المحرر موضوع: تغير الولاية بهاي المرحلة الاخيرة (زيارة 830 مرات)

سيناريو · « **في:** 14:53 30/03/2013 »

السلام عليكم هل تغيير الولاية ياخر الامنية علما اني السفر انتظار والتشيك الامني مكتمل
وهل يصير اغير هسة وشكوللهم ؟؟؟؟؟؟؟؟؟؟؟؟؟

أسراء الوردة · « **رد #1 في:** 15:02 30/03/2013 »

وعليكم السلام ورحمة الله وبركاته

الولاية جزء من الأمنية

تغير الولاية الأن يأخر من شهر الى ثلاثة أشهر ( والسؤال هل ستصمد الأمنية )

عند سفركم ووصولكم بالسلامة أن شاء الله غير الولاية حيث ملفكم على جدولة السفر

وفقتم للخير

سيناريو · « **رد #2 في:** 15:08 30/03/2013 »

بالمناسبة اني لازم اغير الولاية لان ابد ما مقتنعة بيها (اريزونا) وخايفة منها ولو موت ماروح مكان ما مقتنعة بيه لهذا السبب قررت اغير الولاية وشيريد يصير خلي يصير وهسة اني خالة بالي ولاية شيكاغو لان بيت خالي هناك انتو شنو رايكم بولاية شيكاغو؟؟؟؟؟؟؟؟؟؟؟ظ

سيناريو · « **رد #3 في:** 15:15 30/03/2013 »

up لنفسي

لاجىء محتار · « **رد #4 في:** 15:18 30/03/2013 »

تغير الولايه سهل بس دزلهم أيميل و كلهم انو كفيلك صار عنده حالت طوارئ وميكدر يكفلك لذلك أريد احول الكفيل جديد وتنطي عنوان الكفيل الجديد الكامل .

سيناريو · « **رد #5 في:** 15:26 30/03/2013 »

هم بعد up اريد اعرف عن شيكاغو ؟؟؟؟؟؟؟؟؟؟

ام اديان · « **رد #6 في:** 15:39 30/03/2013 »

اختي العزيزه سيناريو اي اضافة عالملف راح تسبب تأخير الملف وانتي ماصدكتي تكمل الامنيه يمعوده لخاطر الله لا تسوين اي تغيير هسه .عود من تسافرين ربج يحلها .لا تتورطين هسه اخاف مثل مكالت الاخت اسراء لا تصير الامنيه اكسباير وترجعين تنتظرين من جديد.اختي لمصلحتج لا تغيرين الا اذا عندج شي ثاني وتردين ملفج يتأخر براحتج .بس اذا علمود شغلة الوظيفه لاتفكرين بيها ياما ناس تركت وظايفها واملاكها لمصلحة اطفالها ولمستقبلهم .اسفه للاطاله بس والله انقهر لمن اشوف واحد صبر وتعب ومن تجيه الفرصه يتردد.اسأل الله ان يهديكي للصواب .بالتوفيق ان شاء الله.

سيناريو · « **رد #7 في:** 15:55 30/03/2013 »

عذريني ام اديان بس والله بعد ميهمني تتاخر لو لا المهم ارتاح بمكان زين ومثل ما حضرتج تعرفين الوظيفة وشغل زوجي يصفيه يعني محتاجين جم شهر نصفي وضعنا والتسهيل من الله وانشاء الله يوم سفرك باقرب وقت

ام اديان · « **رد #8 في:** 16:03 30/03/2013 »

اختي العزيزه سيناريو انتي اعرف بوضعج اكثر من اي واحد ثاني واعذريني يمكن ردي كان بيه قسوه شويه بس والله من حرصي واتمنى الكل يسافر ويرتاح.الله يسهل امركم ويهديكم للقرار اللي بيه صالحكم وان شاء الله ما تندمون عليه .بالتوفيق والله يسهل امر الجميع.

