السلام عليكم جميعا
اني اخوكم بولايه اريزونا حاليا واريد احول لولايه كنتاكي مدينه لويس فيل او اي مدينه اخرى وعندي صديق بيهه
بس ماصارله فتره هوايه يعني ماعنده خبره ومعلومات كافيه عن الولايه
اريد تساعدوني بمعلومات عن الولايه يعني العمل المساعدات الكاش مني
شكد الفود ستام الايجارات الجو وا المجمعات السكنيهالجيده نوعا ما وشتنصحوني بيهه
وجزاكم الله الف خير
اخوكم ابويوسف
حيا الله اخي العزيز ابو سيف وكل الاخوة الاعضاء بالمنتدى
اخي الحبيب اكو فكرة اريد اوصلك اياها
اولا- التوفيق من الله جل وعلا انت ماتعرف وين يكون وباي وقت يظهر فانت عليك ان تعمل كل المحاولات واتخلي الباقي يم رب العالمين فهل انت حاولت كل جهدك في اريزونا؟ لان انا عندي اصدقاء باريزونا ومرتاحين بيها ويشتغلون ومستقرين وان شاء الله اسال الله الك التوفيق وللكل وين ماتكونون
ثانيا- انت قبل ماتخلي في بالك ولاية كنتاكي مدينة لويفل هل خليت في بالك مدينة اقرب لاريزونا من كنتاكي تكساس مثلا الشغل بيها زين والعراقيين كثيرين هناك او يوتا او اي ولاية اقرب الك لان ترى كنتاكي بعيدة عنك واذا اتخذت القرار بالسفر الى كنتاكي راح تتعب بالطريق الى ان تصل (انا ما اريد اخلي كدامك عثرات لا والله لكن اريد اوضحلك امور قد تكون غابت عنك)
فاذا انت شفت نفسك حاولت كل المحاولات في اريزونا ومافادت وياك وبنفس الوقت شفت نفسك افضل شي الك كنتاكي عادي تكدر اتكللهم للمنظمة يمك انه قررت اتسافر الى كنتاكي وتجي هنا المنظمة اللي موجودة بلويفيل تكدر اتكمل وياك وانا من جهتي اكدر اساعدك بالمعلومات اللي تحتاجها عن لويفل حسب الوقت المتوفر عندي لان تدري عائلة والتزاماتها وان شاء الله ما اقصر وياك من ناحية المعلومات باعطائك اي معلومة لان هاي اللي اكدر اساعدك بيها وردا على اسئلتك السابقة راح اجاوبك ان شاء الله
(اريد تساعدوني بمعلومات عن الولايه يعني العمل المساعدات الكاش مني
شكد الفود ستام الايجارات الجو وا المجمعات السكنيه الجيده نوعا ما وشتنصحوني بيهه)
اجاوبك بس انت هم جاوبني
هل انت اعزب لوحدك ام معك عائلة؟
اذا عائلة وياك كم طفل الله يخليهم يارب؟
العمل : كنتاكي تتوفر بيها الاعمال العادية في مصانع او مطاعم او ورش التصليح واقل اجر هو 7.35 دولار
الجو : الصيف حسب ماذكر لي انه حار ورطب جدا اما اللي شفتا من اجيت قبل اربع اشهر لحد اليوم فانه اكثر الايام اتشوف الاربع فصول باليوم الواحد
المجمعات السكنيه : السكن في شقق ومجمعات سكنية الايجار بيها غرفتين بحدود 600-650 دولار ثلاث غرف 700-750 دولار وحسب نوع المجمع والخدمات اللي بي
اما باقي الاسئلة عن المساعدات والفودستامب وغيرها تعتمد على كونك اعزب لو عائلة وياك فجاوبني على اسئلتي حتى اكدر اجاوبك
اما كلامك الاخير (وشتنصحوني بيهه) انا ما انصحك انا اعطيك الاجوبة والمعلومات وانت فكر بشكل جيد واسال غيري وارجع الى قرارة نفسك لان اذا انصحك احتمال تجي وماترتاح واتكولي انه انت نصحتني بيها مثلا لان انا احجي وياك حجي واقعي وصريح واتمنى الك كل الموفقية يارب
