اخواني وخواتي ممكن مساعدة

[طائر الاحلام]

السلام وعليكم
شلونكم شخباركم انشالله بخير
طبعن اني جديد بالمنتدى
اني سمعت انو هذا منتدى بيت وبالفعل هذا بيت لكل عراق محتاج 
أحي كل واحد بهذا المنتدى لان انتم تساعدون كل واحد محتاجكم
طبعن اني عايش بامريكا صارلي سنه والحمدالله كولشي بخير
فد عدي كم استفار الي هي بتي بالعراق اني قدمت الها على لاجوء والحمدالله قابلت المقابله الاولى وثانية وسوت فحص الطبي
والحمدالله قبل ايام اجوي الها خطابه ونخطبت وخطيبها عده فيزه لمده سنة لكن هل يكدر يقدم على لاجوء لمن يجي لامريكا؟؟ هل ممكن هذا شي لو لا  واستفار الثاني بتي عدها حالة ملف معلق هل هذا الشي طبيعي

 

[ام اديان]

اهلا وسهلا بيك اخي الكريم وان شاء الله تلكه جواب لكل اسئلتك بهذا المنتدى.
بالنسبه لخطيب بنتك الصراحه ماعندي جواب وهسه يدخلون الاخوان ومايقصرون .
اما بالنسبه لبنتك وضع ملفها جدا عادي هوايه ملفات وضعها معلق او هولد وره فتره يتحول الملف ان شاء الله. الله يسهل امرك ويجمعك ويه عائلتك بالقريب العاجل بأذنه تعالى.
تقبل مروري وتحياتي

[عمدة فرجينيا]

اتوقع يكدر وبالنسبة لبنتك لاتشيل هم مثل ما كالت الاخت ام اديان وربي ايسهل امركم

[Awsaws]

نعم اخي توكل محامي مختص بلاجئين ويتراوح تكلفته من 200دولار الى 5000 حسب الولايه والمحامي وتتراوح الفتره  من6اشهر سنه حتى يحصل الجوء طبعا هاي معلومات من صديق كان جاري وحاليا هو بكلفورنيا سنتياغو ارجو ان اكون قد مت لك معلومه ولو بسيطه وان شاء الله الاخوان يلي عنده خبره يصحح اذا اكو خطء
تقبل مروري مع تحياتي

[um shaheen]

كل الهلا بيك اخونه الغالي في بيتك الثاني ويارب نكون عند حسن ظنك
بالنسبه لملف بنتك شغلتها طبيعيه وهوايه ملفات معلقه وان شاء الله تفرج عليها بالقريب العاجل
بالنسبه لخطيبها يكدر من يوصل يوكل محامي ويمشي بأجراءات عادي ويحصل لجوء
لا تشيل هم وان شاء الله سهله وبالموفقيه يارب
تحياتي
اختك ام شاهين

[طائر الاحلام]

مشكورين والله متقصرون
والله هسة ارتاحيت
بس عدي سؤال
هل تكدر بتي تسوي عقد زواج بالمحكمة هل هذا يأثر عليها لو لا
طبعن هي هسة واصلة للتشييك الامني
^_^