سيناريو · « **رد #9 في:** 16:07 30/03/2013 »

بالعكس مابيه كلامك اي قسوة كلج ذوق انشاء الله اسمع بخبر سفرج

تحياتي ام مريم

ORCA · « **رد #10 في:** 16:26 30/03/2013 »

بس راح يتاخر سفرك بهيج حاله

Emerald · « **رد #11 في:** 16:33 30/03/2013 »

اختي العزيزة لاسمح الله خاف يتأخر سفركم هواية ويحطوكم عالشحن وبعدين تكومين تكولين ياريت رحت وبعدين غيرت
اختي منو كلج اريزونا موزينة لاتعتمدين على حجي احد من الناس كل واحد ووجهة نظره اني صح مااعرف اي معلومة عنها للمدينة
بس صدكي مهما كانت سيئة مو اسوء من وضع العراق والدول العربية بهالوقت
ف يااختي اوصلي بخير وسلامة وراسا غيري بنفس الاسبوع
وانتي بقت يمج احنا العلينا ننصحج لان انتي اخت عزيزة

تحياتي اختج
Emerald سورية

عيني بعين الله · « **رد #12 في:** 16:44 30/03/2013 »

السلام عليكم

طبعا هو الافضل تتوكلين على الله و تسافرين و مثل ما كالن الخوات يحلها ربج بس اذا قلبج ما ممرتاح اسمعي كلامه لان قلب المؤمن دليله و كذلك انت بالج يم خدمتج و سبق و سالتي عنها و كذلك تصفية اعمال ابو الجهال فنصيحتي حتى لا تلومين روحج و تضوجين سوي اللي تحسين بيه يريحج و الله موجود يسهل اموركم و اي شي تحتاجينه احنه كلنا وياج

تحياتي

ابو محمد

Awsaws · « **رد #13 في:** 16:50 30/03/2013 »

سلام عليكم
اختي شنو المانع تغيرون ولايتكم بعد السفر ما راح تفرق بس اذا انتي محتاجه وكت اكثر فتردين سبب للتاجيل فهذا بحث اخر
تمنياتي الكم بلوفيق والله يرشدكم الى خير السبيل

برنسو · « **رد #14 في:** 19:09 30/03/2013 »

هذا UP لجماعة شييكاغووو حتى يساعدوج بمعلومات عن الولاية

واتمنالج الموفقية باي قرار تتخذيه ...

تحياتي ..... برنسو

alzandawi · « **رد #15 في:** 19:15 30/03/2013 »

اختي الفاضله عندي معلومه احتمال تفيدك اصدقاء الي كانو باريزونا وكلش مرتاحين وسبحان الله حولو على شيكاغو شيكاغو يكولون حلوه ومتطورة بس مشكلتهه شغل مو مثل أريزونا تلكين واريزونا مناسبه من حيث الإيجارات هسه ضعف الإيجار ديدفعون وشغل ماكو بس أشغال بسيطه بس حبيت افيدج بلي اعرفه والله يوفقكم ويسهل أمركم

(COBRA) · « **رد #16 في:** 19:44 30/03/2013 »

تاخير الكفيل والولايه يطول اقص حد من 3 اشهر الى 6 اشهر ........
وهاذا من كلام موظفي الاي او ام ............
الخير فيما يختاره الله

سيناريو · « **رد #17 في:** 20:42 30/03/2013 »

شكرا لجميع الردود والله هي بالدرجة الاولى اريد احول علمود اكسب وكت بس والله العظيم زوجي شغله ما مصفيه وعدنا دين بركبتنا بعدنا ما مسدديه بلكي جم شهر ونخلص شغلاتنا حتى اخذت استخارة اكثر من عدة مرات تطلع السفر حاليا بيه خسارة وعذاب ومتعرفون بداخلي شون عاجبني اسافر واخلص خصوصا اجه الحر والتراب ومقهورة بداخلي بس شسوي اخاف الح على زوجي وبعدين اي شي يصير مو زين يذبها براسي ويظل يلوم بيه خليته على راحته وانشاء الله التاخيرة بيها خيرة وكلشي قسمة ونصيب

steven_siv · « **رد #18 في:** 20:47 30/03/2013 »

لا
مالة علاقة
ونصيحة اذا ماضامن الولاية من ناحية الشغل اتاخر سنة ولاتروح لولاية تتبهدل بيها

Sensie · « **رد #19 في:** 20:57 30/03/2013 »

تحية طيبة ..

