اخواني و اخواتي المعلقيين الصابرين
طبعا صار فتره اني و جماعه من المعلقيين نروح للاي او ام بغير ايام الخميس و اقربائنه بامريكا ايضا يرحون ويستفسرون , المهم النتيجه انه ملفاتنه و اني دا اقصد القدامى بالتعليق يعني اكثر من سنه تعليق و الاغلبيه مو الكل من المعلقيين ملفاتهم مهمله نعم مهمله ما اكدر ادخل بالتفاصيل لاين الحجي رح يطول بس صدكوني اني و اصدقاء الي معلقيين تاكدنه انه ملفاتنه مهمله بحيث واحد من اصدقائي صارله سنتين معلق الاسبوع الفات يكلوله انه انت ممقابل محلفيين لاين اتصلنه بيك مرتين و انت ماكو و اني همين صار بيه تقريبا نفس الشي هذا الحجي مو منا و انما من امريكا بعد ما وصلنه صوتنه عن طريق ناس امريكان ساعدونه النتيجه انه ملفاتنه خاصه القدماء واكفه بمكان ما و مدتتحرك فلازم احنه نتحرك . الخلاصه اني و جماعه من المعلقيين راح نروح الاربعاء المصادف 3-4-2013 الساعه 12 ظهرا للاي اوم ام ما طول المحلفيين موجودين لاين محد رح يسمعنه اله همه و مثل ما قبل شهور رحنه ومن وراها سوونه الخميس للاستفسار هسه همين رح نطلب مسؤول لاين اني و قسم من المعلقيين قبل فتره رحنه ولحينه عليهم ووراها قابلنه مسؤول بس المحلفيين يوقته ما كانوا موجودين ف الي يحب من المعلقيين يجي هله بي عل الاقل مرح نخسر شي لاين همه يجوز يبقونه سنين عل هل الوضع.
ابن بطوطه عمان
شكرا على جزيلا اخي الكريم على الموضوع و على المبادرة
الحقيقة كلامك صحيح اغلب ملفات المعلقين مشكلتها الاهمال لا اكثر و لا اقل خاصة الي عبروا السنة على التعليق و انا عبرت السنتين و لحد الان تعليق و انا بحوشت هواية ماكو هيجي شي تعليق يبقى طول هالمدة فهي ملفاننا تنام يم جهة معينة لان ماكو احد يحركها و الا او ام كلما نراسلهم يجاوبونا بكليشة المعلقين الكشرة
زين هسه لحد الان ما شفت واحد مثلي عبر السنتين و بعده تعليق
انت سامع بهيجي شي من جماعتك المعلقين يعني اكو نفس حالتي؟
تحياتي
