك انت تعرف شنو الي تريده والي يريحك احنا مجرد دننطيك اراء وانت فكر وشوف مصلحتك وين
وبالنسبة لحالة ملفك كولش زينة ماشاءالله بس عندك الفحص الطبي فعال !!! شنو خلصت المدة مالته ؟؟
وعلى كلا ان شاءالله مبقالك شي ونسمع خبر سفرك وتفرج على جميع المنتظرين يارب


تحياتي اختك
Emerald من سورية

[أحمد واشنطن]

رأيي الشخصي، روح التركيا اشتغل، وبس يجي موعد سفرك اشلع الامريكا... بالتوفيق