ارجو المساعدة

[رياض ركابي]

السلام عليكم اخوان عندي بعض الاسئلة اذا واحد يكدر يساعدني 1-شنو المقصود ب family book هل هو قيد 57 ولازم واحد يسوي لكل فرد من العائلة ولازم يكون مترجم 2-عقد الزواج لازم يترجم 3-بالنسبة للعدم محكومية لازم من بغداد يعني من المحافظات مايصير  اكدر اسويها ولازم الي ولزوجتي ولازم اترجمها 4-شنو المقصود بال us Id اللي طالبيها من عندي انه عندي الباجات بعد شنو غيرها 5- مطلوب مني اسوي فحص طبي لو لا حاليا همه ماذكرولي بالرسالة بس للسرعة اسوي لو انتظرهم يكلولي سوي فحص. اسف على الاسئلة الكثيرة واذا اي احد يكدر يجاوبني لايقصر تحياتي للجميع

[عيني بعين الله]

السلام عليكم اخي

واضح من سياق كلامك موضوعك يخص اس اي افي و يا ريت الاخوات و الاخوان جماعة اس اي في يفيدوك بخيرتهم و بالنسبة الي ما عندي خبرة اكدر افيد جنابك بيه

يا رب يسهل امورك و يوفقك

ابو محمد

[ANDME]

السلام عليكم اخوان عندي بعض الاسئلة اذا واحد يكدر يساعدني 1-شنو المقصود ب family book هل هو قيد 57 ولازم واحد يسوي لكل فرد من العائلة ولازم يكون مترجم 2-عقد الزواج لازم يترجم 3-بالنسبة للعدم محكومية لازم من بغداد يعني من المحافظات مايصير  اكدر اسويها ولازم الي ولزوجتي ولازم اترجمها 4-شنو المقصود بال us Id اللي طالبيها من عندي انه عندي الباجات بعد شنو غيرها 5- مطلوب مني اسوي فحص طبي لو لا حاليا همه ماذكرولي بالرسالة بس للسرعة اسوي لو انتظرهم يكلولي سوي فحص. اسف على الاسئلة الكثيرة واذا اي احد يكدر يجاوبني لايقصر تحياتي للجميع

نعم اخي فاملي بوك هو نفسه صوره قيد 57 ولرب الاسره فقط بس يذكر بيه جميع افراد عائلتك يعني زوجتك واطفالك ومترجم ومصدق من قبل مترجم قانوني ومختوم بخنمه وتاخذ الاصليه والمترجمه ونفس الشي بالنسبه لعقد الزواج مترجم ومختوم مع النسخه الاصليه اما بالنسبه لعدم المحكوميه اذا يسوها بمحافظتك هم يصير احنا بوكتها طلعناها من اربيل اما بالنسبه ليو اس ايدي هي نفسها الباجات اللي عندك ومايصير تروح تفحص هم يدزولك ايميل مال الفحص تخابر المستشفى وتروحلهم ... بالتوفيق

[رياض ركابي]

الف شكر اخي ANDME

[رياض ركابي]

زين اخوان العدم محكومية بس الي لو زوجتي هم اسويها

[ANDME]

زين اخوان العدم محكومية بس الي لو زوجتي هم اسويها

عدم المحكوميه لك ولزوجتك وكل فرد من العائله ماعدا الاطفال وعالعموم السفاره راح تدزلك ايميل لكل شخص معاك وما مطلوب منهم انتظر الايميل منهم قبل المقابله كلشي يوضحون بيه وهذاك الوكت من اي فقره غير واضحه عندك هم تكدر تستفسر  وان شاء الله الاخوان مايقصرون ... بالتوفيق

[Yassenkov]

الاخ العزيز رياض

عدم المحومية الك ولزوجتك واذا اطفالكم اكبر من عمر 14 سنة يمكن ايظا يطلبوها ( انا مو متاكد بالنسبة للاطفال )

ولا تنسى انت تحتاج عدم محكومية لاي دولة اجنبية عشت بيها أنت او زوجتك او اطفالك اذا كبار بالعمر اكثر من 6 اشهر متواصلة - اذا كنت بالاردن تحتاج شي اسمه حسن سيرة وسلوك من المخابرات الاردنية

وبالتوفيق ان شاء الله

اخوك Yassenkov

[رياض ركابي]

شكرا جزيلا على الردود