شباب مساعده ربي يخليكم لأن نفسيتي تعبت

[ehab282003]

السلام عليكم شباب

اني اشكر كل الاخوان والاخوان لان دخلو ع الموضوع ونيتهم يساعدون ... اني عندي استفسار وهو

تفاصيل ملفي كالتالي:

IZ-137
مقابله اولى : 20-12-2012
فحص طبي صار فعال يوم 13-1-2013
كملت الفحص يوم 12-2-2013
صار بالموقع مكتمل يوم 7-3-2013


اما استفساري كلله عن موضوع المحلفين وحالتي وياها صارت كالتالي:-

يوم 23-1-2013 صارت فعال و وره كم يوم رجعت غير فعال
وبعد ما كملت الفحص الطبي رجعت فعال يوم 6-3-2013

اللي مدوخني انه لحد الان ماكو اي اتصال او ايميل منهم ... يعني راح يصير شهر وماكو شي خبر من الاي او ام ... يعني معقوله هايه الفتره طبيعيه هلكد يبقى فعال ؟ قبل فتره ولد كال اني صارلي 8 اشهر فعال مقابلة المحلفين وكولشي ماكو ... خايف لا تنام عليه الطابوكه وكمت وراسلت المنظمه ع بريدهم التالي:
ic@iom.int
بس الغريبه انه حتى ما اجاني اي اشعار انه تم استلام الرساله ... وجربت اكثر من مره ونفس الشي ماكو اي رد ...

اتمنى من اللي عدهم خبره يساعدوني ويكولون اللي شنو الوضع مال قضيتي لان تعبت بالله العظيم وللعلم اني مقدم على اخويه ... واخويه رقمه 132 ... مقدم قبلي ومكمل كولشي وحتى الفحص الطبي مالته راح يصير اكسباير والامنيه بيندنك لحد الان

ارجو من الاخ سنكل مان انه يفهمني لان حسب ما قريت بالمواضيع كلامه بيه نسبة صحة كبيره ...

ارجو المساعده من الجميع وربي يوفق الجميع ونسافر ونرتاح ونسوي لنفسنه شي بهالدنيا

[/b][/color]

[apple iphone]

حبي كول الحمدلله صارت فعال ولاتضوج ولا شي اصلا المفروض تفرح فعال يعني على جدولة المقابلة يعني حيحددولك موعد . اكو ناس صارلهم 8 اشهر مكملين مقابلة اولى وفحص ولحد الان عدهم غير فعال اني من الناس ورة الاولى بخمس اشهر يلة قابلت الثانية

تحياتي وبالتوفيق

[سرب الطيور]

اخي احمد الله على مااتاك واستبشر خير ملفك بخير وماشي على احسن حال
وان شاء الله قريبا يتصلون عليك
تمنياتي لكم بالتوفيق
اختكم سرب الطيور

[ehab282003]

اني اشكركم شباب ... وممنون منكم ... بس يعني شتكولون وره شكد مما تصير مقابلة المحلفين فعال يتصلون بيه .؟؟؟

ممنون منكم وتعبتكم ويايه

[apple iphone]

اني اشكركم شباب ... وممنون منكم ... بس يعني شتكولون وره شكد مما تصير مقابلة المحلفين فعال يتصلون بيه .؟؟؟

ممنون منكم وتعبتكم ويايه

لا حبي بالعكس لا تعبتنة ولا شي تدلل . يعني هي ماطول فعال واذا حالة الملف هم فعال متطول ان شاء الله اتوقع بالرابع يخابروك علة مقابلة بس توكل على الله وهي تجيك

تحياتي وردة