مرحبه
اليوم الخميس جنه عدد لا باس بيه بالمنظمه و من كل الفئات عوائل وعزاب طبعا لفينه عل الباب الرئيسي و صار حجي و عرفوا انه احنه الاغلبيه معلقيين واكو ويانه متاخريين المهم هوايه من عدنه اتصلو بيهم المنظمه اليوم و اني واحد منهم و كالتلي الموظفه انه ملفي ماشي و انتظر من عدهم اتصال عل أي شي جديد , المعنى انه هاي اول يوم من تجمعنه جاب تنيجه ولو بسيطه بس المهم انه عرفوا انه احنه كلنه ملفاتنه نايمه
و من كلت اني سابقا اكو تقصير من المنظمه بحقنه جنت على حق لان اليوم اكثر من واحد تاكد انه اكو لا مبالات من المنظمه مثل الي صار ويايه من دخلت اليوم عل الاستفسار لحيت عل الموظفه و انطيتهه اثباتات والله العظيم كالتلي انه اكو خربطه بين الاقسام بالمنظمه مثلا كتلهه اني دزيتلكم وثائق انتو طلبتوهه من قبل 8 اشهر و اني بعثتهه 4 مرات متتاليه و مره جبتهه بيدي سلمتهه للمنظمه و تكولون اليوم مواصله و بعد ما صعدت ونزلت و اتصلت بالتلفون جانت تكلي أي هيه واصله و الشخص المعني ما مستلمهه لاين الشخص الي استلم الوثائق ما وصلهه وهاي صار 8 اشهر عل هل الحجي و احنه كلنه شغلتنه مصيريه ننتظر كل يوم وكل ساعه اتصالهم , مخلص الحجي اني و اغلب جماعتنه الي كانوا اليوم رح تنباشر من الاحد القادم 14-4 ب 10 الصبح تجمع بالمنظمه و بشكل يومي لاين مال نكعد وننتظر رحمتهم ما ترهم ,و مثل اليوم تجمعنه بهدوء و بدون مشاكل و يوم بعد يوم اني متاكد رح نوصل النتيجه.
ابن بطوطه عمان
