السلام عليكم
اخواني اني قبل لا اسافر كنت اتصور اكو فد اهمال او تقصير او عجز نكدر نسميه من موظفين المنظمات مال iom بالولايات المتحدة بالنسبة لأمور الكيسات
وهذا الكلام احجي شهادة وامانه رب العالمين كل ما اروح للمنظمة واشوفهم والله يركضون ركض مصاير وكلهم وخاصة الموظفين العراقيين الجنسية واتصالاتهم مكثفة علو المكتب او الدائرة الام الي هي في العاصمة واشنطن وميقصرون وية شخص يجييهم ،، اني من الناس من كمت اراجع واسأل على كيسات اهلي يدخلوني عالمدير جوه بغرفته وهو عربي الجنسية من شافني دا الح عليه شنو السبب دخل على نظام عنده بالحاسبة خاص بيه يبين بيهة حالة الملف وين واصله وبالضبط وشنو الباقي ،، وكلي خلي اتأكد من صحة الاجراءات كال خلي اتصل بالمكتب بواشنطن واتصل بشخص اسمه احمد سوداني الجنسية بس نطاه رقم الكيس رأساً نطاه كلشي بالمضبوط مع كل الفترات ،،
فيا اخواني الاعزاء المنظمات كلها دتشتغل ومواكفة عن شغلهة دا احجي بالنسبة لهنا ما ادري شنو بالنسبة لعمان بس عنا هاي الاجراءات انه ديمشون ويسرعون الي يكدرون عليه واذا اقتضى الحال ينطيك الدليل اني هذا الي صار وياية بالضبط
المشكلة الوحيدة الي دتسبب التأخير بالملفات وهي كثرة الملفات وكثرة طلبات اللجوء من دول اخرى اني اصلا مسامع بيهة بس كلش كلش هواية لاجئيين من كل بلدان العالم
فأتحلوا بالضبر يا اخواني وساعة من ساعة فرج ان شاء الله ويارب كلكم ترتاحون وتجون هنا وتختارون طريقكم بيدكم وطريق مستقبل اطفالكم وعوائلكم
تمنياتي بالموفقية للجميع
