السلام عليكم يا اخوان واخوات الموقع العزيز .... بعا اليوم كان اكو تجمع بال اي او ام وما اسولفلكم على الاعداد ولو كانت قليله نسبه الى الاعداد الي شفتها قبل اربع شهور ... بس طبعا الهوسه والعركه والصياح كان لازم يكون موجود .. والكل طبعا دخل ماكو واحد يجي بال اربع الصبح يدخل قبل لان الكل نفس الشي الي اجا بالاربعه والي اجا با ثانيه الصبح هم دخل ..... دوختكم بالتفاصيل البسيطه الى كانت موجوده .. بالنسبه الي انا ووالدتي طبعا المسؤوله الي قابلتني حكت ان انتو المحلفين موافقين عليكم وملفاتكم انتى والوالده فعال بس انتظار الامنيه ... وحكيت لها عن حاله الوالده الصحيه حكت ليش مجايبه لنا تقاريها كتلها مو قبل اسبوعين كنا بالخالدي وعرفو بحالتها حكت لا جيبيها لنا احسن ... استغربت بس راح ادزها ايميل والله كريم وهو المستعان .... دوختكم بالسوالف بس حبيت تعرفون ان اهم شي تاخدون تقارير طبيه للمنظمه ميفيد الي تروح للمستشفى.... واحتاج دعواتكم ياغاليين والله يوفق الجميع ويسهلها على الجميع .. اختكم زازو