كلامي يشمل الSIV لان انتي ممحددة اذا انتي IOM لو SIV

افضل وقت لتغير الولاية بدون التسبب بتاخير للكيس مالتك هو عند استلام الفيزا وتكون مدتها 3 اشهر هذا الوقت اكثر من كافي لتغير الولاية بدون التسبب باي تاخير ..

صديقي اجته الفيزا شهر ونص لان جانت رح يخلص الفحص الطبي مالته لذلك صارت عليه شهر ونص فقط الفيزا وكدر ينقل من ولايته الى ولاية اخرى بهذه المدة القصيرة ..

تحياتي

سيناريو · « **رد #20 في:** 21:25 30/03/2013 »

مقتبس من: Sensie في 20:57 30/03/2013

تحية طيبة ..

كلامي يشمل الSIV لان انتي ممحددة اذا انتي IOM لو SIV

افضل وقت لتغير الولاية بدون التسبب بتاخير للكيس مالتك هو عند استلام الفيزا وتكون مدتها 3 اشهر هذا الوقت اكثر من كافي لتغير الولاية بدون التسبب باي تاخير ..

صديقي اجته الفيزا شهر ونص لان جانت رح يخلص الفحص الطبي مالته لذلك صارت عليه شهر ونص فقط الفيزا وكدر ينقل من ولايته الى ولاية اخرى بهذه المدة القصيرة ..

تحياتي

حلو بس اني iom

جورجيا · « **رد #21 في:** 22:01 30/03/2013 »

اختي سيناريو
ما انصحج هسه بتغير الولايه
لان اتاخرج واتروح اتصير الامنيه اكسباير وتعال عيد من جده وجديد ويه الجماعه
واني بلنسبه الي من حولت الاريزونا جانت نتيجه استشارات كثيره والي بيها نصحوني اروح الاريزونا لكونها ولايه جيده من عده نواحي
فارجو التريث بقرارج حاليا
بس شنو الاسباب الي دفعتج للرغبه بلتحويل بهذه المرحله بلذات خصوصا بعد اكتمال امنيتج؟
تحياتي
اختج
جورجيا

ام اديان · « **رد #22 في:** 22:29 30/03/2013 »

اختي العزيزه مبين بعد هواي امور وراكم وما مستعدين حاليا للسفر لا تبقين قلقه سوي اللي يريحكم انتي وزوجج وغيري الولايه من هسه اذا تردين حتى تصير سبب التأخير اقلها تتأخرون كم شهر احسن ماينطوكم موعد سفر وتأجلون والتأجيل حسابه يختلف واحتمال تتأخرون اكثر وصفي نيتج والخيرة في ما اختاره الله.

Wingo · « **رد #23 في:** 23:37 30/03/2013 »

أختي صدك تحجين ؟!
أختي توكلي على الله روحو دخلو أمريكا و إستلمو ال I-94 و عود بعدين وين ما تريدين داخل أمريكا روحي، عسى ما لألاسكا !
أختي الله يحفظج و الله ضغطي إرتفع بس قريت كلامج
الناس تنتظر سنين بس حتى يجيها موعد سفر و بعدين بس توصل هناك الله يحلها، قولي يا الله أختي و لا تفكرين بأي تغيير هسة.

عراقي نبيل · « **رد #24 في:** 07:00 31/03/2013 »

سلام عليكم
اختي شنو المانع تغيرون ولايتكم بعد السفر ما راح تفرق بس اذا انتي محتاجه وكت اكثر فتردين سبب للتاجيل فهذا بحث اخر
تمنياتي الكم بلوفيق والله يرشدكم الى خير السبيل

كلام سليم مئة بالمئة اتفق معك

um shaheen · « **رد #25 في:** 07:27 31/03/2013 »

يارب ربنا يهديج للقرار السليم
اختي الغاليه أسمحيلي انطيج رأيي وأكيد القرار يرجع بالاول والاخير الج ولزوجج ويارب يحفظكم ويسعدكم
عوفي كلشي وتوكلي على الله وطلعي ويارب بكل خطوه الف سلامه وبالتوفيق ان شاء الله
تقبلي مروري
اختج ام شاهين

الأخبار:

المحرر موضوع: تغير الولاية بهاي المرحلة الاخيرة (زيارة 830 مرات)